نورا فتیحی کے قریبی کی موت؟ روتے ہوئے دوسرے ملک روانہ
اشاعت کی تاریخ: 7th, July 2025 GMT
ممبئی(شوبز ڈیسک) بالی ووڈ کی معروف رقاصہ و اداکارہ نورا فتیحی اتوار کی شام ممبئی ایئرپورٹ پر شدید غم کی حالت میں دیکھی گئیں۔
سیاہ لباس اور سیاہ چشمہ پہنے نورا فتیحی کو ایئرپورٹ کے احاطے میں کیمروں نے قید کیا، جب وہ آنکھوں سے آنسو صاف کرتے ہوئے تیزی سے ٹرمینل کی جانب بڑھ رہی تھیں۔
نورا فتیحی عام طور پر عوامی مقامات پر مداحوں اور فوٹوگرافروں سے خوش اخلاقی سے پیش آتی ہیں، لیکن اس بار ان کا رویہ مختلف تھا اور انہوں نے کسی سے کوئی بات نہیں کی۔
سوشل میڈیا پر وائرل ہونے والی ویڈیوز میں دیکھا گیا کہ نورا پاپارازی سے نظریں چرا رہی تھیں اور نہایت مغموم انداز میں کسی سے بات کیے بغیر ایئرپورٹ کے اندر داخل ہو گئیں۔
ان کے ہمراہ ایک سیکیورٹی گارڈ بھی موجود تھا، جس نے ایک مداح کی جانب سے سیلفی لینے کی کوشش پر ناراضی ظاہر کرتے ہوئے اسے پیچھے ہٹا دیا۔
واقعے سے قبل نورا فتیحی نے اپنے انسٹاگرام اکاؤنٹ پر ایک اسٹوری شیئر کی تھی جس میں انہوں نے عربی میں ”إِنَّا لِلّٰهِ وَإِنَّا إِلَيْهِ رَاجِعُونَ“ لکھا یہ دعا مسلمانوں کی جانب سے کسی کے انتقال پر پڑھی جاتی ہے۔
نورا نے اس پیغام کے ساتھ کسی قسم کی تفصیل فراہم نہیں کی، تاہم ان کے اس انداز اور جذباتی کیفیت سے یہ اندازہ لگایا جا رہا ہے کہ ان کے کسی نہایت قریبی رشتہ دار یا دوست کا انتقال ہوا ہےاور امکان ہے کہ وہ اپنے کسی قریبی عزیز کی آخری رسومات میں شرکت کے لیے جا رہی ہوں۔
View this post on Instagram
A post shared by Instant Bollywood (@instantbollywood)
مداحوں کی جانب سے بھی نورا کی اس حالت پر افسوس کا اظہار کیا جا رہا ہے۔ ایک صارف نے سوشل میڈیا پر تبصرہ کیا،”لگتا ہے کسی قریبی عزیز کی موت ہوئی ہے، ایسے وقت میں مداحوں کو حدود کا خیال رکھنا چاہیے۔“
نورا فتیحی، جن کا تعلق مراکش سے ہے اور جو کینیڈین شہریت رکھتی ہیں، نے 2018 میں فلم ’رور: ٹائیگر آف دی سندر بن‘ سے بالی ووڈ میں انٹری دی۔ تاہم انہیں اصل شہرت فلم ”صرف تم“ کے مقبول گانے دلبر سے ملی، جس میں ان کے ڈانس نے انہیں راتوں رات اسٹار بنا دیا۔ اس کے بعد وہ کئی فلموں اور آئٹم نمبرز کا حصہ رہ چکی ہیں۔
فلموں کے علاوہ نورا نے متعدد ریئلٹی شوز میں بھی شرکت کی، جن میں بگ باس 9، جھلک دکھلا جا 9، اور حالیہ ڈانس دیوانے شامل ہیں۔ وہ اپنی فٹنس، ڈانس اور اسٹائل کی وجہ سے نوجوانوں میں خاصی مقبول ہیں۔
کام کے حوالے سے نورا کو آخری بار او ٹی ٹی پلیٹ فارم کی ویب سیریز “ دی رائلز“ میں دیکھا گیا تھا، جس میں انہوں نے ایشان کھٹر، بھومی پیڈنیکر، ساکشی تنور، زینت امان اور ڈینو موریا کے ساتھ کام کیا۔
تاحال نورا فتیحی کی طرف سے اس ذاتی سانحے پر کوئی باضابطہ بیان جاری نہیں کیا گیا، لیکن ان کی انسٹاگرام اسٹوری اور ایئرپورٹ پر جذباتی کیفیت نے مداحوں اور میڈیا کو تشویش میں مبتلا کر دیا ہے۔
Post Views: 3.ذریعہ: Daily Mumtaz
کلیدی لفظ: نورا فتیحی کی جانب
پڑھیں:
بھارتی کرکٹر شریاس ائیر آئی سی یو میں داخل، مداحوں کیلئے پیغام
data-id="863a0a8" data-element_type="widget" data-widget_type="theme-post-content.default">
بھارتی کرکٹ ٹیم کے نائب کپتان شریاس ائیر نے انجری کے بعد پہلا باضابطہ بیان جاری کرتے ہوئے مداحوں کو اپنی صحت سے متعلق خوشخبری دی ہے۔
یاد رہے کہ شریاس ائیر 25 اکتوبر کو آسٹریلیا کے خلاف سڈنی میں تیسرے ون ڈے میچ کے دوران ایک شاندار کیچ پکڑنے کی کوشش میں گر پڑے تھے، جس کے نتیجے میں ان کی پسلیوں میں شدید چوٹ لگی اور انہیں فوری طور پر اسپتال منتقل کیا گیا تھا۔
ڈاکٹروں کے مطابق شریاس ائیر کی چوٹ اتنی سنگین تھی کہ اندرونی بلیڈنگ کی وجہ سے انہیں کچھ وقت کے لیے آئی سی یو (انتہائی نگہداشت وارڈ) میں رکھا گیا۔ اس واقعے کے بعد بھارتی کرکٹ شائقین میں تشویش کی لہر دوڑ گئی تھی، تاہم اب کرکٹر نے خود اپنی صحت کے حوالے سے تسلی بخش خبر دی ہے۔
29 سالہ شریاس ائیر نے سماجی رابطے کی ویب سائٹ ایکس (سابق ٹوئٹر) پر جاری بیان میں کہا کہ وہ اب بتدریج صحت یاب ہو رہے ہیں۔ انہوں نے لکھا، “میں صحتیابی کے مرحلے میں ہوں اور ہر گزرتے دن کے ساتھ بہتر محسوس کر رہا ہوں۔ آپ سب کی دعاؤں، نیک تمناؤں اور پیار کا بے حد شکر گزار ہوں۔ یہ میرے لیے بہت معنی رکھتا ہے کہ آپ سب نے مجھے اپنی دعاؤں میں یاد رکھا۔”
دوسری جانب بھارتی کرکٹ بورڈ (بی سی سی آئی) نے بھی تصدیق کی ہے کہ شریاس ائیر کی حالت اب بہتر ہے۔ بورڈ کے مطابق منگل کے روز کیے گئے تازہ اسکین میں واضح بہتری دیکھنے میں آئی ہے اور شریاس تیزی سے صحتیابی کی راہ پر گامزن ہیں۔
ماہرین کے مطابق اگر ان کی بحالی کا عمل اسی طرح جاری رہا تو چند ہفتوں میں وہ دوبارہ کرکٹ میدان میں واپس آ سکتے ہیں۔ تاہم، مکمل فٹنس حاصل کرنے کے بعد ہی ان کی اگلے سیریز میں شمولیت کا فیصلہ کیا جائے گا۔
مزارِ قائد کے تاریخی فانوس کو قومی عجائب گھر میں نصب کرنے کا فیصلہ