کوئٹہ گلیڈی ایٹرز کے ہیڈ کوچ نے شکست کی وجوہات سے پردہ اٹھادیا، کس کھلاڑی نے مایوس کیا؟
اشاعت کی تاریخ: 26th, May 2025 GMT
لاہور:
کوئٹہ گلیڈی ایٹرز کے ہیڈ کوچ معین خان نے کہا ہے کہ فائنل میں محمد عامر کی کارکردگی توقع کے مطابق نہیں رہی، وسیم جونیئر کی کمی شدت سے محسوس ہوئی۔
پاکستان سپر لیگ (پی ایس ایل) 10 کے فائنل میں شکست کے بعد کوئٹہ گلیڈی ایٹرز کے ہیڈ کوچ معین خان نے میڈیا سے گفتگو کرتے ہوئے لاہور قلندرز کو شاندار جیت پر مبارکباد پیش کی اور ٹیم کی مجموعی کارکردگی پر تبصرہ کیا۔
معین خان نے کہا کہ لاہور نے ایک بڑا ہدف حاصل کیا جو بڑی کامیابی ہے۔ سکندر رضا اور کوشال پریرا کی اننگز نے میچ کا پانسا پلٹا۔ یہ ٹی ٹوئنٹی کرکٹ کی خوبصورتی ہے کہ میچ کسی بھی وقت بدل سکتا ہے۔
کوئٹہ گلیڈی ایٹرز کے کوچ نے کہا کہ ٹیم نے پورے ٹورنامنٹ میں اچھی کارکردگی دکھائی، خاص طور پر حسن نواز نے متاثر کن پرفارمنس دی۔ ’ہر کھلاڑی نے بھرپور محنت کی اور ہم آئندہ سیزن میں مزید بہتر واپسی کے لیے پرعزم ہیں،
معین خان نے تسلیم کیا کہ محمد عامر کی کارکردگی توقع کے مطابق نہیں رہی۔ پاکستان میں کوئی بھی محمد عامر سے زیادہ رنز کھانے کی توقع نہیں کرتا، لیکن آج لاہور کے بلے بازوں نے عمدہ بیٹنگ کی۔ عامر نے ہمیں کئی میچز جتوائے، لیکن بدقسمتی سے آج ایسا نہ ہو سکا۔
انہوں نے ٹیم میں وسیم جونیئر کی غیر موجودگی کو ایک اہم خلا قرار دیا۔ وسیم جونیئر سائڈ سٹرین کا شکار تھے، اس لیے وہ میچ کا حصہ نہیں بن سکے، ان کی کمی شدت سے محسوس ہوئی۔
سکندر رضا کی کارکردگی کو سراہتے ہوئے معین خان نے کہا کہ داد دینی پڑتی ہے کہ وہ اپنا ٹیسٹ میچ مکمل کر کے یہاں پہنچے، ان کا جذبہ اور پیشہ ورانہ رویہ قابلِ ستائش ہے۔
کوچ نے کہا کہ ہار اور جیت کھیل کا حصہ ہے اور شائقین اور کھلاڑیوں کو دل چھوٹا نہیں کرنا چاہیے، بڑے کراؤڈ کا دباؤ ضرور ہوتا ہے، لیکن اگر آپ کھیل کو انجوائے کریں تو پرفارمنس پر زیادہ فرق نہیں پڑتا۔
معین خان نے مزید کہا کہ شائقین کی بڑی تعداد میں اسٹیڈیم آنا پاکستان کرکٹ کے لیے ایک مثبت علامت ہے۔ پی ایس ایل 10 اب ختم ہو چکا ہے، ہم اگلے سیزن کے لیے بہتر حکمت عملی کے ساتھ تیاری کریں گے۔ ڈرافٹنگ کے وقت منصوبہ بندی کریں گے اور اپنی کمزوریوں پر قابو پانے کی کوشش کریں گے۔
.ذریعہ: Express News
کلیدی لفظ: کوئٹہ گلیڈی ایٹرز کے نے کہا کہ
پڑھیں:
پردہ دار ہوں، گھر میں بھائی سے بھی پردہ کرتی ہوں، نبیحہ علی خان
لاہور(نیوزڈیسک) حال ہی میں شادی کی وجہ سے خبروں میں رہنے والی سوشل میڈیا انفلوئنسر اور ماہر نفسیات ڈاکٹر نبیحہ علی خان نے دعویٰ کیا ہے کہ وہ پردہ دار خاتون ہیں، وہ گھر میں بھائی کے سامنے بھی پردہ کرتی ہیں۔
نبیحہ علی خان نے 7 نومبر کو حارث کھوکھر نامی شخص سے شادی کی تھی، جن سے ان کے گزشتہ 6 سال سے تعلقات تھے۔
نبیحہ علی خان نے یہ دوسری شادی ہے، اس سے قبل انہوں نے کم عمری میں خود سے 15 برس زائد العمر شخص سے شادی کی تھی، جن کا انتقال ہوگیا تھا۔
نبیحہ علی خان کی شادی کی ویڈیوز اور تصاویر خوب وائرل ہوئی تھیں اور صارفین کی جانب سے انہیں تنقید کا نشانہ بھی بنایا گیا تھا۔
صارفین کی جانب سے شدید تنقید کے بعد حال ہی میں انہوں نے ایک ٹی وی پروگرام میں انکشاف کیا کہ وہ لوگوں کی تنقید پر اس قدر دلبرداشتہ ہوگئیں تھیں کہ انہوں نے طلاق لینے کا فیصلہ بھی کیا تھا۔
اب ان کی ایک مختصر ویڈیو سوشل میڈیا پر وائرل ہوگئی، جس میں وہ پردے سے متعلق دعوے کرتے دکھائی دیں۔
وائرل ویڈیو میں نبیحہ علی خان دعویٰ کرتی ہیں کہ وہ بنیادی طور پر پردہ دار عورت ہیں، وہ گھر میں بھی پردہ کرتی ہیں۔
ان کا کہنا تھا کہ وہ گھر میں اس قدر پردہ کرتی ہیں کہ وہ اپنے بہنوئی اور یہاں تک کہ بھائی سے بھی پردہ کرتی ہیں۔
ان کے مطابق گھر میں کسی پلمبر یا دوسرے کام کے لیے آنے والے مرد کو دیکھتے ہی وہ پردہ کرلیتی ہیں، وہ پاپندی سے پردہ کرتی ہیں۔
نبیحہ علی خان کا کہنا تھا کہ اگرچہ وہ گھر میں پردہ کرتی ہیں لیکن وہ صرف اسکرین پر پردہ نہیں کرتیں اور اسکرین پر ہی لوگ انہیں دیکھتے ہیں۔
سوشل میڈیا انفلوئنسر کی پردوں سے متعلق دعوے کرنے کی ویڈیو وائرل ہوگئی اور صارفین نے اس پر دلچسپ تبصرے بھی کیے۔
تحریک تحفظ آئین پاکستان کی اپیل پر ملتان میں بھی یوم سیاہ، نماز جمعہ کے بعد سیاہ پٹیاں باندھ کر احتجاج