ملک میں مہنگائی کی شرح مسلسل چوتھے ہفتے بھی بلند ، ہفتہ وار مہنگائی میں صفر اعشاریہ22فیصد اضافہ
اشاعت کی تاریخ: 24th, October 2025 GMT
ملک میں مہنگائی کی شرح مسلسل چوتھے ہفتے بھی بلند ، ہفتہ وار مہنگائی میں صفر اعشاریہ22فیصد اضافہ WhatsAppFacebookTwitter 0 24 October, 2025 سب نیوز
اسلام آباد (آئی پی ایس )وفاقی ادارہ شماریات کے مطابق ملک میں مہنگائی کی شرح میں مسلسل چوتھے ہفتے اضافہ ریکارڈ کیا گیا، ہفتہ وار بنیاد پر مہنگائی 0اعشاریہ22فیصد بڑھ کر سالانہ 5اعشاریہ3فیصد تک جا پہنچی، گزشتہ ہفتے 20اشیائے ضروریہ کی قیمتوں میں اضافہ جبکہ 6 اشیا سستی ہوئیں۔وفاقی ادارہ شماریات کی رپورٹ کے مطابق پیاز، انڈے، چینی، لہسن، کیلے، خشک دودھ، بیف، کوکنگ آئل، انرجی سیور اور جلانے کی لکڑی کی قیمتوں میں اضافہ ریکارڈ ہوا۔
چکن، چاول، دال مونگ، گڑ، گندم کا آٹا اور ایل پی جی سستی ہونے والی اشیا میں شامل رہیں، گزشتہ ہفتے پچیس اشیائے ضروریہ کی قیمتوں میں استحکام دیکھا گیا۔رپورٹ کے مطابق ایک سال کے دوران ٹماٹر ایک سو اکیس فیصد، چینی 41فیصد اور آٹا 18فیصد مہنگا ہوا، گیس چارجز میں 30فیصد اور ڈیزل کی قیمت میں تقریبا 10 فیصد اضافہ ہوا۔گزشتہ ہفتے چینی کی قیمت میں 3 اعشاریہ77فی کلو اضافہ ہوا جس کے بعد اوسط قیمت 188اعشاریہ81روپے فی کلو تک جا پہنچی۔پشاور میں چینی سب سے مہنگی 210 فی کلو جبکہ اسلام آباد اور راولپنڈی میں 200 فی کلو فروخت ہوئی۔کراچی میں چینی کا ریٹ 195 ، لاہور میں 179 اور کوئٹہ میں 190 روپے فی کلو رہا۔ٹماٹر کی اوسط قیمت 329 روپے فی کلو سے تجاوز کر گئی جبکہ مختلف شہروں میں نرخ 320 سے 400 روپے فی کلو تک رہے۔ایک ہفتے میں زندہ برائلر مرغی کی قیمت میں 8 روپے فی کلو کمی کے بعد اوسط قیمت 319 روپے فی کلو ریکارڈ ہوئی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراسلام آباد ہائیکورٹ، مغوی ڈپٹی ڈائریکٹر این سی سی آئی اے کی بازیابی کیلئے مزید ایک ہفتے کی مہلت اسلام آباد ہائیکورٹ، مغوی ڈپٹی ڈائریکٹر این سی سی آئی اے کی بازیابی کیلئے مزید ایک ہفتے کی مہلت پاکستان نے مہاجرین کو سینے سے لگایا، ہندوستان ہرا نہیں سکتا، وزیراعظم آزاد کشمیر وزیراعظم نے اسلام آباد میں شاہین چوک انڈر پاس منصوبے کا سنگ بنیاد رکھ دیا وفاق نے تحفظات دور کرانے کی یقین دہانی کرائی، مسائل پیدا کرنا نہیں چاہتے، شازیہ مری پی ڈی ایم کے ساتھ مل کر حکومت کرنا ایک بھیانک خواب تھا، گورنر پنجاب سلیم حیدر پاکستان کو بین الاقوامی کمیٹی برائے حقوق نسواں کی سربراہی مل گئیCopyright © 2025, All Rights Reserved
رابطہ کریں ہماری ٹیم.ذریعہ: Daily Sub News
پڑھیں:
چانگان نے اوشان X7 کی قیمتوں میں بڑی کمی کا اعلان کردیا
چانگان پاکستان نے اپنی اوشان X7 ایس یو وی لائن اپ پر سال بھر جاری رہنے والی قیمتوں میں کمی کی مہم کا اعلان کیا ہے، جس کے تحت نقد رعایتیں اور مفت مینٹیننس پیکجز فراہم کیے جائیں گے۔
یہ آفر 31 دسمبر 2025 تک مؤثر رہے گی اور بینک فائنانسنگ کے ذریعے گاڑی خریدنے والوں کے لیے زیادہ فائدہ مند ثابت ہوگی، تاہم ریٹیل خریداروں کو بھی رعایتیں دی جائیں گی۔
کمپنی نے یہ اعلان اپنی آفیشل سوشل میڈیا پوسٹس کے ذریعے کیا، جس میں اوشان X7 کو ملک کی ’سب سے زیادہ فروخت ہونے والی 7 نشستوں والی ایس یو وی‘ قرار دیا گیا، اگرچہ آزادانہ مارکیٹ رپورٹس اس دعوے کی تصدیق نہیں کرتی ہیں۔
یہ بھی پڑھیں: پاکستان میں تیار کردہ گاڑیوں کی ایک اور کھیپ جاپان ایکسپورٹ
بینک فائنانسنگ کے تحت خریداروں کو نمایاں رعایت فراہم کی جا رہی ہے، 5 سیٹ فیوچر سینس ویریئنٹ کی موجودہ قیمت 91 لاکھ 49 ہزار روپے ہے، جس پر کمپنی 2 لاکھ 50 ہزار روپے کی نقد رعایت دے رہی ہے۔
اس رعایت کے بعد گاڑی کی نئی قیمت 88 لاکھ 99 ہزار روپے بنتی ہے، جبکہ 2 سالہ مفت پریوڈک پریوینٹیو مینٹیننس کی مالیت بھی شامل کی جائے تو مجموعی فائدہ 5 لاکھ روپے تک پہنچ جاتا ہے۔
اسی طرح 7 سیٹ فیوچر سینس ویریئنٹ کی قیمت 92 لاکھ 99 ہزار روپے ہے، جس میں 2 لاکھ روپے کی کمی کے بعد نئی قیمت 90 لاکھ 99 ہزار روپے مقرر ہوتی ہے، اور مفت مینٹیننس سمیت مجموعی بچت 4 لاکھ 50 ہزار روپے بنتی ہے۔
مزید پڑھیں: چانگان نے اپنی تمام گاڑیوں کی قیمتیں بڑھا دیں، اطلاق یکم جولائی 2025 سے ہوگا
7 سیٹ کمفرٹ ویریئنٹ کی موجودہ قیمت 84 لاکھ 74 ہزار روپے ہے، جس پر بھی 2 لاکھ روپے کی رعایت دی جا رہی ہے، جس کے بعد یہ 82 لاکھ 74 ہزار روپے میں دستیاب ہے، اور مفت مینٹیننس کو شامل کیا جائے تو صارف کو 4 لاکھ 50 ہزار روپے کا مجموعی فائدہ پہنچتا ہے۔
اس فائنانسنگ اسکیم کے بعد 7 سیٹ کمفرٹ اوشان X7 کا سب سے کم قیمت ویریئنٹ بن گیا ہے۔
ریٹیل خریداروں کے لیے بھی کم قیمت میں گاڑی کی فراہمی ممکن بنائی گئی ہے، اگرچہ بینک فائنانسنگ کے مقابلے میں رعایت کی مالیت کچھ کم ہے۔
مزید پڑھیں: چانگان السوِن پر 2 لاکھ 75 ہزار روپے کی بچت اور 2 سال کی مفت سروس
5 سیٹ فیوچر سینس پر 2 لاکھ روپے کی رعایت کے بعد اس کی قیمت 88 لاکھ 49 ہزار روپے ہو جاتی ہے، جبکہ مینٹیننس کی قیمت شامل کرنے پر مجموعی فائدہ 4 لاکھ 50 ہزار روپے تک پہنچتا ہے۔
7 سیٹ فیوچر سینس ریٹیل خریداروں کے لیے ایک لاکھ روپے کی کمی کے ساتھ 91 لاکھ 99 ہزار روپے میں دستیاب ہوگی اور مینٹیننس کے اضافی فائدے کے ساتھ مجموعی بچت 3 لاکھ 50 ہزار روپے بنتی ہے۔
7 سیٹ کمفرٹ کی قیمت میں بھی ایک لاکھ روپے کی کمی کی گئی ہے، جس کے بعد یہ 83 لاکھ 74 ہزار روپے میں دستیاب ہوگی، جبکہ مینٹیننس کے ساتھ مجموعی فائدہ 3 لاکھ 50 ہزار روپے بنتا ہے۔
مزید پڑھیں: کیا لگژری الیکٹرک گاڑیاں پاکستان پہنچ چکی ہیں، ان کی خصوصیات اور قیمتیں کیا ہیں؟
چانگان کے مطابق کیش ڈسکاؤنٹ اور مفت مینٹیننس کی مالیت کو ملا کر صارفین مجموعی طور پر 5 لاکھ روپے تک کی بچت حاصل کرسکتے ہیں۔
یہ آفر 31 دسمبر 2025 تک مؤثر رہے گی، تاہم اس کے ساتھ فائنانسنگ اہل بینکوں، مینٹیننس کی کوریج اور دیگر شرائط و ضوابط کا اطلاق ہوگا،
جن کی تفصیلات کمپنی نے عوامی سطح پر جاری نہیں کیں۔ اسی لیے خریداروں کو تجویز دی گئی ہے کہ مکمل معلومات کے لیے چانگان پاکستان یا مجاز شو رومز سے رابطہ کریں۔
مزید پڑھیں: نئی پالیسی کے بعد امپورٹڈ گاڑیوں کی قیمتوں میں کیا فرق پڑے گا؟
یہ پیشکش ایسے وقت میں کی گئی ہے جب پاکستان کی آٹو مارکیٹ شدید قیمت دباؤ کا شکار ہے اور مختلف کمپنیاں خریداروں کو راغب کرنے کے لیے ویلیو ایڈڈ پیکجز اور مراعات پر مشتمل اسکیمیں متعارف کرارہی ہیں۔
چانگان کی جانب سے اوشان X7 پر قیمتوں میں کمی بھی اسی رجحان کا تسلسل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایس یو وی بینک چانگان فائنانسنگ کمفرٹ کیش ڈسکاؤنٹ
کوئٹہ بلدیاتی انتخابات، الیکشن کمشنر کی انتخابات ملتوی کی خبروں کی تردید