ملک کے مختلف شہروں میں مون سون کے طوفانی سپیل کا سلسلہ جاری ہے جس کے باعث نظام زندگی شدید متاثر ہو کر رہ گیا، پنجاب بھر میں 24 گھنٹے کے دوران بارش اور آندھی سے 5 افرد جاں بحق ہوگئے۔
موسلادھار بارشوں کے باعث کئی نشیبی علاقے زیر آب آ گئے جبکہ برساتی ندی نالوں میں طغیانی کا خطرہ بھی بڑھ گیا۔صوبائی دارالحکومت لاہور کے علاقوں لکشمی چوک، گڑھی شاہو، مال روڈ، سول سیکرٹریٹ، ساندہ، چوبرجی، سمن آباد، ملتان روڈ، اقبال ٹاؤن، جیل روڈ، فیروزپورروڈ، کینال روڈ، اچھرہ، ماڈل ٹاؤن، ٹاؤن شپ، نشتر ٹاؤن، جوہرٹاؤن، ٹھوکر نیاز بیگ اور کاہنہ سمیت کئی علاقوں میں موسلادھار بارش ہوئی جس سے نشیبی علاقے زیرآب آگئے۔شہر میں ہونے والی بارش سے بجلی کا ترسیلی نظام بری طرح متاثر ہو کر رہ گیا، لیسکو کے 260 سے زائد فیڈرز ٹرپ کر گئے، فیڈرز ٹرپ ہونے اور دیگر تکنیکی خرابیوں کے باعث متعدد علاقے بجلی سے محروم ہوگئے جس کے باعث شہریوں کو شدید مشکلات کا سامنا ہے۔اس کے علاوہ اسلام آباد اور راولپنڈی میں بھی بادل خوب برسے، قصور، پتوکی، گجرات، فیصل آباد، ننکانہ صاحب، گوجرہ، سیالکوٹ، ڈسکہ، شکر گڑھ، نارووال، سرگودھا اور حافظ آباد میں بھی شدید بارش ہوئی، جس سے پانی گھروں میں داخل ہوگیا۔وزیراعلیٰ پنجاب مریم نواز شریف نے مسلسل بارشوں کے پیش نظر اربن فلڈنگ کے لئے پیشگی اقدامات یقینی بنانے کی ہدایت کر دی۔مریم نواز شریف نے ہر شہر کے مرکزی اور اندرونی روڈز کو جلد از جلد کلیئر کرنے کا حکم دیدیا اور نشیبی علاقوں میں بارشی پانی کے جلد نکاسی کیلئے کاوشیں تیز تر کرنے کی ہدایت کر دی۔وزیراعلیٰ پنجاب نے پی ڈی ایم اے کے ایس او پی ز پر عملدرآمد یقینی بنانے کا حکم دیا اور انتظامی افسروں کو نکاسی آب کی مسلسل مانیٹرنگ کی ہدایت کر دی، واسا حکام کو خود فیلڈ میں پہنچنے کا حکم دیا گیا ہے۔ترجمان ریسکیو کے مطابق پنجاب بھر میں گزشتہ 24 گھنٹوں میں بارش اور آندھی سے 3 افرادجاں بحق جبکہ 22 افراد زخمی ہوگئے، شدید زخمی افراد کو فوری ہسپتال منتقل کیا گیا۔حکام کا کہنا ہے کہ شیخوپورہ، مرزا ورکاں میں چھت گرنے سے 2 بچے جاں بحق جبکہ دو زخمی ہوئے ہیں، جاں بحق ہونے والوں میں 2 سالہ ارحم، 5 سالہ حرم شامل ہے۔وہاڑی ڈبلیو بی 23، مسلم ٹاؤن سٹاپ، ڈبلیو بی 19 اور ڈبلیو بی 57 میں چھتیں اور دیواریں گرنے سے 4 افراد زخمی ہوئے، چک نمبر ڈبلیو بی 59 میں سولر پلیٹیں گرنے سے ایک شخص زخمی ہوا، جبکہ بھکرمیں لنک روڈما ہنی حیدر آباد سٹی منکیرہ میں دیوار گرنے سے ایک شخص زخمی ہوگیا۔اس کے علاوہ ڈیرہ غازی خان کے علاقے پیگ سٹی میں چھت گرنے سے تین افراد زخمی ہوئے، اٹک میں بابو چوک چونگی نمبر 07 میں تیز بارش اور اربن فلڈنگ کی وجہ سے فیملی گھر میں پھنس گئی، جس کے نتیجے میں 6 افراد زخمی ہوئے، ریسکیو اہلکاروں نے موقع پر پہنچ کر طبی امداد دینے کے بعد تمام افراد کو محفوظ جگہ پر منتقل کر دیا۔صوبائی دارالحکومت لاہور کے علاقے اندرون ٹیکسالی میں بھی ایک گھر کی چھت گر گئی، جس میں ایک شخص جاں بحق جبکہ 3 افراد زخمی ہوئے، نشتر کالونی میں بھی گھر کی چھت گرنے سے ایک فرد جاں بحق جبکہ 3 زخمی ہوئے، اربن سرچ اینڈ ریسکیو ٹیم نے ملبے سے 3 افراد کو زندہ نکال لیا۔ترجمان کے مطابق لاہور کے علاقے ہربنس پورہ میں بارش کے باعث بائیک سلپ ہونے کی وجہ سے ایک شخص زخمی ہوگیا، جبکہ نیو راوی پل میں بارش کے باعث گر کر ایک شخص زخمی ہوا، علی رضا آباد اور وحدت کالونی میں بائیک سلپ ہونے کی وجہ سے ایک، ایک شخص زخمی ہوگیا۔ریسکیو حکام کا کہنا ہے کہ لاہور کے علاقے کشمیری گیٹ میں بجلی کے کھمبے سے کرنٹ لگنے سے ایک بچہ جاں بحق ہوا،آشیانہ روڈ پر ٹی آر گارڈر کی چھت گرنے سے ایک شخص زخمی ہوا۔ادھر بلوچستان کے مختلف علاقوں میں بھی بادل برس پڑے، جس سے موسم خوشگوار ہوگیا، شہداد کوٹ، نصیر آباد، ڈیرہ مراد جمالی، چھتر، قمبر اور سبی میں بارش نے رنگ جما دیا، صحبت پور، جھل مگسی، جیکب آباد، اوستہ محمد میں بھی شدید بارش ہوئی۔آزاد کشمیر اور گلگت بلتستان میں شدید بارشوں کے باعث ندی نالوں میں طغیانی اور سیلابی صورتحال پیدا ہوگئی ہے۔کراچی میں بھی صبح سویرے مختلف علاقوں میں ہلکی بارش اور بوندا باندی ہوئی، آج دن اور رات کے اوقات میں بوندا باندی کا امکان ہے، شہر قائد میں رات گئے بھی مختلف علاقوں میں بادل برسے۔محکمہ موسمیات کے مطابق بارشوں کا سلسلہ 13 جولائی تک جاری رہے گا، شہریوں کو ہدایت کی گئی ہے کہ وہ احتیاطی تدابیر اختیار کریں اور برساتی ندی نالوں سے دور رہیں۔
.ذریعہ: Nawaiwaqt
کلیدی لفظ: افراد زخمی ہوئے سے ایک شخص زخمی جاں بحق جبکہ گرنے سے ایک چھت گرنے سے علاقوں میں ڈبلیو بی لاہور کے بارش اور کے علاقے کے باعث میں بھی
پڑھیں:
لاہور میں آٹھ گھنٹے کی طوفانی بارش کا نیا ریکارڈ، نکاسی آب کے لیے ایمرجنسی اقدامات
لاہور میں تقریباً 8 گھنٹے تک جاری رہنے والی موسلا دھار بارش نے ایک نیا ریکارڈ قائم کر دیا، واسا کے مطابق شہر بھر میں اوسطاً 144 ملی میٹر بارش ریکارڈ کی گئی، جو حالیہ برسوں میں ایک تاریخی مون سون اسپیل قرار دیا جا رہا ہے۔
واسا کے مطابق سب سے زیادہ بارش نشتر ٹاؤن میں 182 ملی میٹر ریکارڈ کی گئی جبکہ پانی والا تالاب میں 175، فرخ آباد میں 155، لکشمی چوک میں 143، قرطبہ چوک میں 151، اور گلشن راوی میں 128 ملی میٹر بارش ہوئی۔
دیگر مقامات میں جیل روڈ پر 124 ملی میٹر، ایئرپورٹ پر 84.5 ملی میٹر، ہیڈ آفس گلبرگ 153، اپر مال 135، مغل پورہ 134، تاجپورہ 140، چوک ناخدا 133، اقبال ٹاؤن 181، سمن آباد 149، اور جوہر ٹاؤن میں 137 ملی میٹر بارش ریکارڈ کی گئی۔
یہ بھی پڑھیں: ملک بھر میں شدید بارشیں: مختلف حادثات میں 4 افراد جاں بحق، متعدد علاقے زیرِ آب، بجلی کا نظام متاثر
شدید بارش کے باعث شہر کے متعدد علاقے زیر آب آ گئے، جن میں نشتر ٹاؤن اور علامہ اقبال ٹاؤن خاص طور پر متاثر ہوئے، وزیراعلیٰ پنجاب مریم نواز شریف صورتحال کی لمحہ بہ لمحہ نگرانی کر رہی ہیں اور نکاسی آب کے فوری انتظامات کی ہدایت جاری کی ہیں۔
واسا، ضلعی انتظامیہ، پی ڈی ایم اے اور دیگر متعلقہ ادارے پوری طرح متحرک ہیں۔ واسا کی ٹیمیں اور افسران فیلڈ میں موجود ہیں اور بجلی کی بار بار بندش کے باوجود نکاسی آب کے عمل کو بحال رکھنے کے لیے کوشاں ہیں۔
ایم ڈی واسا غفران احمد کی جانب سے نکاسی آب کے عمل کی لمحہ بہ لمحہ نگرانی کی جا رہی ہے تاکہ شہریوں کو ممکنہ مشکلات سے بچایا جا سکے۔ واسا کی ٹیمیں مختلف علاقوں میں نکاسی آب کے لیے متحرک ہیں اور بارش کے پانی کی بروقت نکاسی کو یقینی بنانے کی کوششیں جاری ہیں۔
مزید پڑھیں: کہیں رحمت کہیں زحمت، بارش نے خطرے کی گھنٹی بجا دی
اب تک ہونے والی بارش کے ساتھ ہی جی پی او چوک، نابھہ روڈ، ریلوے اسٹیشن، رسول پارک شمع روڈ، ٹکہ چوک جوہر ٹاؤن، بھاٹی گیٹ، شاہ جمال، تاجپورہ اور وحدت روڈ کلیئر کر دیے گئے ہیں۔
وزیر اطلاعات پنجاب عظمیٰ بخاری نے کہا ہے کہ صوبائی دارالحکومت لاہور میں گزشتہ 5 سے 6 گھنٹوں سے مسلسل بارش کا سلسلہ جاری ہے، تاہم صورتحال مکمل طور پر قابو میں ہے۔
انہوں نے کہا کہ واسا اور ضلعی انتظامیہ کی تمام ٹیمیں فیلڈ میں موجود ہیں اور مسلسل نکاسی آب کے عمل میں مصروف ہیں۔ وزیراعلیٰ پنجاب مریم نواز کی ہدایات پر تمام افسران اور عملہ پوری طرح متحرک ہے تاکہ شہریوں کو کسی قسم کی پریشانی کا سامنا نہ کرنا پڑے۔
مزید پڑھیں: 6 سے 10 جولائی کے دوران ملک کے مختلف حصوں میں شدید بارشوں اور سیلاب کا خطرہ
عظمیٰ بخاری کے مطابق لاہور کے تمام انڈر پاسز کلیئر ہیں اور وہاں سے پانی کی مکمل نکاسی کی جا چکی ہے۔ انہوں نے کہا کہ چند نشیبی علاقوں میں اب بھی پانی موجود ہے تاہم وہاں پر بھی واسا کا عملہ متحرک ہے اور نکاسی آب کا عمل تیزی سے جاری ہے۔
عظمیٰ بخاری نے اُمید ظاہر کی کہ تھوڑی دیر میں تمام متاثرہ مقامات سے پانی نکال لیا جائے گا اور صورتحال مکمل طور پر بحال ہو جائے گی، انہوں نےعوام سے اپیل کی کہ وہ افواہوں پر کان نہ دھریں اور کسی بھی ہنگامی صورتِ حال میں متعلقہ اداروں سے فوری رابطہ کریں
وزیراعلیٰ نے شہر میں ٹریفک کی روانی کو برقرار رکھنے کے لیے ٹریفک وارڈنز اور متعلقہ افسران کو فیلڈ میں موجود رہنے کا حکم دیا ہے، تاکہ بارش کے باوجود کسی بھی شاہراہ پر ٹریفک کی روانی متاثر نہ ہو۔ شہری سہولت اور فوری ردعمل کو یقینی بنانے کے لیے واسا اور دیگر ادارے ہمہ وقت سرگرم ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈر پاسز ایئرپورٹ بارش پنجاب ریلوے اسٹیشن عظمیٰ بخاری گلبرگ لاہور مریم نواز شریف مون سون نکاسی آب واسا وحدت روڈ وزیر اطلاعات وزیر اعلی
اندوہناک حادثہ! نیلم ویلی میں سیاحوں کی گاڑی دریا برد، 6 جانیں ضائع