عالمی تجارت اور لاجسٹکس میں پاکستان سٹریٹجک کردار ادا کر رہا ہے،سفیر فیصل نیاز ترمذی
اشاعت کی تاریخ: 17th, May 2025 GMT
دبئی (اُردو پوائنٹ اخبارتازہ ترین - اے پی پی۔ 17 مئی2025ء) متحدہ عرب امارات(یو اے ای)میں پاکستان کے سفیر فیصل نیاز ترمذی نے کہا ہے کہ عالمی تجارت اور لاجسٹکس میں پاکستان سٹریٹجک کردار ادا کر رہا ہے، عالمی رابطوں میں دبئی انٹرنیشنل ایئرپورٹ اور جبل علی پورٹ اہمیت کی حامل ہیں۔ ان خیالات کا اظہار انہوں نے 15-18 مئی 2025 کو دبئی میں منعقد ہونے والی 12ویں گلوبل لاجسٹک الائنس (جی ایل اے ) گلوبل کانفرنس سے خطاب کے دوران کیا۔
جی ایل اے کی صدر گریس سن نے تقریب میں ان کا پرتپاک استقبال کیا۔ ہفتہ کو دبئی سے موصولہ پریس ریلیز کے مطابق تقریب سے خطاب کرتے ہوئے فیصل نیاز ترمذی نے عالمی تجارت اور لاجسٹکس کے مرکز کے طور پر دبئی کے اہم کردار پر زور دیتے ہوئے کہا کہ عالمی رابطوں میں دبئی انٹرنیشنل ایئرپورٹ اور جبل علی پورٹ اہم کردار کے حامل ہیں۔(جاری ہے)
انہوں نے مشرق وسطیٰ سمیت جنوبی ایشیا، وسطی ایشیا اور مغربی ایشیا کے سنگم پر پاکستان کے سٹریٹجک مقام پر بھی روشنی ڈالی۔
انہوں نے کہا کہ پاکستان پورے خطے میں رابطے اور تعاون کا ایک اہم کوریڈور بننے کے لیے تیار ہے۔ انہوں نے پاکستان اور متحدہ عرب امارات کے درمیان گہرے اقتصادی اور سفارتی تعلقات کو بھی اجاگر کیا اور یو اے ای کی کمپینوں بشمول ڈی پی ورلڈ اور اے ڈی پورٹس کی پاکستان میں فریٹ کوریڈورز اور بندرگاہوں کے ترقیاتی منصوبوں میں سرمایہ کاری کرنے پر ان کی تعریف کی۔کانفرنس کے دیگر مقررین میں ایچ ایچ انجینئر شیخ سالم بن سلطان القاسمی، محکمہ شہری ہوابازی کے چیئرمین راس الخیمہ چیف تجارتی مذاکرات کار اور یو اے ای کی وزارت اقتصادیات میں بین الاقوامی تجارتی امور کے اسسٹنٹ انڈر سیکرٹری بھی شامل تھے۔خطبہ استقبالیہ میں گریس سن نے مختلف ممالک کے شرکاء کا خیرمقدم کیا اور نئی کاروباری ہم آہنگی پیدا کرنے اور عالمی لاجسٹکس تعاون کو تیز کرنے کے لیے تقریب کی اہمیت پر زور دیا۔کانفرنس کے موقع پرپاکستانی سفیر فیصل نیاز ترمذی اور محترمہ سن نے جی ایل اے فریم ورک کے تحت پاکستان میں علاقائی نیٹ ورکنگ کانفرنس کے انعقاد کے امکانات پر تبادلہ خیال کیا۔ اس موقع پر جنوبی اور وسطی ایشیائی لاجسٹک سٹیک ہولڈرز کی شمولیت پر خصوصی توجہ دی گئی۔ فیصل نیاز ترمذی نے سمارٹ، موثر اور پائیدار لاجسٹک انفراسٹرکچر کی ترقی اور خاص طور پر چین پاکستان اقتصادی راہداری (سی پیک ) کے تبدیلی کے اقدامات کے ذریعے بین الاقوامی شراکت داروں کے ساتھ مل کر کام کرنے کے لیے پاکستان کے عزم کا اعادہ کیا۔ انہوں نے لاجسٹک موڈ پرائیویٹ لمیٹڈ کے سٹال کا بھی دورہ کیا اور سلیمان جازب سے ملاقات کے دوران عالمی معیار کے لاجسٹکس سلوشنز فراہم کرنے کے لیے کمپنی کے عزم کو سراہا۔ انہوں نے عالمی سپلائی چین اقدامات میں پاکستانی کمپنیوں کی زیادہ سے زیادہ شرکت کی حوصلہ افزائی بھی کی۔\932.ذریعہ: UrduPoint
کلیدی لفظ: تلاش کیجئے فیصل نیاز ترمذی میں پاکستان انہوں نے کے لیے
پڑھیں:
آزاد کشمیر کے نئے وزیراعظم فیصل راٹھور نے منصب کا حلف اٹھا لیا
data-id="863a0a8" data-element_type="widget" data-widget_type="theme-post-content.default">
مظفرآباد: آزاد جموں و کشمیر کے نومنتخب وزیراعظم راجا فیصل ممتاز راٹھور نے اپنے عہدے کا باقاعدہ حلف اٹھا لیا۔
اسپیکر آزاد کشمیر اسمبلی چودھری لطیف اکبر نے حلف لیا، جس کے بعد انہوں نے ایوان کی جانب سے نئے وزیرِاعظم کو منصب سنبھالنے پر مبارکباد پیش کی۔
تقریب میں سیاسی اور انتظامی قیادت کی اہم شخصیات شریک ہوئیں، جن میں گورنر گلگت بلتستان مہدی شاہ، گورنر خیبرپختونخوا فیصل کریم کنڈی، چیئرمین پیپلز پارٹی بلاول بھٹو زرداری، فریال تالپور، ارکان اسمبلی، اعلیٰ سول حکام اور عسکری نمائندے شامل تھے۔
حلف اٹھانے کے بعد اپنی پہلی گفتگو میں فیصل ممتاز راٹھور نے اس ذمہ داری کو اپنے لیے اعزاز قرار دیتے ہوئے آصف علی زرداری، فریال تالپور اور بلاول بھٹو زرداری کا خصوصی شکریہ ادا کیا کہ انہوں نے اعتماد کا اظہار کرتے ہوئے انہیں یہ منصب سونپا۔
انہوں نے اس عزم کا بھی اظہار کیا کہ وہ عوامی مسائل کے حل، سیاسی استحکام اور خطے کی ترقی کے لیے تمام دستیاب وسائل بروئے کار لائیں گے۔
نومنتخب وزیراعظم نے پاک فوج کی خدمات کو بھی خراجِ تحسین پیش کیا اور کہا کہ مادرِ وطن کے دفاع کے لیے جانوں کے نذرانے پیش کرنے والے سپاہیوں کی قربانیاں ہمیشہ قوم کے دلوں میں زندہ رہیں گی۔ انہوں نے واضح کیا کہ پیپلز پارٹی نے عوام کے ساتھ دوبارہ مضبوط رشتہ قائم کرنے کی ذمہ داری سنبھالی ہے اور اب ان کی حکومت اس سمت میں عملی اقدامات کو ترجیح دے گی۔
13 سالہ چینی تیراک یو زیدی نے نیشنل گیمز میں ایشیائی ریکارڈ قائم کردیا