کئی شہروں میں چینی غائب‘ قیمت 200 روپے کلو سے بڑھ گئی
اشاعت کی تاریخ: 22nd, October 2025 GMT
لاہور؍ سمندری؍ کمالیہ (آئی این پی + نمائندگان) ملک میں چینی کی قیمتوں میں مزید اضافہ ہو گیا۔ ایک ماہ کے دوران چینی کی فی کلو قیمت میں 15 سے 20 روپے تک اضافہ ریکارڈ کیا گیا ۔ اسلام آباد راولپنڈی میں چینی185 سے190 روپے فروخت ہو رہی ہے۔ پشاور میں چینی کی فی کلو قیمت 195 روپے تک پہنچ گئی۔ لاہور میں چینی کی فی کلو قیمت200 روپے تک پہنچ گئی ہے جو گزشتہ ماہ 179 روپے کلو تھی۔ فیصل آباد میں 190 سے200 روپے فروخت ہو رہی ہے ملتان میں چینی کے نرخ 200 روپے فی کلو ہو گئے، کراچی میں چینی195 سے 200 روپے کلو تک فروخت ہو رہی ہے۔ کوئٹہ میں195 سے200 روپے کلو تک پہنچ چکی ہے۔ سمندری میں ڈبل سنچری کراس کر گئی۔ چینی بازار سے نایاب ہو گئی، اگر کہیں سے ملک بھی رہی ہے تو دکاندار مرضی کے ریٹس 220 روپے کلو سے بھی زائد وصول کر رہے ہیں۔ شہر و گردونواح میں چینی کا بحران شدت اختیار کر گیا، چینی 220 روپے کلو تک فروخت ہونے لگی۔ اس وقت چینی کے ایک توڑے پر ایک ہزار روپے سے زائد منافع وصول کیا جا رہا ہے، وہ عام شہریوں کی پہنچ سے باہر ہو چکی ہے۔ قیمت 230 روپے کلو سے بھی تجاوز کر چکی ہے۔
.ذریعہ: Nawaiwaqt
کلیدی لفظ: فروخت ہو میں چینی روپے کلو فی کلو رہی ہے
پڑھیں:
امارات کا مشہور ‘بھوتوں والا محل فروخت کے لیے پیش ، قیمت 2 کروڑ 50 لاکھ درہم
متحدہ عرب امارات میں برسوں سے جنات، بھوتوں اور پراسرار کہانیوں کی وجہ سے شہرت حاصل کرنے والا القاسمی محل اب فروخت کے لیے پیش کر دیا گیا ہے۔
یہ شاندار چار منزلہ محل 1985 میں مرحوم شیخ عبدالعزیز بن حمید القاسمی نے تعمیر کروایا تھا۔ 20 ہزار مربع میٹر پر پھیلا ہوا یہ محل 35 کمروں پر مشتمل ہے۔ اس کی تعمیر میں اسلامی، مراکشی، فارسی اور بھارتی طرزِ تعمیر کی جھلک نمایاں ہے، جبکہ اندرونی تزئین و آرائش میں فرانس اور بیلجیئم سے درآمد کیے گئے فانوس، اعلیٰ معیار کا سنگ مرمر اور شیشے کا اہرام نما گنبد شامل ہیں۔
محل کی خوبصورتی دیکھنے والوں کو جہاں حیران کرتی ہے، وہیں اس سے جڑی پراسرار کہانیاں ایک عجیب سا خوف بھی پیدا کرتی ہیں۔ مقامی لوگ برسوں سے اس عمارت سے متعلق ایسی کہانیاں سناتے آئے ہیں جن میں جنات، جھلملاتی روشنیاں اور سائے شامل ہیں، یہی وجہ ہے کہ اسے ’بھوتوں والا محل‘ کہا جانے لگا۔
دلچسپ حقیقت یہ ہے کہ شیخ عبدالعزیز خود کبھی اس محل میں نہیں رہے۔ ان کے خاندان نے محل میں مجسموں اور تصویروں کی موجودگی پر اعتراض کیا، جس کے بعد عمارت خالی چھوڑ دی گئی۔ وقت کے ساتھ ساتھ اس محل کے آسیب زدہ ہونے کی افواہیں پھیلتی گئیں، اور کہا جاتا ہے کہ محل کے قریب موجود ایک درخت، جہاں مبینہ طور پر جنات کا بسیرا تھا، جب کاٹا گیا تو محل میں عجیب و غریب واقعات رونما ہونے لگے۔
محل کے موجودہ مالک نے تصدیق کی ہے کہ یہ عمارت 2 کروڑ 50 لاکھ درہم میں فروخت کے لیے پیش کی گئی ہے، تاہم شرط رکھی گئی ہے کہ خریدار صرف اماراتی شہری ہونا چاہیے۔
وزیراعلی پنجاب کا مالاکنڈ ٹریفک حادثہ میں قیمتی انسانی جانوں کے ضیاع پر افسوس کا اظہار