جمائما کی والدہ کا انتقال، عمران خان کے سابق سسرالی خاندان میں سوگ
اشاعت کی تاریخ: 19th, October 2025 GMT
لندن: پاکستان تحریک انصاف کے بانی عمران خان کی سابق خوشدامن اور جمائما گولڈ اسمتھ کی والدہ لیڈی اینابیل گولڈ اسمتھ 91 برس کی عمر میں انتقال کر گئی ہیں۔
میڈیا رپورٹس کے مطابق لیڈی اینابیل 11 جون 1934 کو لندن میں پیدا ہوئیں۔ ان کے 6 بچے تھے جن میں جمائما گولڈ اسمتھ اور سابق برطانوی رکن پارلیمنٹ زیک گولڈ اسمتھ شامل ہیں۔
اطلاعات کے مطابق، لیڈی اینابیل کے ایک بیٹے کا انتقال مغربی افریقا میں ہوا جبکہ دوسرے بیٹے کو ایک شیر نے ہلاک کر دیا تھا۔
رپورٹ میں بتایا گیا کہ لیڈی اینابیل کے شوہر سر جیمز گولڈ اسمتھ نے لندن کے مشہور مے فئیر نائٹ کلب کا نام اپنی اہلیہ کے نام پر رکھا تھا، جہاں برطانوی شاہی خاندان کے افراد بھی اکثر آتے تھے۔
لیڈی اینابیل کو صرف 15 سال کی عمر میں "لیڈی" کا خطاب دیا گیا تھا۔ ان کی پہلی شادی مارک برلے سے ہوئی جو 21 برس تک قائم رہی، جب کہ دوسری شادی سر جیمز گولڈ اسمتھ سے 1978 میں ہوئی۔
یاد رہے کہ لیڈی اینابیل کی بیٹی جمائما گولڈ اسمتھ نے 1995 میں عمران خان سے شادی کی تھی، جو بعد میں طلاق پر ختم ہوئی۔
.
ذریعہ: Express News
کلیدی لفظ: گولڈ اسمتھ
پڑھیں:
2025ء میں علیحدگی اختیار کرنے والی مشہور فنکار جوڑیاں
2025ء شوبز اور اسپورٹس کی دنیا میں رشتوں کے اختتام کا سال ثابت ہوا، کچھ جوڑوں نے خاموشی سے راستے جدا کیے تو کچھ کی علیحدگیاں سرخیوں پر چھا گئیں۔
2025ء اپنے اختتام کی جانب بڑھ رہا ہے، سال کے آخری ماہ میں یہاں اُن مشہور شخصیات کا خلاصہ ہے جنہوں نے رواں سال علیحدگی اختیار کی۔
دھناشری ورما اور یوزویندر چہل
کوریوگرافر دھناشری ورما اور بھارتی کرکٹر یوزویندر چہل کی علیحدگی سال کی سب سے زیادہ زیرِ بحث طلاقوں میں شامل رہی، طلاق کے بعد دھناشری ورما کو ملنے والے 4 کروڑ روپے اور مختلف افواہوں نے اس معاملے کو مسلسل خبروں میں رکھا۔
اس جوڑی نے 2020ء میں شادی کی تھی اور اِن کی طلاق مارچ 2025ء میں فائنل ہوئی۔
سلینا جیٹلی اور پیٹر ہیگ
اداکارہ سلینا جیٹلی نے چند روز قبل ممبئی کی ایک عدالت میں اپنے شوہر پیٹر ہیگ کے خلاف گھریلو تشدد کے الزام میں طلاق کی درخواست دائر کی تھی۔
پیٹر ہیگ پہلے ہی آسٹریا میں علیحدگی سے متعلق کارروائیاں شروع کر چکے تھے۔
دونوں 2010ء میں رشتۂ ازدواج میں منسلک ہوئے تھے اور اِن کے یہاں دو بار جڑواں بچوں کی پیدائش ہوئی۔
جینیفر لوپیز اور بین ایفلیک
2021ء میں ازدواجی زندگی کا آغاز کرنے والا ہالی ووڈ جوڑا ایک بار پھر الگ ہوگیا، دونوں نے 2024ء میں علیحدگی اختیار کی تھی اور فروری 2025ء میں اِن کے درمیان باضابطہ طور پر طلاق ہوگئی۔
ان کی شادی کو دوسرا موقع ملنے کی امید رکھنے والے مداح اس فیصلے سے خاصے مایوس ہوئے۔
نکول کڈمین اور کیتھ اربن
19 سالہ شادی کے بعد نکول کڈمین نے 30 ستمبر کو امریکی شہر نیشویل میں طلاق کی درخواست دائر کی۔
طے شدہ معاہدے کے مطابق بیٹیوں کی سرپرستی میں نکول کو سال کے 306 دن ملیں گے جبکہ کیتھ کو 59 دن، دونوں 2006ء میں رشتۂ ازدواج میں منسلک ہوئے تھے۔
جوڈی ٹرنر اسمتھ اور جوشوا جیکسن
ہالی ووڈ اداکار جوڈی نے 2019ء میں شادی کی تھی اور 2020ء میں اِن کے یہاں ایک بیٹی ہوئی۔
ان کی طلاق مئی 2025ء میں مکمل ہوئی تھی، عدالت میں مالی معاملات اور بچوں کی کفالت پر بحث ہونے کے بعد دونوں نے مشترکہ طور پر قانونی سرپرستی پر اتفاق کیا ہے۔
2025ء میں شادی شدہ جوڑوں میں ہونے والے یہ علیحدگیاں یاد دلاتی ہیں کہ شہرت اور چمک دمک کے پیچھے بھی حقیقی زندگی کی مشکلات موجود ہوتی ہیں اور تعلقات کے امتحان سے کوئی بھی محفوظ نہیں۔
گلگت، ایم ڈبلیو ایم کے سابق ممبران اسمبلی کے اعزاز میں تقریب