عمران خان نے جنید اکبر کو ہدایت کی کہ سارا فوکس تحریک پر رکھیں، علیمہ خانم
اشاعت کی تاریخ: 7th, May 2025 GMT
بانی تحریک انصاف عمران خان کی بہن علیمہ خانم کا کہنا ہے کہ بانیٔ پی ٹی آئی نے کہا کہ مائنز اینڈ منزلز بل کے پی اسمبلی میں پیش نہیں ہو گا، انہوں نے شکوہ کیا ہے کہ علی امین گنڈاپور ان کے پاس ملاقات کے لیے نہیں آتے ، جبکہ نواز شریف کی پوری کابینہ جیل اور لندن چلی جاتی تھی۔راولپنڈی میں علیمہ خانم نے میڈیا سے گفتگو میں بتایا کہ بانی پی ٹی آئی سے نورین نیازی اور عظمیٰ خان کی ملاقات کروادی گئی، بہنوں نے بھائی کو بتایا کہ آپ ان سے نہ ملیں جن کے نام فہرست میں شامل نہ ہوں، بہنوں نے یہ بھی بتایا کہ آپ سے جو لوگ ملتے ہیں وہ باتوں کو توڑ مروڑ کر پیش کرتے ہیں، جو لوگ پچھلی ملاقات کے لیے گئے تھے انہوں نے جھوٹ بولا ہے ۔ان کا کہنا ہے کہ بانی پی ٹی آئی نے ہدایت کی ہے کہ کوئی پالیسی ان کے بغیر منظور نہیں ہو گی، کوئی ایپکس کمیٹی میں اجازت کے بغیر نہیں جائے گا، انہوں نے جنید اکبر کو ہدایت کی ہے کہ سارا فوکس تحریک پر رکھیں۔علیمہ خان کا کہنا ہے کہ بانیٔ پی ٹی آئی نے کہا ہے کہ لوگ اس وقت بھرپور تحریک چاہتے ہیں، الیکشن کمیشن کے سامنے احتجاج کریں، انہوں نے الیکشن ٹریبونلز میں جانے کی ہدایت بھی کی ہے ۔انہوں نے بتایا کہ بانی پی ٹی آئی نے کہا ہے کہ کوئی ڈیل نہیں ہو رہی، نہ کسی سے کوئی بات ہو رہی ہے ، بانیٔ پی ٹی آئی کی طبیعت بالکل ٹھیک ہے ، ان کی صحت بھی ٹھیک ہے ۔علیمہ خانم نے بتایا ہے کہ بانیٔ پی ٹی آئی نے خود سے متعلق بھارتی میڈیا کے پروپیگنڈے پر حیرانی کا اظہار کیا ہے اور کہا ہے کہ حکومت بھارت کے ساتھ تناؤ پر ڈرامے کر رہی ہے ، عمران خان نے بتایا ہے انہوں نے فیصل چوہدری سے پوچھا کہ تم کیسے اندر آ جاتے ہو؟
.ذریعہ: Juraat
پڑھیں:
عمران خان نے خیبرپختونخواہ حکومت کو مائنز اینڈ منرلز بل پیش کرنے سے روک دیا
راولپنڈی (اردوپوائنٹ اخبارتازہ ترین۔ 06 مئی ۔2025 ) عمران خان نے خیبرپختونخواہ حکومت کو مائنز اینڈ منرلز بل پیش کرنے سے روک دیا۔ تفصیلات کے مطابق منگل کے روز اڈیالہ میں بانی تحریک انصاف عمران خان سے ان کی بہنوں کی ہونے والی ملاقات کے بعد میڈیا سے گفتگو کرتے ہوئے علیمہ خانم نے کہا کہ عمران خان نے پیغام دیا ہے کہ جب تک میں خود باہر آ کر نہیں دیکھتا، مائنز اینڈ منرلز بل اسمبلی میں پیش نہیں ہو گا۔ بانی تحریک انصاف نے یہ بھی کہا کہ علی امین ملاقات کیلئے کیوں نہیں آ رہے؟ انہوں نے سختی سے منع کر دیا ہے میرے سے ملے بغیر کوئی میٹنگ اٹینڈ نہیں کرے گا۔(جاری ہے)
علیمہ خان نے مزید کہا کہ یہ جو مودی کے دوست ہم پر مسلط ہیں، اِن کے لیے عمران خان سب سے بڑا دشمن ہے۔
ایک عمران خان نے اِنہیں خوفزدہ کیا ہوا ہے، یہ مودی سے نہیں، بلکہ عمران خان سے ڈر رہے ہیں۔ واضح رہے کہ کئی ہفتوں بعد عمران خان کی بہنوں کو اڈیالہ جیل میں اپنے بھائی سے ملاقات کی اجازت دی گئی۔ ملاقات سے قبل اڈیالہ جیل کے قریب کشیدہ صورتحال بھی رہی، پی ٹی آئی کے کئی رہنماوں کو پولیس کی جانب سے تشدد کا نشانہ بنایا گیا۔ جبکہ بعد ازاں عمران خان کی دو بہنوں کو ملاقات کی اجازت دے دی گئی۔ علیمہ خان کو آج بھی عمران خان سے ملاقات نہیں کرنے دیا گیا۔
سائنس دانوں نے سورج کی تپش کم کرنے کیلیے کمر کس لی!