حماس نے قابض فوجی کی لاش ریڈ کراس کے حوالے کر دی
اشاعت کی تاریخ: 21st, October 2025 GMT
ابو علی مصطفی بریگیڈز نے اپنے جاری کردہ بیان میں کہا کہ یہ اقدام قومی اور انسانی ذمہ داری کے تقاضوں کے تحت انجام دیا گیا اور لاش معاہدۂ غزہ کی شرائط کے مطابق ریڈ کراس کے حوالے کی گئی ہے۔ اسلام ٹائمز۔ فلسطین کی اسلامی مزاحمت حماس نے ایک اور قابض فوجی کی لاش اسرائیل کے حوالے کر دی۔ بین الاقوامی ریڈ کراس کمیٹی نے اطلاع دی ہے کہ اسے غزہ کے اندر سے فلسطینی مزاحمتی قوتوں کی جانب سے ایک قابض اسرائیلی فوجی کی لاش سونپی گئی ہے۔ ابو علی مصطفی بریگیڈز نے اپنے جاری کردہ بیان میں کہا کہ یہ اقدام قومی اور انسانی ذمہ داری کے تقاضوں کے تحت انجام دیا گیا اور لاش معاہدۂ غزہ کی شرائط کے مطابق ریڈ کراس کے حوالے کی گئی ہے۔ القسام بریگیڈز نے بھی اطلاع دی تھی کہ ملبے تلے سے نکالی گئی ایک قابض قیدی کی لاش پیر کی رات آٹھ بجے ریڈ کراس کے حوالے کی جائے گی۔ مزاحمتی تحریکوں نے اس سلسلے میں تسلسل برقرار رکھا ہے اور بتایا ہے کہ وہ مرحلہ وار قیدیوں کی واپسی اور لاشوں کی حوالگی کے اقدامات پر کاربند ہیں۔ دریں اثنا غزہ کی سرکاری اطلاعاتی دفتر نے اعلان کیا ہے کہ قابض فوج نے جنگ بندی کے اعلان کے بعد بھی اسی عرصے میں 80 خلاف ورزیاں کی ہیں جن کے نتیجے میں 97 فلسطینی شہید اور 230 زخمی ہوئے۔ یہ اعداد و شمار ثابت کرتے ہیں کہ قابض ریاست نے جنگ بندی کو بھی اپنے مجرمانہ عمل کے لیے ہر وقت پامال کیا ہے۔
ذریعہ
ذریعہ: Islam Times
کلیدی لفظ: ریڈ کراس کے حوالے کی لاش
پڑھیں:
پاسداران انقلاب کی برطانیہ کو وارننگ، کویت میں امریکی الیکٹرانک وارفیئر کا یونٹ تباہ
ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ اسلام ٹائمز۔ ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ بیان کے مطابق اس یونٹ سے وابستہ ایک مرکز کو بھی نشانہ بنایا گیا، جس کے نتیجے میں متعدد اہلکار ہلاک یا زخمی ہوئے، جبکہ اڈے کے فضائی ٹریفک کنٹرول ٹاور کو بھی نقصان پہنچا۔ پاسدارانِ انقلاب کے شعبۂ تعلقاتِ عامہ کی جانب سے جاری بیان میں کہا گیا کہ یہ کارروائی جارح کو سزا دینے کے سلسلے کی کڑی ہے اور امریکی فوج کی ان کارروائیوں کا جواب ہے، جن میں جمعرات کی صبح امام حسینؑ کے روضے کی جانب جانے والے زائرین کے راستے کو نشانہ بنایا گیا۔ بیان کے مطابق امریکی حملے میں عراق کی سرحد پر واقع شلمچہ بارڈر کراسنگ پر دو افراد جاں بحق اور 11 زخمی ہوئے۔
سپاہ پاسداران انقلاب نے اپنے بیان میں برطانیہ کو تنبیہ کرتے ہوئے کہا کہ ایران کیخلاف استعمال ہونے والا برطانوی اڈہ جائز ہدف تصور ہو گا۔ بیان کے مطابق امریکی فوج نے گزشتہ روز بحرِ ہند میں موجود اپنے بحری بیڑے کے کروز میزائل ختم ہونے کے بعد برطانیہ کے فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔ پاسدارانِ انقلاب نے ایک بار پھر ایرانی وزارتِ خارجہ کے مؤقف کو دہراتے ہوئے کہا کہ ایران پر حملے کے لیے استعمال ہونے والا ہر فوجی اڈہ ایک جائز ہدف تصور کیا جائے گا۔ بیان کے اختتام پر برطانیہ کی حکومت کو خبردار کرتے ہوئے کہا گیا کہ وہ خطے کے عوام کی مشکلات کی بنیادی ذمہ دار ہے اور اسلامی ممالک کی تقسیم، قتلِ عام، آمرانہ حکومتوں کے قیام، فلسطین پر قبضے کی منصوبہ بندی اور اسرائیل کے قیام میں اس کا کردار تاریخ کا حصہ ہے۔ بیان میں یہ بھی الزام عائد کیا گیا کہ برطانیہ نے ایران کے خلاف حالیہ امریکی اور اسرائیلی حملوں میں بھی نمایاں کردار ادا کیا۔
یاد رہے کہ اس سے قبل آج ہی ایرانی وزارتِ خارجہ نے برطانوی حکومت کے اس فیصلے کی مذمت کی تھی، جس کے تحت امریکہ کو ایران کے خلاف فوجی حملوں کی تیاری کے لیے برطانوی فوجی اڈوں اور تنصیبات کے استعمال کی اجازت دی گئی۔ وزارتِ خارجہ نے کہا کہ ان حملوں کی تیاری یا ان پر عمل درآمد میں کسی بھی قسم کا تعاون جارحیت اور جنگی جرائم میں شراکت کے مترادف ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار