پاکستان کی سوڈان میں سعودی اسپتال پر حملے کی مذمت
اشاعت کی تاریخ: 27th, January 2025 GMT
پاکستان نے سوڈان کے شہر الفاشر میں سعودی اسپتال پر حملے کی مذمت کی ہے۔
دفتر خارجہ کے ترجمان شفقت خان نے کہا ہے کہ حملہ میں مبینہ طور پر 70 افراد کی ہلاکتیں ہوئی ہیں، یہ حملہ بین الاقوامی قانون کی واضح خلاف ورزی ہے اور ایسے حملوں سے معصوم شہریوں کو شدید خطرات لاحق ہیں۔
ترجمان نے کہا کہ پاکستان متاثرین اور ان کے اہل خانہ سے اپنی گہری ہمدردی کا اظہار کرتا ہے، پاکستان سمجھتا ہے کہ تنازعات کو مذاکرات اور سفارت کاری کے ذریعے ہی حل کیا جا سکتا ہے۔
یہ بھی پڑھیے:سوڈان میں سعودی اسپتال پر حملے کی مذمت: سعودی عرب کا انسانی قوانین کی پاسداری پر زور
ان کا کہنا تھا کہ ہم سوڈان کے اتحاد، خودمختاری اور علاقائی سالمیت کے لیے اپنی مکمل حمایت کا اظہار کرتے ہیں۔
واضح رہے کہ گزشتہ روز سوڈان کے شہر الفاشر میں موجود ایک سعودی اسپتال پر حملے میں 70 افراد جاں بحق ہوگئے تھے۔ اسپتال پر ڈرون حملہ سوڈانی فوج کے خلاف سرگرم ’ریپڈ سپورٹ فورسز‘ نامی ملیشیا نے کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ATTACK drone hospital sudan اسپتال ڈرون حملہ سعودی عرب سوڈان.ذریعہ: WE News
کلیدی لفظ: اسپتال ڈرون حملہ سوڈان سعودی اسپتال پر حملے
پڑھیں:
پاکستان کی ایران پر اسرائیلی حملے کی شدید مذمت
data-id="863a0a8" data-element_type="widget" data-widget_type="theme-post-content.default">
پاکستان نے ایران پر اسرائیلی حملے کی شدید الفاظ میں مذمت کی ہے۔
دفتر خارجہ کی جانب سے جاری بیان میں کہا گیا ہے کہ اسرائیل کی یہ فوجی کارروائی ایران کی خودمختاری، علاقائی سالمیت، اقوام متحدہ کے چارٹر اور بین الاقوامی قوانین کی صریح خلاف ورزی ہے۔ بیان میں مزید کہا گیا کہ ایران کو اقوام متحدہ کے چارٹر کے آرٹیکل 51 کے تحت اپنے دفاع کا پورا حق حاصل ہے۔
دفتر خارجہ نے خبردار کیا کہ اسرائیلی اشتعال انگیز اقدامات نہ صرف خطے بلکہ عالمی امن و استحکام کے لیے بھی خطرہ ہیں، اس لیے اقوام متحدہ اور عالمی برادری کو فوری طور پر اس جارحیت کو روکنے کے لیے مؤثر اقدام کرنا چاہیے۔
ترجمان نے کہا کہ عالمی قوانین کا تحفظ اور جارح ملک کو جوابدہ ٹھہرانا اقوام متحدہ کی ذمہ داری ہے۔ پاکستان، ایران کے عوام کے ساتھ مکمل یکجہتی کا اظہار کرتا ہے۔
چاند کے تاریک حصے میں خلائی مخلوق کی موجودگی؟ دلچسپ انکشاف