پنجاب میں بارش سے حادثات: 4 جانیں ضائع، 28 افراد زخمی
اشاعت کی تاریخ: 6th, October 2025 GMT
ریسکیو 1122 پنجاب کے ترجمان کے مطابق گزشتہ 24 گھنٹوں کے دوران صوبہ پنجاب کے مختلف علاقوں میں شدید بارشوں کے باعث پیش آنے والے حادثات میں 2 بچوں سمیت کم از کم 4 افراد جاں بحق جبکہ 28 زخمی ہو گئے۔
یہ بھی پڑھیں: گلگت، چترال اور کالام میں موسم سرما کی پہلی برفباری، متعدد سیاح پھنس گئے
محکمہ موسمیات پاکستان کی جانب سے گزشتہ ہفتے جاری کردہ الرٹ میں بتایا گیا تھا کہ ایک مضبوط مغربی سسٹم 5 اکتوبر سے 7 اکتوبر کے دوران اسلام آباد، پنجاب اور خیبرپختونخوا سمیت بڑے دریاؤں کے بالائی علاقوں کو متاثر کرے گا جس کے نتیجے میں شدید آندھی، گرج چمک کے ساتھ موسلادھار بارشیں متوقع ہیں۔
ریسکیو 1122 پنجاب کے ترجمان فاروق احمد کے مطابق گزشتہ 24 گھنٹوں کے دوران 2 بچوں سمیت 2 افراد بارش سے متعلقہ حادثات میں جاں بحق جبکہ 28 افراد زخمی ہوئے۔
انہوں نے بتایا کہ فیصل آباد میں شدید بارش کے باعث مکان کی چھت گرنے سے 12 سالہ لڑکی اور 8 سالہ لڑکا جاں بحق ہو گئے جبکہ 7 افراد زخمی ہوئے۔
ترجمان کے مطابق ننکانہ صاحب میں 70 سالہ شخص اور قصور میں 65 سالہ شخص بھی چھت گرنے کے باعث جاں بحق ہوئے۔
بیان میں مزید کہا گیا کہ سمندری، جڑانوالہ اور کاکڑوالہ میں چھتیں گرنے کے مختلف واقعات میں کم از کم 6 افراد زخمی ہوئے۔
چک میں 4 افراد، مانانوالہ میں 3 افراد، اور فقیر والی، اللہ آباد اور ساہیوال میں پیش آئے مختلف واقعات میں 5 افراد زخمی ہوئے۔
مزید پڑھیے: مون سون 2025: بارشیں، اموات اور بڑھتے خطرات، حل کیا ہے؟
لاہور میں چھت اور دیوار گرنے کے واقعات میں مزید 2 افراد زخمی ہوئے۔
بارش کی صورتحال اور الرٹسصوبائی ڈیزاسٹر مینجمنٹ اتھارٹی (پی ڈی ایم اے) پنجاب کے ترجمان کے مطابق گزشتہ 24 گھنٹوں کے دوران پنجاب کے بیشتر اضلاع میں شدید بارشیں ہوئیں۔
ملتان میں سب سے زیادہ 113 ملی میٹر بارش ریکارڈ کی گئی۔
فیصل آباد میں 78 ملی میٹر، بہاولپور میں 44 ملی میٹر، لاہور میں 40 ملی میٹر، خانیوال میں 28 ملی میٹر، ٹوبہ ٹیک سنگھ میں 25 ملی میٹر، سیالکوٹ میں 19 ملی میٹر اور اٹک میں 10 ملی میٹر بارش ریکارڈ کی گئی۔
گوجرانوالہ، مری، ساہیوال 8 ملی میٹر، اوکاڑہ 7 ملی میٹر، نارووال 6 ملی میٹر، منگلا 5 ملی میٹر، گجرات اور حافظ آباد 3 ملی میٹر جبکہ لیہ اور قصور میں 1 ملی میٹر بارش ہوئی۔
مزید پڑھیں: وزیرِاعظم کی ہدایت پر موسمیاتی تبدیلی سے نمٹنے کے لیے جامع پالیسی کی تیاری
پی ڈی ایم اے نے خبردار کیا کہ آئندہ 24 گھنٹوں کے دوران پنجاب کے مختلف علاقوں میں بارش کا سلسلہ جاری رہے گا۔
جن علاقوں میں بارش متوقع ہے ان میں راولپنڈی، مری، گلیات، اٹک، چکوال، جہلم، گوجرانوالہ، لاہور، گجرات، سیالکوٹ، نارووال، حافظ آباد، منڈی بہاؤالدین، اوکاڑہ، ساہیوال، قصور، جھنگ، سرگودھا اور میانوالی شامل ہیں۔
دریاؤں میں پانی کی سطح بڑھنے کا خدشہپی ڈی ایم اے ترجمان کا کہنا ہے کہ بارشوں کے باعث دریاؤں خصوصاً دریائے چناب میں پانی کی سطح میں اضافے کا امکان ہے، 7 اکتوبر تک پانی کی سطح بڑھ سکتی ہے۔
ترجمان کے مطابق دریائے ستلج اور راوی میں پانی کی سطح بھارت سے پانی کے اخراج پر منحصر ہوگی جبکہ دریائے سندھ اور جہلم میں بھی سطح آب میں اضافے کی توقع ہے۔
پی ڈی ایم اے نے شہریوں کو احتیاطی تدابیر اختیار کرنے اور متعلقہ اداروں کو ہائی الرٹ پر رہنے کی ہدایت کی ہے۔
ملتان میں بارش ایمرجنسی نافذواسا ملتان کے منیجنگ ڈائریکٹر خالد رضا خان کے مطابق اتوار کی رات شدید بارش اور پیر کو دن کے وقت ایک اور اسپیل کے بعد ملتان میں بارش ایمرجنسی نافذ کر دی گئی۔
انہوں نے شہریوں سے گزارش کی کہ احتیاطی تدابیر اختیار کریں، بجلی کے کھمبوں سے دور رہیں اور غیر ضروری طور پر گھروں سے باہر نہ نکلیں۔
قبل ازیں ہفتے کو ڈی جی پی ڈی ایم اے عرفان علی کاٹھیا نے لاہور میں میڈیا کو بریفنگ دیتے ہوئے بتایا تھا کہ پنجاب میں بارشوں کا آغاز اتوار سے ہوگا جو منگل تک جاری رہے گا۔
پی ڈی ایم اے چیف کے مطابق شمالی اور شمال مشرقی علاقوں (راولپنڈی سے لاہور تک) میں 30 سے 35 ملی میٹر بارش متوقع ہے۔
جنوبی پنجاب میں 5 سے 10 ملی میٹر بارش ہو سکتی ہے۔
یہ بھی پڑھیے: موسمیاتی تبدیلی کوئی مفروضہ نہیں، انسانیت کے لیے خطرناک حقیقت ہے، احسن اقبال
6 اور 7 اکتوبر کو بارشوں کی شدت میں اضافہ ہوگا خاص طور پر شمالی، شمال مشرقی اور وسطی اضلاع میں 50 سے 70 ملی میٹر بارش متوقع ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب پنجاب بارشیں پنجاب ہلاکتیں موسم موسم کا حال.
ذریعہ
ذریعہ: WE News
کلیدی لفظ: پنجاب ہلاکتیں موسم کا حال افراد زخمی ہوئے گھنٹوں کے دوران ترجمان کے مطابق ملی میٹر بارش پی ڈی ایم اے پانی کی سطح پنجاب کے کے باعث
پڑھیں:
سوات: گھر کی چھت اور ہوٹل کا کمرہ گرنے سے بچیوں سمیت 3 افراد جاں بحق
سوات (ڈیلی پاکستان آن لائن) سوات کے مختلف علاقوں میں چھتیں منہدم ہونے کے دو الگ الگ واقعات میں بچیوں سمیت 3 افراد جاں بحق جبکہ 3 زخمی ہوگئے۔
نجی ٹی وی چینل ایکسپریس نیوز کے مطابق چارباغ کے علاقے گنڈھیرئی میں ایک گھر کی چھت اچانک گر گئی، جس کے نتیجے میں 8 سالہ شیما اور 6 سالہ مناہل جاں بحق ہوگئیں، جبکہ حورین اور ان کی والدہ زخمی ہوئیں۔
واقعے کی اطلاع ملتے ہی ریسکیو 1122 سوات کی ڈیزاسٹر ریسپانس اور میڈیکل ٹیمیں موقع پر پہنچ گئیں۔
مقامی افراد نے ملبے تلے دبے چار افراد کو نکال لیا تھا، جنہیں ریسکیو اہلکاروں نے طبی امداد فراہم کی۔ زخمیوں کو مزید علاج کے لیے تحصیل ہیڈکوارٹر اسپتال منگلور منتقل کر دیا گیا جبکہ جاں بحق بچیوں کی لاشیں بھی اسپتال منتقل کر دی گئیں۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
دوسری جانب کالام کے علاقے بلوگا میں ایک کچے ہوٹل کے کمرے کی چھت گرنے سے 32 سالہ وقاص جاں بحق جبکہ دو افراد زخمی ہوگئے۔ جاں بحق ہونے والے شخص کا تعلق ملاکنڈ سے بتایا جاتا ہے۔
ریسکیو 1122 کی ٹیمیں فوری طور پر موقع پر پہنچیں اور زخمیوں کو ابتدائی طبی امداد فراہم کرنے کے بعد تحصیل ہیڈکوارٹر اسپتال کالام منتقل کر دیا۔
ریسکیو حکام کے مطابق دونوں واقعات کی مزید تحقیقات جاری ہیں۔
اس سے قبل، شانگلہ کے علاقے کوزہ الپوری، رحیم آباد میں ایک گھر میں کمرے کی چھت گرنے سے 6 بچے جاں بحق جبکہ ایک بچی زخمی ہوگئی تھی۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ