کراچی، اورنگی ٹاؤن میں ڈکیتی مزاحمت پر اولاد کے سامنے باپ کا قتل
اشاعت کی تاریخ: 29th, September 2025 GMT
کراچی:
کراچی کے علاقے اورنگی ٹاؤن میں ڈکیتی مزاحمت پر سفاک ملزمان نے معصوم بچوں کے سامنے ایک باپ کو بے دردی سے قتل کر دیا۔
واقعے کی خوفناک سی سی ٹی وی فوٹیج منظر عام پر آ گئی ہے، جس میں دیکھا جا سکتا ہے کہ مقتول سجاد شوکت کو اس کے گھر کی دہلیز پر معصوم بچوں کے ہمراہ نشانہ بنایا گیا۔
واقعہ اورنگی ٹاؤن سیکٹر ساڑھے گیارہ، رحمت چوک کی ایم ایم کالونی میں پیش آیا، جہاں فیصل آباد سے آئے شہری سجاد شوکت اپنے بچوں کے ہمراہ گھر کے دروازے پر کھڑے تھے کہ موٹر سائیکل سوار دو ملزمان تیز رفتاری سے وہاں پہنچے۔
فوٹیج میں واضح طور پر دیکھا جا سکتا ہے کہ سفید شلوار قمیض اور پی کیپ پہنے ایک مسلح ملزم چلتی موٹر سائیکل سے اتر کر سجاد کے قریب آتا ہے۔ سجاد نے خطرہ بھانپتے ہوئے معمولی مزاحمت کی، مگر ملزم نے انتہائی قریب سے گولی چلا دی۔
افسوسناک مناظر میں یہ بھی دیکھا گیا کہ فائرنگ کے وقت ایک معصوم بچہ سجاد کی گود میں موجود تھا۔ گولی لگتے ہی سجاد اپنے گھر کی دہلیز پر گر پڑا، جب کہ بچہ یہ منظر دیکھتے ہی خوفزدہ ہو کر گھر کے اندر بھاگ گیا۔
سی سی ٹی وی فوٹیج میں فائرنگ کرنے والے ڈاکو کا چہرہ واضح طور پر دیکھا جا سکتا ہے، تاہم موٹر سائیکل چلانے والے دوسرے ملزم کی شناخت میں پولیس کو مشکلات کا سامنا ہے۔
واقعے کے بعد ڈی آئی جی ویسٹ نے فوری ایکشن لیتے ہوئے ایس ایچ او اقبال مارکیٹ کو معطل کر کے عہدے میں تنزلی کر دی ہے۔
پولیس حکام کا کہنا ہے کہ سی سی ٹی وی فوٹیج کی مدد سے ملزمان کی شناخت اور گرفتاری کے لیے کارروائیاں جاری ہیں۔
.ذریعہ: Express News
پڑھیں:
محرابپور، پی پی رہنما کے گھر ڈکیتی کا ملزم پنجاب سے گرفتار
data-id="863a0a8" data-element_type="widget" data-widget_type="theme-post-content.default">
محراب پور(جسارت نیوز)پی پی پی رکن قومی اسمبلی ذوالفقار بہن کے گھر ڈاکے میں ملوث ایک ملزم عثمان سیال کو جھنگ پنجاب سے گرفتارکرلیا ، پولیس، دو ملزمان کو گرفتار کیا ہے، ذرائع، ایس ایس پی نوشہرو فیروز میر روحل کھوسو نے پریس کانفرنس کے دوران میڈیا نمائندوں کو بتایا کہ نوشہرو فیروز، نواب شاہ اور حیدر آباد اضلاع کی پولیس نے مشترکہ آپریشن میں ذولفقار بہن کے گھر ڈاکہ زنی میں ملوث بین الصوبائی جیسل بلوچ گروہ کے عثمان سیال کوپونے دو کلو سونا، 53 لاکھ کی نقدی، 2 کلاشنکوف، گولیاں اور ایک پستول سمیت گرفتار کرلیا ہے مذکورہ گروہ پنجاب سندھ اورخیبر پختونخواہ کے علاقوں میں ڈاکہ زنی کی وارداتیں کرتا تھا، پی پی پی رکن اسمبلی ذولفقار بہن نے ڈاکہ میں ملوث ملزم کی گرفتاری اور مسروقہ سامان کی برآمدگی پر آپریشن میں حصہ لینے والی پولیس کیلئے 25 لاکھ کی رقم دینے کا اعلان کیا ہے۔پی پی پی رکن قومی اسمبلی ذوالفقار علی کے گھر ڈاکے میں ملوث سیجل بلوچ گروہ سے متعلق اہم انکشافات سامنے آئے ہیں۔ذرائع کے مطابق اس بین الصوبائی گروہ کے 7 اراکین نے ڈاکے سے دو روز قبل مورو کے قریب ٹرالر سڑک سے گرجانے اور کرین کی تلاش کا بہانہ کرکے کرائم سین کا معائنہ کیا تھا، ڈاکے میں 7 افراد ملوث تھے جن کی قیادت لاہور کا ایک ریٹائرڈ پولیس افسر جیسل بلوچ کر رہا تھا جو پولیس کی گرفت میں نہیں آسکا ہے، تاہم پولیس نے اسکے بھائی ریحان بلوچ اور عرفان حیدر سیال کی گرفتاری اورڈیڑھ کلو سونا، 50 لاکھ روپے سے زائد کی نقدی برآمد گی کی اطلاعات ہیں۔ذرائع نے مزید بتایا کہ گرفتار ریحان بلوچ اور عرفان حیدر سیال پر پنجاب میں ڈاکہ زنی کے 60 سے 70 مقدمات درج ہیں لیکن پنجاب پولیس انہیں آج تک گرفتار نہیں کرسکی ہے تاہم سندھ پولیس حید رآباد رینج کے انسپکٹرز نیک محمد کھوسو، وحید شیخ، اسد اللہ پٹھان، سی آئی پولیس نوشہرو فیروز کے انچارج امداد جاگیرانی، ایس ایچ او درس امتیاز خاور نے ایس ایس پی نوشہروفیروز روحل کھوسو کی قیادت میں ان کو تلاش کرکے گرفتار کرلیاہے،مذکورہ گروہ نے گوگل میپس اور گوگل ارتھ جیسی ایپلی کیشنز واردات کیلئے استعمال کرتا تھا، یہ گروہ موبائل نیٹ ورک استعمال نہیں کرتاتھا بلکہ انٹرنیٹ ،وائی فائی کے ذریعے غیر ملکی ناموں اور کوڈز کیساتھ جعلی نمبر استعمال کرتا تھاجس کی وجہ سے پنجاب پولیس کیلئے انہیں پکڑنا ممکن نہیں تھا تاہم سندھ نے اپنے ذرائع نے اسے ممکن کر دکھایا،جسے عوامی حلقوں میں سراہا جا رہا ہے۔
کرپشن اسکینڈل؛ پنجاب بھر کے لائسنسنگ سینٹرز کا اسپیشل آڈٹ کرنے کا فیصلہ