‘بیٹی 2 دن سے اسپتال میں داخل ہے، اللہ کرے ہم میچ جیت جائیں’: اسپنر آصف آفریدی
اشاعت کی تاریخ: 23rd, October 2025 GMT
data-id="863a0a8" data-element_type="widget" data-widget_type="theme-post-content.default">
پاکستانی اسپنر آصف آفریدی، جنہوں نے اپنے ڈیبیو ٹیسٹ میں 92 سالہ ریکارڈ توڑ کر تاریخ رقم کی، اپنی شاندار کارکردگی سے نہایت مطمئن اور خوش نظر آئے۔ جنوبی افریقہ کے خلاف پنڈی ٹیسٹ میں اپنے پہلے ہی میچ میں انہوں نے منفرد اعزاز حاصل کرتے ہوئے انگلینڈ کے چارلس میریٹ کا 1933 سے قائم ریکارڈ توڑا۔
38 سالہ بائیں ہاتھ کے اسپنر آصف آفریدی ڈیبیو ٹیسٹ میں پانچ وکٹیں حاصل کرنے والے عمر رسیدہ ترین کرکٹر بن گئے۔ انہوں نے جنوبی افریقہ کے خلاف پہلی اننگز میں شاندار بولنگ کرتے ہوئے مجموعی طور پر چھ وکٹیں حاصل کیں اور اپنی نپی تلی لائن و لینتھ سے بیٹرز کو مسلسل پریشان رکھا۔
پی سی بی کو دیے گئے ایک انٹرویو میں آصف آفریدی نے بتایا کہ ٹیسٹ ڈیبیو کا موقع ان کے لیے ایک خواب کی تکمیل جیسا ہے۔ انہوں نے کہا کہ جب کپتان نے انہیں اطلاع دی کہ وہ اگلے دن ڈیبیو کریں گے، تو خوشی کے باعث وہ پوری رات سو نہیں سکے۔ ان کے اہلخانہ بھی اس موقع پر بے حد خوش تھے۔ آصف کا کہنا تھا کہ انہوں نے ڈومیسٹک کرکٹ کی طرح اپنی لائن برقرار رکھنے کی کوشش کی، اور اللہ کے فضل سے بہترین بولنگ ہوئی۔
انہوں نے یہ بھی بتایا کہ ان کی ایک بیٹی اسپیشل چائلڈ ہے جو دو دن سے اسپتال میں داخل ہے، اس لیے دل تھوڑا پریشان ہے۔ آصف نے کہا کہ اگر پاکستان یہ میچ جیت جاتا ہے تو وہ اپنی کارکردگی اپنی بیٹی کے نام کریں گے۔
واضح رہے کہ پنڈی ٹیسٹ کے تیسرے دن کے اختتام پر پاکستان نے دوسری اننگز میں 4 وکٹوں کے نقصان پر 94 رنز بنا کر 23 رنز کی برتری حاصل کرلی ہے۔
ذریعہ
ذریعہ: Jasarat News
کلیدی لفظ: انہوں نے
پڑھیں:
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اسلام آباد(ڈیلی پاکستان آن لائن)پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے، چین نے مکئی کی درآمد کے لئے پاکستانی تاجروں کی رجسٹریشن بھی شروع کردی ہے ۔
تفصیلات کے مطابق رائس ایکسپورٹرز ایسوسی کے وفد کا دورہ چین کامیابی سے جاری ہے ، جس دوران چاول کی برآمد کیلئے چین کے دو صوبوں کے ساتھ وفد نے ایم او یو سائن کر لیے ہیں، 30 سے 40 کروڑ ڈالر مالیت کے چاول کی فروخت کے معاہدے متوقع ہیں ہیں۔رائس ایکسپورٹرز ایسوسی ایشن کے چیئرمین جاوید جیلانی کا کہناتھا کہ چین کو پاکستان سے مکئی کی برآمد بھی جلد شروع ہو جائے گی،چین کو باسمتی اور نان باسمتی دونوں اقسام کے چاول برآمد کریں گے،رواں مالی سال چاول کی برآمدات دوبارہ 3ارب ڈالر کی سطح عبور کر جائیں گی، چین کا دورہ جاری ہے مزید آرڈرز ملنے کا امکان ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار