حیدرآباد کے مختلف علاقوں میں بجلی بند رکھنے کا اعلان
اشاعت کی تاریخ: 18th, October 2025 GMT
حیدرآباد : شہر کے مختلف علاقوں میں بجلی کے ٹرانسفارمرز خراب ہونے لگے ،جس سے عوام شدید اذیت کا شکار ہیں، حیسکو نے مختلف علاقوں میں بجلی بند رکھنے کا اعلان کردیا۔
اس حوالے سے حیدرآباد کو بجلی فراہم کرنے والے ادارے حیسکو نے وضاحت دیتے ہوئے اعلان کیا ہے کہ لطیف آباد میں مرمتی کام کی وجہ سے بجلی کی سپلائی بند رکھی جائے گی۔
حیسکو اعلامیے کے مطابق لطیف آباد کے متعدد فیڈرز کی بندش کی وجہ سے صبح 9 سے دوپہر 2 بجے تک بجلی فراہمی معطل رہے گی۔
حیسکو ترجمان کا مزید کہنا ہے کہ مذکورہ متاثرہ علاقوں میں لطیف آباد نمبر3،4،5،10،11 اور میر حسین آباد شامل ہیں۔
یاد رہے کہ گزشتہ دنوں ہونے والی طوفانی بارشوں کے دوران حیسکو ریجن کے 650 میں سے 350 فیڈرز بند ہوگئے تھے۔
تیز ہواؤں اور بارش کے سبب 132 کے وی کے 11 ٹاورز بھی گرے، بجلی کے ٹاورز خان پور، سیہون، سلطان آباد سمیت مختلف مقامات پر گرے تھے، جس سے متعدد علاقوں کو بجلی کی فراہمی کئی گھنٹوں تک معطل رہی۔
.
ذریعہ
ذریعہ: Daily Mumtaz
کلیدی لفظ: علاقوں میں
پڑھیں:
پشاور سمیت مختلف اضلاع میں بجلی کا طویل بریک ڈاؤن، شہریوں کو مشکلات کا سامنا
پشاور:خیبرپختونخوا کے دارالحکومت پشاور سمیت صوبے کے متعدد اضلاع میں بجلی کا طویل اور غیر معمولی بریک ڈاؤن شہریوں کے لیے عذاب بن گیا۔
شدید آندھی اور طوفان کے بعد شام تقریباً 6 بجے اچانک بجلی کی فراہمی معطل ہوئی جو کئی گھنٹے گزرنے کے باوجود مکمل طور پر بحال نہ ہو سکی۔
بجلی کی بندش کے باعث پشاور، مردان، چارسدہ، نوشہرہ اور دیگر متاثرہ علاقوں میں شہری شدید مشکلات کا شکار ہیں۔
گرمی اور حبس کے باعث گھروں میں موجود بچوں، بزرگوں اور مریضوں کو سخت پریشانی کا سامنا کرنا پڑا جبکہ کاروباری سرگرمیاں بھی متاثر ہوئیں۔
مزید پڑھیںپشاور سے کراچی تک نئی عوام ایکپریس ٹرین سروس شروع
شہریوں کا کہنا ہے کہ آندھی شروع ہوتے ہی بجلی غائب ہوگئی تاہم طوفان کے خاتمے کے کئی گھنٹے بعد بھی بجلی بحال نہ ہونا متعلقہ اداروں کی کارکردگی پر سوالیہ نشان ہے۔ متعدد علاقوں میں لوگ رات گئے تک بجلی کی واپسی کے منتظر رہے۔
دوسری جانب پیسکو حکام کے مطابق طوفانی موسم کے باعث بجلی کے ترسیلی نظام میں فنی خرابی پیدا ہوئی ہے جس کے باعث مختلف فیڈرز متاثر ہوئے۔
حکام کا کہنا ہے کہ تکنیکی ٹیمیں بحالی کے لیے کام کر رہی ہیں اور مرحلہ وار بجلی کی فراہمی بحال کی جا رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ