کیشو مہاراج کا تاریخی سنگِ میل، 136 سالہ ریکارڈ ٹوٹ گیا
اشاعت کی تاریخ: 30th, June 2025 GMT
جنوبی افریقہ کے قائم مقام کپتان اور تجربہ کار اسپنر کیشو مہاراج نے کرکٹ کی تاریخ میں نیا باب رقم کر دیا ہے۔ وہ جنوبی افریقہ کی ٹیسٹ کرکٹ کی 136 سالہ تاریخ میں 200 وکٹیں لینے والے پہلے اسپنر بن گئے ہیں۔
مہاراج نے یہ سنگِ میل زمبابوے کے خلاف 2 ٹیسٹ میچز کی سیریز کے پہلے میچ میں اپنے 59ویں ٹیسٹ میں عبور کیا۔ انہوں نے زمبابوے کے کپتان کریگ ایرون کو 36 رنز پر اسٹمپ آؤٹ کرکے نہ صرف اہم وکٹ حاصل کی بلکہ اپنے کیریئر کی 200ویں وکٹ بھی حاصل کی۔
یہ اوور کی چوتھی گیند تھی، جو آف اسٹمپ سے تھوڑا باہر تھی۔ ایرون نے آگے بڑھ کر کھیلنے کی کوشش کی لیکن مکمل طور پر چکما کھا گئے، اور وکٹ کیپر نے انہیں اسٹمپ کردیا۔
مزید پڑھیں: آئی سی سی رینکنگ: افغانستان کے عظمت اللہ عمرزئی پہلے نمبر کے آل راؤنڈر بن گئے
سب سے زیادہ وکٹیں لینے والے جنوبی افریقی اسپنرزکیشو مہاراج ۔ 202
ہیوٹے فیلڈ ۔ 170
پال ایڈمز ۔ 134
پال ہیرس ۔ 103
نکی بوجے ۔ 100
مہاراج نے اس کارنامے کے ساتھ ہیوٹے فیلڈ کو پیچھے چھوڑتے ہوئے جنوبی افریقہ کے سب سے زیادہ وکٹیں لینے والے اسپنر کا اعزاز حاصل کیا ہے۔ کیشو مہاراج نے 2016 میں آسٹریلیا کے خلاف ڈیبیو کیا تھا اور تب سے جنوبی افریقی ٹیسٹ ٹیم کا مستقل حصہ ہیں۔
کیشو مہاراج 59 ٹیسٹ میچز میں اب تک 202 وکٹیں حاصل کرچکے ہیں، جن میں 11 مرتبہ 5 وکٹیں اور بہترین باؤلنگ اسپیل 12-283 سری لنکا کے خلاف کولمبو میں رہا۔
عالمی سطح پر ان کی کامیابی کے ساتھ ساتھ، فرسٹ کلاس کرکٹ میں بھی مہاراج کا ریکارڈ متاثر کن ہے، جہاں انہوں نے 165 میچز میں 628 وکٹیں حاصل کر رکھی ہیں۔
مزید پڑھیں: چیمپیئنز ٹرافی کے بعد آئی سی سی نے ون ڈے پلیئرز کی نئی رینکنگ جاری کردی
مہاراج کی شاندار کارکردگی کے باعث جنوبی افریقہ نے پہلے ٹیسٹ کی دوسری اننگز میں زمبابوے پر واضح برتری حاصل کرلی ہے۔ جنوبی افریقہ نے اپنی پہلی اننگز میں 418 رنز بنائے جس کے جواب میں زمبابوے کی ٹیم 251 پر آؤٹ ہو گئی۔ دن کے اختتام پر جنوبی افریقہ نے 49 رنز پر ایک وکٹ کے نقصان پر کھیل ختم کیا۔
وکٹ پر موجود ویان ملڈر 25 اور ٹونی ڈی زورزی 22 رنز کے ساتھ کریز پر موجود ہیں۔ زمبابوے کی جانب سے تناکا چیوانگا نے ایک وکٹ حاصل کی، جبکہ ویان ملڈر نے بولنگ میں بھی شاندار کارکردگی دکھاتے ہوئے 4 وکٹیں حاصل کیں۔
پہلا ٹیسٹ کوئنز اسپورٹس کلب، بولاوایو میں جاری ہے اور جنوبی افریقہ عالمی ٹیسٹ چیمپیئنز (WTC) کی حیثیت سے مضبوط پوزیشن میں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹیسٹ کرکٹ جنوبی افریقہ کیشو مہاراج.ذریعہ: WE News
کلیدی لفظ: ٹیسٹ کرکٹ جنوبی افریقہ کیشو مہاراج جنوبی افریقہ کیشو مہاراج مہاراج نے حاصل کی
پڑھیں:
میڈیا وفد کا دورہ چین‘ تاریخی مقامات‘ متعدد اداروں کا وزٹ
لاہور (نوائے وقت رپورٹ) چین کے 12 روزہ مطالعاتی دورہ پر گیا ہوا 16 رکنی میڈیا وفد کامیاب دورے کے بعد واپس اسلام آباد پہنچ گیا۔ روزنامہ نوائے وقت کے چیف آپریٹنگ آفیسر لیفٹیننٹ کرنل (ر) سید احمد ندیم قادری، پرنٹ میڈیا، انٹرنیٹ، سوشل میڈیا اور الیکٹرانک میڈیا سے تعلق رکھنے والے افراد، یونیورسٹیوں سے تعلق رکھنے والے پروفیسرز، دانشور اور تھنک ٹینک وفد میں شامل تھے۔ بیجنگ پہنچنے پر چین کی سٹیٹ کونسل انفارمیشن آفس کے اعلیٰ عہدیداروں نے پاکستانی فود کا استقبال کیا۔ وفد بیجنگ میں کلین انرجی ٹیکنالوجی ریسرچ انسٹی ٹیوٹ کا دورہ کیا اور چائنا انٹرنیشنل کمیونیکیشن گروپ کے میڈیا اور تھنک ٹینک کے نمائندوں کے ساتھ تبادلہ خیال کیا۔ وفد نے بیجنگ میں بادلنگ کے مقام سے عظیم دیوار چین کا نظارہ بھی کیا اور بیجنگ سائنس سینٹر کے سینٹرل ایکسز ایگزی بیشن ہال کا مطالعاتی دورہ کیا۔ بعدازاں وفد نے BAIC Xiangye Super Factory کا وزٹ کیا۔چین کے آبادی کے لحاظ سے سب سے بڑے شہر Chongqing میں زائی شینگ ٹیکنالوجی کمپنی جیان ایکو سمارٹ گیلری، بایوفوک کسٹم میوزیم، ویسٹرن چائنا انٹرنیشنل کمیونیکشن آرگنائزیشن، بی آر آئی جرنلسٹ سٹیشن، ان لینڈ انٹرنیشنل لاجسٹک حب ایگزی بیشن سینٹر سیکیو کے قدیمی شہر، دیناگے منفرد ترین انڈر واٹر میوزیم، اکیڈمی آف ایگری کلچر سائنسز اور سٹی ریسیپشن ہال کا دورہ کیا۔ کاشغر میں وفد نے کاشغر کے قدیم، تاریخی اور منفرد ثقافتی شہر کا دورہ کیا اور صبح کے وقت شہر کا دروازہ کھلنے کی شاندار تقریب میں شرکت کی۔ وفد نے کاشغر کی تاریخی عیدگاہ کا بھی دورہ کیا جہاں مسجد کے امام نے بریفنگ دی۔ وفد کے ارکان نے مسجد میں نوافل ادا کئے۔ وفد کو کاشغر کے قدیم تاریخی شہر کے ثقافتی ورثہ کی حفاظت اور رینوولیشن کے لئے کئے جانے والے اقدامات سے آگاہ کیا گیا۔ وفد کو کاشغر کے بزنس سینٹر کے فری ٹریڈ زون، کراس بارڈر ای کامرس امپورٹ ایکسپورٹ اینڈ ٹریڈ سینٹر اور گلوبل ٹریڈ گروپ کا دورہ کرایا گیا۔کاشغر کے پریفیکچر ہاسپٹل آف ٹریڈیشنل چائینز میڈیسن کے دورے کے دوران وفد کے ارکان کو چین کے روایتی طریقہ علاج سے متعلق بریفنگ دی گئی۔ وفد نے کمیونٹی ڈے کیئر سینٹر کا بھی دورہ کیا۔ وفد نے ’’مہمانان خصوصی‘‘ کے طور پر دوسرے ’’کاشی کپ‘‘ انٹرنیشنل یوتھ فٹ بال انوی ٹیشن ٹورنامنٹ کی افتتاحی تقریب میں شرکت کی۔ ارمچی میں وفد نے سنکیانگ ایگزیبیشن آن کاؤنٹرٹیررازم اینڈ ڈی ریڈیکلائزیشن سینٹر کا دورہ کیا جہاں وفد کو چین میں پچھلے چند عشروں میں ہونے والے دہشتگردی کے واقعات سے تفصیلی طور پر آگاہ کیا گیا۔ مطالعاتی دورے کا نقطہ عروج 2025ء کے چائنا، یوریشیا کموڈٹی اینڈ ٹریڈ ایکسپو کی افتتاحی تقریب میں شرکت تھی جس میں 60 سے زیادہ ممالک کے وفود نے شرکت کی۔ افتتاحی تقریب میں پاکستانی وفد کی قیادت گرین پاکستان انیشی ایٹو کے ڈائریکٹر جنرل سٹرٹیجک پراجیکٹس میجر جنرل شاہد نذیر (ریٹائرڈ) ہلال امتیاز کر رہے تھے۔ انہوں نے پاکستانی میڈیا کے وفد سے مل کر نہایت خوشی کا اظہار کیا۔ انہوں نے کرنل (ریٹائرڈ) ندیم قادری کو بی آر آئی کے تحت سی پیک پر تحقیقی مضامین میں معاونت کیلئے اپنے تعاون کا بھرپور یقین دلایا۔وفد نے پاکستانی پویلین کا بھی دورہ کیا۔ سنکیانگ اسلامک انسٹی ٹیوٹ کے تحت اسلامی اور قرآنی تعلیمات کی فراہمی کی سہولتوں کا بھی جائزہ لیا۔ وفد نے ہائی ٹیک پلانٹ فیکٹری کا دورہ کیا اور جدید ترین ٹیکنالوجی سے زراعت کے شعبہ میں پیش رفت کا جائزہ لیا۔نوائے وقت کے چیف آپریٹنگ آفیسر کرنل (ریٹائرڈ) سید احمد ندیم قادری نے مطالعاتی دورے کے شاندار انتظامات پر چینی حکومت کی تعریف کی اور اسلام آباد میں چینی سفارتخانے کے اتاشی یانگ تاؤفی اور سٹیٹ کونسل انفارمیشن آفس آف چائنا کے ارکان نے دورے کے دوران وفد کو ہر ممکن سہولت پہنچائی اور دورے کو کامیاب بنایا۔ انہوں نے کہا کہ چین ترقی کا رول ماڈل ہے اور چینی صدر شی جن پنگ کی قیادت میں چین کی ترقی نے دنیا کو ورطہ حیرت میں ڈال دیا ہے۔ کرنل قادری نے دورہ کے لئے سہولت کی فراہمی پر ایم ڈی نوائے وقت رمیزہ مجید نظامی کا شکریہ ادا کیا۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی