معرکہ حق کے بعد کشمیریوں کے حوصلے بلند، آزادی کی منزل زیادہ دور نہیں، پیر علی رضا بخاری
اشاعت کی تاریخ: 13th, August 2025 GMT
آزاد کشمیر قانون ساز اسمبلی کے سابق ممبر پیر سید علی رضا بخاری نے کہا ہے کہ معرکہ حق کے بعد کشمیریوں کے حوصلے بلند ہوئے ہیں اور آزادی کی منزل زیادہ دور نہیں۔
وی نیوز کو خصوصی انٹرویو دیتے ہوئے انہوں نے کہاکہ پاکستان اور کشمیر کے درمیان رشتہ کلمہ طیبہ کی بنیاد پر قائم ہے، جسے دنیا کی کوئی طاقت ختم نہیں کر سکتی، یہ کمٹمنٹ لازوال ہے۔
یہ بھی پڑھیں: آزاد کشمیر اور مقبوضہ کشمیر میں ابھرتی تحریک طالبان کشمیر کے دعوے اور حقائق
انہوں نے کہاکہ میں مقبوضہ کشمیر کے عوام کو مظلوم نہیں بلکہ بہادر کشمیری کہتا ہوں، جو عزم و استقامت کے ساتھ بھارتی دہشت گردی کا مقابلہ کر رہے ہیں۔ اہل کشمیر غلامی کی زنجیروں کو یقین کے ساتھ توڑ رہے ہیں کیونکہ ان کا نظریہ اسلام کا نظریہ ہے۔ شہدا کے مقدس خون کی بدولت اہل کشمیر جھکے نہیں بلکہ آگے بڑھے ہیں۔
پیر سید علی رضا بخاری نے کہاکہ بھارت نے 5 اگست 2019 کو آئینی دہشت گردی کی تو میں نے اس وقت بھی کہا تھا کہ کشمیریوں کا تشخص دنیا کی کوئی طاقت نہیں چھین سکتی۔ کشمیریوں کی شناخت 35 اے کی بنیاد پر نہیں بلکہ یہ تاریخ 5 ہزار سال پر مشتمل ہے۔
انہوں نے کہاکہ مقبوضہ کشمیر کے عوام پر جو ظلم کی تاریخ رقم کی جا رہی ہے، اس کی مثال نہیں ملتی۔ 9 لاکھ فوج کسی ایک ریجن میں ہونا اس بات کا ثبوت ہے کہ مقبوضہ کشمیر کو بھارتی فوج کی چھاؤنی میں بدل دیا گیا ہے۔
ایک سوال کے جواب میں انہوں نے کہاکہ بھارت سے صرف ظلم کی توقع کی جا سکتی ہے، کشمیریوں اور پاکستانیوں کی آپس کی محبت لازوال ہے، ہمارا دین اور کلچر ایک ہے جسے کبھی ختم نہیں کیا جا سکتا۔ خیبر سے لے کر کراچی اور گلگت بلتستان سے سرینگر تک قوم ایک ہے۔
علی رضا بخاری نے کہاکہ بھارت ہمارا شاطر دشمن ہے جو ہمارے نظریات پر حملہ کرتا ہے اور ہر طرح کے حربے اختیار کرتا ہے، لیکن کامیاب نہیں ہوتا، ملک میں فرقہ واریت کی آگ لگانے کی کوشش کے پیچھے بھی دشمن ہوتا ہے۔
انہوں نے کہاکہ کشمیریوں اور پاکستانیوں کا رشتہ ختم کرنے کی سازشیں کی جاتی ہیں لیکن کشمیریوں کے جذبے میں کبھی کمی نہیں آئی۔ کشمیریوں کی کمٹمنٹ لازوال ہے اور ہمیشہ قائم و دائم رہے گی۔ ہمیں سازشوں پر نظر رکھنی ہوگی۔
انہوں نے کہا کہ پاک بھارت جنگ میں اللہ نے پاکستان کو فتح مبین عطا کی ہے۔ یہ ملک آگے جائے گا تو اہل کشمیر کی منزل بھی قریب ہوگی۔
پیر علی رضا بخاری نے کہاکہ بیرون ممالک میں موجود کشمیریوں پر پاکستانیوں بھارتی ذمہ داری عائد ہوتی ہے وہ مسئلہ کشمیر کو عالمی فورمز پر اجاگر کرتے رہیں۔
انہوں نے کہا کہ اقوام متحدہ اور سلامتی کونسل نے کشمیر پر قراردادیں منظور کر رکھی ہیں، اس لیے ہمارا عالمی برادری سے مطالبہ ہے کہ کشمیریوں کو حق خودارادیت دلایا جائے۔
پیر سید علی رضا بخاری کا کہنا تھا کہ صوفیا کرام کا کشمیر میں کردار نہایت اہمیت کا حامل ہے۔ دین اسلام کی تعلیمات کو عام کرنے کے لیے صوفیا کے کردار کو فراموش نہیں کیا جا سکتا۔
یہ بھی پڑھیں: تحریک آزادی کشمیر کی حمایت: مقبوضہ کشمیر کے گلی کوچوں میں وزیراعظم پاکستان اور آرمی چیف کے پوسٹرز آویزاں
انہوں نے کہاکہ صوفیا کرام نے جہاں دین اسلام کی تعلیمات کو عام کیا، وہیں لوگوں کی ظاہری معاملات میں بھی مدد کی اور ان کی معاشی حالت بہتر بنانے میں کردار ادا کیا۔ صوفیا نے کشمیر کے خطے میں آکر اسلام کا نور بانٹا، لوگوں کو اعلیٰ اخلاق کی بنیاد پر ملایا، انہی کے کردار کی بدولت دین اسلام کی تعلیمات عام ہوئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئینی دہشتگردی آزاد کشمیر اسمبلی پیر علی رضا بخاری لازوال کمٹمنٹ مقبوضہ کشمیر وی نیوز.
ذریعہ
ذریعہ: WE News
کلیدی لفظ: ا ئینی دہشتگردی ا زاد کشمیر اسمبلی پیر علی رضا بخاری لازوال کمٹمنٹ وی نیوز علی رضا بخاری نے کہا انہوں نے کہاکہ انہوں نے کہا کشمیر کے
پڑھیں:
اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں،خداکا خوف کریں،جسٹس اشتیاق ابراہیم اے این ایف پر برہم
اسلام آباد(ڈیلی پاکستان آن لائن)سپریم کورٹ میں منشیات برآمدگی کیس میں جسٹس اشتیاق ابراہیم نے اے این ایف پر اظہار برہمی کرتے ہوئے کہاکہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں،خداکا خوف کریں، کمرہ عدالت میں جھوٹ نہ بولیں،اے این ایف کیا کررہا ہے ، ملزمان تحویل میں ہوتے ہوئے مار دیئے جاتے ہیں،ایک کیس میں ملزم کی ہتھکڑیوں کیساتھ تصویر تھی جو اگلے روز مار دیا گیا۔
نجی ٹی وی چینل دنیا نیوز کے مطابق سپریم کورٹ میں منشیات برآمدگی کیس میں ملزمہ کی درخواست ضمانت پرسماعت ہوئی،جسٹس ہاشم کاکڑ کی سربراہی میں 3رکنی بنچ نے سماعت کی،ملزمہ کے وکیل نے عدالت کے رو برو اے این ایف ریڈکی سی سی ٹی وی فوٹیج چلائی،عدالت نے سی سی ٹی وی فوٹیج کا فرانزک کروانے کا حکم دیدیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وکیل نے کہاکہ واضح دیکھا جا سکتا ہے اے این ایف اہلکار منشیات لے کر گھر آیا، خودمنشیات گھر میں رکھ کر جھوٹا کیس بنایاگیا، سی سی ٹی وی فوٹیج میں نظر آنے والا اہلکار کمرہ عدالت میں موجود ہے۔
اے این ایف اہلکار نے فوٹیج میں موجودگی کی تردید کردی،جسٹس اشتیاق ابراہیم نے کہاکہ اے این ایف کے اسلحہ بردار اہلکار تشدد کرتے نظر آ رہے ہیں،وکیل اے این ایف نے کہاکہ یہ فوٹیج کسی اور گھر میں کئے گئے ریڈ کی ہے۔
جسٹس ہاشم کاکڑ نے کہاکہ اے این ایف کے 10اہلکار تھے مگر 2لڑکیاں پھر بھی بھاگ گئیں؟ہٹے کٹے اہلکار لڑکیوں کو نہیں پکڑ سکے مگر گاڑی پکڑ لی،وکیل احسن بھون نے کہاکہ گارڑی کی ریکوری کا ریکارڈ بھی تبدیل کیاگیا ہے،
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
جسٹس اشتیاق ابراہیم نے اے این ایف پر اظہار برہمی کرتے ہوئے کہاکہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں ،خداکا خوف کریں، کمرہ عدالت میں جھوٹ نہ بولیں،اے این ایف کیا کررہا ہے ، ملزمان تحویل میں ہوتے ہوئے مار دیئے جاتے ہیں،ایک کیس میں ملزم کی ہتھکڑیوں کیساتھ تصویر تھی جو اگلے روز مار دیا گیا۔
جسٹس ہاشم کاکڑ نے اے این ایف اہلکار سے مکالمہ کرتے ہوئے کہاکہ جوانی ہمیشہ نہیں رہتی، کچھ خیال کیا کریں۔سپریم کورٹ نے 5لاکھ روپے مچلکوں کے عوض ملزمہ کی ضمانت منظورکرلی۔
لاہور ائیرپورٹ اغواء کیس کا ڈراپ سین، غیرملکی خاتون دوست کے ساتھ رضامندی سے گئی
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ