مرکزی انجمن امامیہ گلگت بلتستان کے صدر و اراکین کا بگروٹ کا دورہ
اشاعت کی تاریخ: 25th, October 2025 GMT
مرکزی وفد نے گزشتہ دنوں سی پی او آفس کے باہر پیش آنے والے واقعے کے بعد سیکیورٹی فورسز کی جانب سے بگروٹ کے بے گناہ شہریوں کی بلاجواز گرفتاریوں، چادر و چار دیواری کے تقدس کی پامالی پر شدید الفاظ میں مذمت کرتے ہوئے کہا کہ ایسے اقدامات سے نہ صرف عوام میں بے چینی اور اضطراب میں اضافہ ہو رہا ہے بلکہ قانون نافذ کرنے والے اداروں پر عوامی اعتماد بھی مجروح ہوتا ہے۔ اسلام ٹائمز۔ مرکزی انجمن امامیہ گلگت بلتستان کے صدر سید شرف الدین کاظمی کی سربراہی میں کابینہ کے وفد نے بگروٹ کا دورہ کیا۔ دورے کے دوران وفد نے انجمن امامیہ بگروٹ، بگروٹ کے عمائدین اور بگروٹ یوتھ کے نمائندگان سے تفصیلی ملاقات کی۔ ملاقات میں علاقے کی موجودہ صورتحال، عوامی مسائل اور درپیش چیلنجز پر گفتگو کی گئی۔ عمائدینِ بگروٹ نے اپنے علاقے کے مسائل سے تفصیلاً آگاہ کیا۔ مرکزی وفد نے گزشتہ دنوں سی پی او آفس کے باہر پیش آنے والے واقعے کے بعد سیکیورٹی فورسز کی جانب سے بگروٹ کے بے گناہ شہریوں کی بلاجواز گرفتاریوں، چادر و چار دیواری کے تقدس کی پامالی پر شدید الفاظ میں مذمت کرتے ہوئے کہا کہ ایسے اقدامات سے نہ صرف عوام میں بے چینی اور اضطراب میں اضافہ ہو رہا ہے بلکہ قانون نافذ کرنے والے اداروں پر عوامی اعتماد بھی مجروح ہوتا ہے۔
انہوں نے مطالبہ کیا کہ بے گناہ گرفتار افراد کو فوری طور پر رہا کیا جائے اور ملت تشیع کے خلاف سازش کرنے والے عناصر کو قانون کے مطابق سخت ترین سزا دی جائے۔ مزید برآں، وفد نے اس امر پر شدید تشویش کا اظہار کیا کہ واقعے کے بعد ملت تشیع کے خلاف ہرزہ سرائی کرنے والوں کو تاحال گرفتار نہیں کیا گیا۔ مرکزی انجمن امامیہ نے حکومت اور انتظامیہ سے ان مجرموں کی فوری گرفتاری اور علاقے میں قیامِ امن اور عدل کی بحالی کے لیے سنجیدہ اقدامات اٹھانے کا پُرزور مطالبہ کیا۔ آخر میں صدر مرکزی انجمن امامیہ نے کہا کہ انجمن امامیہ ہمیشہ امن، وحدت اور انصاف کی داعی رہی ہے اور آئندہ بھی اسی موقف پر قائم رہے گی۔
ذریعہ
ذریعہ: Islam Times
کلیدی لفظ: مرکزی انجمن امامیہ وفد نے
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار