بالی ووڈ کی مشہور اداکارہ اسپتال میں داخل
اشاعت کی تاریخ: 21st, October 2025 GMT
نیو دہلی:
بالی ووڈ کی مشہور اداکارہ چترانگدا سنگھ نے اپنے مداحوں کو پریشان کن خبرسناتے ہوئے اسپتال میں داخل ہونے کی اطلاع دی ہے۔
بھارتی ویب سائٹ کے مطابق اداکارہ چترانگدا سنگھ نے سوشل میڈیا پر اپنی تصویر جاری کی اور بتایا کہ وہ اسپتال میں داخل ہیں، تصویر میں دیکھا جاسکتا ہے کہ ان کے ہاتھ میں ڈرپ لگی ہوئی ہے۔
چترانگدا سنگھ کی تصویر سامنے آتے ہیں مداحوں نے پریشانی کا اظہار کیا اور ان کے اچانک اسپتال میں داخلے کی وجوہات جاننے کی کوشش کی۔
بالی ووڈ اداکارہ نے اپنے پیغام میں کہا کہ امید ہے میں جلد ہی پہلے کی طرح چلنے پھرنے لگوں گی۔
انہوں نے اپنے پیغام میں واضح نہیں کیا کہ ان کے اسپتال میں ایڈمٹ ہونے کی وجہ کیا ہے۔
چترانگدا سنگھ کی فلم رواں برس جولائی میں ریلیز ہوئی تھی، جس میں سنجے دت، اکشے کمار، ابھیشک بچن، نرگس فخری سمیت دیگر بڑے اسٹار پر مشتمل تھی جبکہ سلمان خان کی آنے والی فلم بیٹل آف گالوان میں بھی نظر آئیں گی۔
.ذریعہ: Express News
کلیدی لفظ: چترانگدا سنگھ اسپتال میں
پڑھیں:
امارات کا مشہور ‘بھوتوں والا محل فروخت کے لیے پیش ، قیمت 2 کروڑ 50 لاکھ درہم
متحدہ عرب امارات میں برسوں سے جنات، بھوتوں اور پراسرار کہانیوں کی وجہ سے شہرت حاصل کرنے والا القاسمی محل اب فروخت کے لیے پیش کر دیا گیا ہے۔
یہ شاندار چار منزلہ محل 1985 میں مرحوم شیخ عبدالعزیز بن حمید القاسمی نے تعمیر کروایا تھا۔ 20 ہزار مربع میٹر پر پھیلا ہوا یہ محل 35 کمروں پر مشتمل ہے۔ اس کی تعمیر میں اسلامی، مراکشی، فارسی اور بھارتی طرزِ تعمیر کی جھلک نمایاں ہے، جبکہ اندرونی تزئین و آرائش میں فرانس اور بیلجیئم سے درآمد کیے گئے فانوس، اعلیٰ معیار کا سنگ مرمر اور شیشے کا اہرام نما گنبد شامل ہیں۔
محل کی خوبصورتی دیکھنے والوں کو جہاں حیران کرتی ہے، وہیں اس سے جڑی پراسرار کہانیاں ایک عجیب سا خوف بھی پیدا کرتی ہیں۔ مقامی لوگ برسوں سے اس عمارت سے متعلق ایسی کہانیاں سناتے آئے ہیں جن میں جنات، جھلملاتی روشنیاں اور سائے شامل ہیں، یہی وجہ ہے کہ اسے ’بھوتوں والا محل‘ کہا جانے لگا۔
دلچسپ حقیقت یہ ہے کہ شیخ عبدالعزیز خود کبھی اس محل میں نہیں رہے۔ ان کے خاندان نے محل میں مجسموں اور تصویروں کی موجودگی پر اعتراض کیا، جس کے بعد عمارت خالی چھوڑ دی گئی۔ وقت کے ساتھ ساتھ اس محل کے آسیب زدہ ہونے کی افواہیں پھیلتی گئیں، اور کہا جاتا ہے کہ محل کے قریب موجود ایک درخت، جہاں مبینہ طور پر جنات کا بسیرا تھا، جب کاٹا گیا تو محل میں عجیب و غریب واقعات رونما ہونے لگے۔
محل کے موجودہ مالک نے تصدیق کی ہے کہ یہ عمارت 2 کروڑ 50 لاکھ درہم میں فروخت کے لیے پیش کی گئی ہے، تاہم شرط رکھی گئی ہے کہ خریدار صرف اماراتی شہری ہونا چاہیے۔
ٹرمپ کو سنبھالنا صرف پاکستانی وزیراعظم شہباز شریف کو آتا ہے: برطانوی اخبار