پاکستانی خاتون پولیس افسر نے عالمی تحقیقاتی ایوارڈ اپنے نام کر لیا
اشاعت کی تاریخ: 17th, May 2025 GMT
لاہور:
پاکستانی پولیس فورس کو بین الاقوامی سطح پر ایک شاندار اعزاز حاصل ہوا ہے۔ اے ایس پی انعم شیر خان نے ورلڈ پولیس سمٹ 2025 میں "Excellence in Criminal Investigation" کیٹیگری میں اول پوزیشن حاصل کرتے ہوئے بین الاقوامی ایوارڈ اپنے نام کر لیا۔
پنجاب پولیس کے ترجمان کے مطابق یہ ایوارڈ انعم شیر خان کو دبئی میں واقع ورلڈ ٹریڈ سینٹر میں ہونے والی ایک پر وقار تقریب میں دبئی پولیس کے کمانڈر ان چیف نے پیش کیا۔ اس ایوارڈ کیلئے دنیا کے 192 ممالک سے پولیس افسران کی مختلف کیٹیگریز میں غیر معمولی کارکردگی کو جانچا گیا۔
ترجمان کے مطابق اے ایس پی انعم شیر خان نے پاکستان کی نمائندگی کرتے ہوئے اپنی قابلیت اور پیشہ ورانہ مہارت سے عالمی ججز کا اعتماد حاصل کیا اور اول پوزیشن حاصل کی۔ یہ ایوارڈ ان کی کریمینل انویسٹی گیشن کے شعبے میں شاندار خدمات کا اعتراف ہے۔
آئی جی پنجاب ڈاکٹر عثمان انور نے انعم شیر خان کو اس شاندار کامیابی پر مبارکباد دیتے ہوئے کہا کہ ’’ان کی یہ کامیابی پاکستان اور پنجاب پولیس کا نام دنیا بھر میں روشن کرنے کا باعث بنی ہے۔‘‘ انہوں نے مزید کہا کہ ’’اے ایس پی انعم شیر خان جیسی باصلاحیت افسران مستقبل میں پولیس لیڈر شپ کا اہم حصہ بنیں گی۔‘‘
ترجمان پنجاب پولیس کے مطابق ورلڈ پولیس سمٹ دنیا بھر کے پولیس لیڈرز کے لئے سب سے بڑی، موثر اور پروفیشنل تنظیم ہے، جہاں ہر سال بہترین قائدانہ صلاحیتوں اور جدید پولیسنگ کے حامل افسران کو اعزازات سے نوازا جاتا ہے۔
ایوارڈز کمیٹی نے اس سال کی سخت جانچ پڑتال اور انٹرویوز کے بعد پنجاب پولیس کے دو افسران کو ایوارڈ کے لیے منتخب کیا۔ دوسرے منتخب افسر، ڈی پی او قصور محمد عیسیٰ خان، کو "Best Artificial Intelligence Implementation in Policing" کیٹیگری میں اعلیٰ کارکردگی پر دوسری پوزیشن کا حقدار قرار دیا گیا۔
یہ کامیابیاں نہ صرف پنجاب پولیس بلکہ پوری پاکستانی پولیس سروس کے لیے فخر کا باعث ہیں اور اس بات کا ثبوت ہیں کہ پاکستانی افسران عالمی معیار پر پورا اترنے کی صلاحیت رکھتے ہیں۔
.
ذریعہ: Express News
کلیدی لفظ: پنجاب پولیس پولیس کے
پڑھیں:
پشاور: گزشتہ شب ڈاکوؤں کی فائرنگ سے زخمی سرکاری افسر دم توڑ گیا
—علامتی تصویرپشاور کے علاقے ورسک روڈ پر فائرنگ سے زخمی سرکاری افسر دم توڑ گیا۔
مقامی پولیس کے مطابق مقتول اعظم چترالی محکمۂ کمیونیکیشن اینڈ ورکس میں اکاؤنٹنٹ تھے۔
وہ گزشتہ شب آبشار کالونی میں چہل قدمی کے دوران ڈاکوؤں کی فائرنگ سے زخمی ہوئے تھے۔
پولیس کے مطابق آفتاب چترالی کا رشتے دار تشویش ناک حالت میں اسپتال میں زیرِ علاج ہے۔
ایس پی ورسک سجاد خان نے بتایا کہ واردات کے دوران ملزمان نقدی یا موبائل فون لے کر نہیں گئے۔
انہوں نے یہ بھی کہا ہے کہ مقدمہ درج کر کے ملزمان کی تلاش کے لیے ٹیمیں تشکیل دے دی ہیں۔
بلدیہ عظمیٰ کراچی کا بجٹ منظور، تمام یونینز کیلیے مساوی ترقیاتی کاموں کا اعلان