گلستانِ جوہر میں ٹک ٹاک وڈیو کے دوران فائرنگ سے خاتون جاں بحق
اشاعت کی تاریخ: 26th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی( اسٹاف رپورٹر )گلستان جوہر پہلوان گوٹھ میں گولی سر میں لگنے سے زخمی ہوکر دم توڑنے والی خاتون کے قتل میں شوہر ملوث نکلا ۔ تفصیلات کے مطابق گلستانِ جوہر پہلوان گوٹھ میں 22 سالہ خاتون فرزانہ زوجہ غلام مصطفیٰ ٹک ٹاک ویڈیو بناتے ہوئے گولی چلنے سے جاں بحق ہوئی۔پولیس حکام کے مطابق ابتدائی طور پر واقعے کو ڈکیتی مزاحمت قرار دیا گیا تھا، تاہم تحقیقات میں انکشاف ہوا کہ فائرنگ گھر کے اندر ہوئی تھی، ایس ایس پی ایسٹ کے مطابق ملزم غلام مصطفی نے بیان دیا ہے کہ وہ اپنی اہلیہ کے ساتھ ٹک ٹاک ویڈیو بنا رہا تھا کہ اچانک پستول چل گیا۔ تاہم پولیس نے اس بیان کو مشکوک قرار دیتے ہوئے کہا ہے کہ ملزم ممکنہ طور پر خود کو بچانے کی کوشش کر رہا ہے۔تفتیشی ٹیم نے جائے وقوعہ سے نائن ایم ایم پستول، گولیوں کے خول، اور دیگر شواہد تحویل میں لے لیے ہیں۔ مقتولہ کو شدید زخمی حالت میں اسپتال منتقل کیا گیا، جہاں وہ دورانِ علاج دم توڑ گئی۔پولیس نے ملزم شوہر کوقتل کی دفعات کے تحت گرفتار کر کے مقدمہ درج کر لیا ہے۔ واقعے کی مزید تحقیقات جاری ہیں تاکہ یہ تعین کیا جا سکے کہ گولی واقعی حادثاتی طور پر چلی یا یہ گھریلو جھگڑے کا نتیجہ تھی۔پولیس ذرائع کا کہنا ہے کہ مقتولہ کے والدین کو بھی شاملِ تفتیش کیا جا رہا ہے، جبکہ فرانزک شواہد نادرا اور پولیس لیب کو بھیجے گئے ہیں تاکہ ہتھیار کے استعمال اور فائر کے زاویے سے اصل صورتحال واضح ہو سکے۔یہ افسوسناک واقعہ ایک بار پھر اس سوال کو جنم دیتا ہے کہ سوشل میڈیا کے غیر محتاط استعمال،اسلحے کی غیر ذمہ دارانہ نمائش، اورگھریلو تعلقات میں تشدد کے بڑھتے رجحانات نے نوجوان نسل کو کس خطرناک سمت میں دھکیل دیا ہے۔
ذریعہ
ذریعہ: Jasarat News
پڑھیں:
بیوٹی انفلوئنسر کاسمیٹک سرجری کے دوران چل بسی
میکسیکو کی معروف بیوٹی انفلوئنسر اور سوشل میڈیا کانٹینٹ کریئٹر 30 سالہ ایڈریانا گارشیا (Adriana Garcia)کاسمیٹک سرجری کے دوران پیش آنے والی پیچیدگیوں کے باعث چل بسی۔
رپورٹس کے مطابق ایڈریانا گارشیا کا منگل کے روز ریاست سینالووا کے ایک نجی کلینک میں کاسمیٹک آپریشن کیا جا رہا تھا، جہاں دورانِ سرجری پیچیدگیاں پیدا ہونے کے بعد ان کی موت واقع ہوگئی،مقامی حکام نے تاحال موت کی سرکاری وجہ جاری نہیں کی، جبکہ واقعے کی تحقیقات جاری ہیں۔
مزیدپڑھیں:عالمی منڈی میں خام تیل کی قیمتوں میں بڑا اضافہ
واقعے کے بعد حکام نے سرجری کے دوران پیش آنے والے حالات اور ممکنہ طبی غفلت کے پہلوؤں کا جائزہ لینے کے لیے تحقیقات شروع کر دی ہیں۔ ایڈریانا گارشیا کے انسٹاگرام اور دیگر سوشل میڈیا پلیٹ فارمز پر 90 ہزار سے زائد فالوورز تھے، ان کے انتقال کی تصدیق میکسیکو کی کمپنی نے بھی کی، جس کے ساتھ وہ بطور انفلوئنسر کام کرتی تھی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار