بیوی نے چلتی بائیک پر شوہر کی چپل سے پٹائی کردی؛ ویڈیو وائرل
اشاعت کی تاریخ: 22nd, May 2025 GMT
سوشل میڈیا پر ایک ویڈیو نے ہنگامہ برپا کردیا ہے جس میں ایک خاتون چلتی ہوئی موٹر سائیکل پر شوہر کی ’’اصلاح‘‘ چپل کے ذریعے کرتی نظر آرہی ہیں اور وہ بھی بڑی مہارت سے!
یہ دل دہلا دینے والا اور کچھ کےلیے دل بہلا دینے والا واقعہ مبینہ طور پر اترپردیش کے لکھنؤ میں پیش آیا۔ اگرچہ بھارتی ذرائع ابلاغ کا کہنا ہے کہ وہ ویڈیو کی تاریخ اور مقام کی تصدیق نہیں کرسکا۔
ویڈیو میں دیکھا جاسکتا ہے کہ شوہر بڑے اطمینان سے موٹر سائیکل چلا رہا ہے، جب کہ پیچھے بیٹھی بیوی اچانک چپل اتارتی ہے اور بغیر کوئی وارننگ دیے، شوہر پر چپلوں کی بارش شروع کردیتی ہے۔ حیرت کی بات یہ ہے کہ شوہر صاحب، جیسے مراقبے کی کیفیت میں ہوں، نہ مڑ کر دیکھتے ہیں، نہ کچھ بولتے ہیں، بس چپ چاپ بائیک چلاتے رہتے ہیں، جیسے روز کا معمول ہو۔
دوسری طرف، خاتون چپل کو کبھی دائیں، کبھی بائیں اور کبھی اوپر سے گھما کر وار کرتی ہیں، جیسے کوئی پرانا حساب کتاب برابر کر رہی ہوں۔ اور اس پورے ’’چپل چارج‘‘ کے دوران، بائیک مسلسل رواں دواں رہتی ہے، گویا کوئی روڈ رومانس کا سین ہو، بس تھوڑا زیادہ ’’فزیکل‘‘!
تشویشناک بات یہ ہے کہ دونوں میاں بیوی نے ہیلمٹ نہیں پہنے ہوئے، اور خاتون کی اس کارروائی سے نہ صرف شوہر کی صحت بلکہ آس پاس چلنے والوں کی سڑک پر سلامتی بھی داؤ پر لگ گئی۔
ویڈیو نے سوشل میڈیا پر آتے ہی دھوم مچا دی اور اب تک چار لاکھ سے زائد لوگ اس ’’فیملی ڈرامے‘‘ کے گواہ بن چکے ہیں۔ کچھ نے اس پر ہنستے ہوئے تبصرہ کیا، تو کچھ نے سڑک پر ہونے والے اس طرح کے خطرناک عمل پر سنجیدہ سوالات بھی اٹھائے۔
ایک صارف نے لکھا: ’’بیوی کو GPS کی جگہ لگا لو، غلطی پر چپل سے سیدھا راستہ دکھا دے گی!‘‘
جبکہ دوسرے نے مشورہ دیا: ’’بھائی صاحب اگلی بار گھر سے نکلنے سے پہلے چپل کا لوکیشن ضرور چیک کر لیں!‘‘
بہرحال، یہ ویڈیو صرف ہنسی کا سامان نہیں، بلکہ ایک یاد دہانی بھی ہے کہ محبت ہو یا مار، سڑک پر احتیاط سب سے ضروری ہے!
.
ذریعہ
ذریعہ: Express News
پڑھیں:
مختلف علاقوں میں بارشیں ہی بارشیں؛محکمہ موسمیات نے پیش گوئی کردی
اسلام آباد(نیوز ڈیسک)محکمہ موسمیات نےملک کے بیشتر علاقوں میں مزید بارشوں اور ژالہ باری کی پیشگوئی کردی۔
محکمہ موسمیات کےمطابق پنجاب میں بعض مقامات پرآج بھی موسلادھاربارش اورژالہ باری کا امکان ہے،اسلام آبادمیں آج شام کےوقت بارش ہوگی،راولپنڈی،مری،گلیات،اٹک، چکوال، جہلم، گجرات، گوجرانوالہ،لاہور،شیخوپورہ،سیالکوٹ،نارووال،ساہیوال،جھنگ،ٹوبہ ٹیک سنگھ،ننکانہ صاحب،فیصل آباد، اوکاڑہ، قصور،ملتان، خانیوال،لودھراں، مظفرگڑھ اور راجن پور میں بھی بارش کا امکان ہے۔
خیبرپختونخوا میں بھی بعض مقامات پر موسلادھار بارش اورژالہ باری کا امکان ہے، دیر،چترال، سوات، کوہستان، مالاکنڈ، باجوڑ، شانگلہ، بٹگرام،کوہاٹ،بنوں،ڈیرہ اسماعیل خان،خیبر اور وزیرستان، پشاور، ہری پور،مانسہرہ، ایبٹ آباد،مردان اور ہنگو میں بھی بارش متوقع ہے۔
سندھ کےبیشتراضلاع میں موسم شدیدگرم اورخشک رہےگاجبکہ سکھر،لاڑکانہ،جیکب آباد،دادو،گھوٹکی ،کشموراور شکارپورمیں بارش متوقع ہے،دوسری جانب بلوچستان کےجنوبی اضلاع میں بھی موسم شدید گرم رہنےکی توقع ہے،جبکہ کوئٹہ،ژوب،شیرانی،زیارت،چمن،قلعہ عبداللہ،قلعہ سیف اللہ،بارکھان،ڈیرہ بگٹی،نصیر آباد، کوہلو، موسیٰ خیل،خضدار میں بھی بارش متوقع ہے۔
مزید پڑھیں۔کم از کم ماہانہ اجرت 45 ہزار مقرر کرنے کی سفارش
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ