ایکس (ٹوئٹر) پر ویب لنکس اوپن کرنا اب ہوگا اور آسان
اشاعت کی تاریخ: 20th, October 2025 GMT
اگر آپ ایکس (سابقہ ٹوئٹر) استعمال کرتے ہیں تو آپ نے محسوس کیا ہوگا کہ جن پوسٹس میں ویب لنک شامل ہو، وہ اتنی نمایاں یا انٹریکٹو نہیں ہوتیں۔ اس وجہ سے صارفین اکثر لائیک، ری پوسٹ یا کمنٹ کرنے سے رہ جاتے ہیں۔اب ایکس اس مسئلے کا حل نکالنے جا رہا ہے۔
ایکس کے پراڈکٹ ہیڈ نکیتا بیئر نے ایک پوسٹ میں اعلان کیا کہ پلیٹ فارم ایک نئے فیچر کی ٹیسٹنگ کر رہا ہے، جس کا مقصد ویب لنک والی پوسٹس کو زیادہ مؤثر اور انٹریکٹو بنانا ہے۔
نئے فیچر کے تحت صارفین لنک پر کلک کرنے کے بعد بھی اصل پوسٹ سے مکمل طور پر باہر نہیں جائیں گے۔ یعنی جب کوئی لنک کھولا جائے گا تو ویب پیج اوپر نظر آئے گا، جبکہ نیچے لائیک، ری پوسٹ اور دیگر آپشنز دستیاب ہوں گے۔
فی الحال یہ فیچر iOS ایپ پر آزمائشی بنیادوں پر متعارف کروایا گیا ہے۔نکیتا بیئر کا کہنا تھا کہ عام طور پر جب صارفین لنک پر کلک کرتے ہیں تو وہ پوسٹ پر انٹریکشن نہیں کرتے، جس کی وجہ سے ایکس کے الگورتھمز اس پوسٹ کو مقبول نہیں سمجھتے۔ نیا فیچر اس کمی کو دور کرے گا اور ویب لنک والی پوسٹس کو زیادہ رسائی دلائے گا۔
ذریعہ
ذریعہ: Daily Mumtaz
کلیدی لفظ: ویب لنک
پڑھیں:
کاوا مینز والی بال چیمپئن شپ: قومی ٹیم نے دوسرے روز بنگلا دیش کو شکست دے دی
کاوا مینز والی بال چیمپئن شپ کے دوسرے روز بھی پاکستان کا جادو سر چڑھ کر بولا، قومی ٹیم نے بنگلادیش کو کسی بھی مرحلے پر سنبھلنے کا موقع نہ دیا اور مسلسل تین سیٹ جیت کر 0-3 سے شاندار فتح اپنے نام کر لی۔
پاکستان نے آغاز سے ہی جارحانہ کھیل پیش کرتے ہوئے پہلا سیٹ 16-25 سے جیتا، دوسرے سیٹ میں بھی سبز ہلالی پرچم بلند رکھا اور 17-25 سے کامیابی سمیٹی۔
تیسرے سیٹ میں بنگلادیش نے بھرپور مزاحمت کی، مگر پاکستانی کھلاڑیوں نے اعتماد اور مہارت کا شاندار مظاہرہ کرتے ہوئے 22-25 سے فتح حاصل کی اور میچ بغیر کوئی سیٹ گنوائے تین صفر سے اپنے نام کر لیا۔
قومی ٹیم کی یہ مسلسل دوسری فتح کاوا چیمپئن شپ میں پاکستان کے مضبوط عزائم کا واضح اعلان ہے جبکہ شاندار کارکردگی نے ٹائٹل کی دوڑ میں پاکستان کو مزید مضبوط امیدوار بنا دیا۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم