امریکا نے 4 یورپی تنظیموں کو دہشتگرد قرار دے دیا
اشاعت کی تاریخ: 14th, November 2025 GMT
امریکا نے یورپ کی 4 تنظیموں کو دہشتگرد قرار دے دیا ہے۔
ریشیا ٹوڈے کے مطابق واشنگٹن نے جمعرات کے روز اعلان کیا کہ یورپ میں سرگرم 4 اینٹیفا تنظیموں کو دہشتگرد گروہوں کی فہرست میں شامل کیا جارہا ہے۔ یہ اقدام امریکا میں بڑھتی ہوئی سیاسی تشدد کی لہر سے نمٹنے کی کوششوں کا حصہ بتایا جارہا ہے۔
یہ بھی پڑھیں: اقوام متحدہ نے شامی صدر پر عائد پابندیاں ہٹا دیں، اگلے ہفتے وائٹ ہاؤس کا دورہ متوقع
ستمبر میں امریکی حکومت پہلے ہی ملک میں موجود اینٹیفا نیٹ ورک کو دہشتگرد تنظیم قرار دے چکی ہے، جب ایک قدامت پسند کارکن چارلی کرک کے قتل کے بعد اس معاملے میں پیشرفت ہوئی تھی۔
اسٹیٹ ڈپارٹمنٹ کے مطابق جن یورپی تنظیموں کو اسپیشلی ڈیزگنیٹڈ گلوبل ٹیررسٹ کا درجہ دیا جارہا ہے، ان میں جرمنی کی اینٹیفا اوسٹ، اٹلی کی انفارمل اینارکسٹ فیڈریشن انٹرنیشنل ریولیوشنری فرنٹ، جبکہ یونان کی 2 تنظیمیں آرمڈ پرو لیٹیرین جسٹس اور ریولیوشنری کلاس سیلف ڈیفینس شامل ہیں۔
یہ بھی پڑھیں: داعش خراسان خطے کی سیکیورٹی کے لیے کتنا بڑا خطرہ ہے؟
تمام 4 تنظیموں کو آئندہ ہفتے فارن ٹیررسٹ آرگنائزیشنز کی فہرست میں بھی شامل کیا جائے گا۔ اس فیصلے کے بعد ان گروہوں کے تمام مالی اثاثے منجمد ہو جائیں گے، ان کے ساتھ مالی لین دین ممنوع ہوگا، ان کے ارکان کا امریکا میں داخلہ بند ہو جائے گا اور کسی قسم کی حمایت فراہم کرنا سنگین جرم تصور ہوگا۔
رپورٹ کے مطابق اینٹیفا اوسٹ جرمنی میں 2018 سے 2023 کے دوران متعدد حملوں میں ملوث رہی ہے اور 2023 میں بڈاپسٹ میں کیے گئے حملوں سے بھی اس کا تعلق جوڑا گیا ہے۔ ہنگری پہلے ہی اسے دہشتگرد گروہ قرار دے چکا ہے۔
یہ بھی پڑھیں: پاکستان کے اندر دہشتگرد حملوں میں ٹی ٹی پی کے کردار سے متعلق اقوام متحدہ کی رپورٹ میں اہم انکشافات
دیگر تین یورپی تنظیموں پر اٹلی اور یونان میں سیاسی، سرکاری اور معاشی اداروں کے خلاف دھماکوں اور دھمکی آمیز اقدامات کی ذمہ داری قبول کرنے کے الزامات بھی سامنے آچکے ہیں۔
حکام کا کہنا ہے کہ اینٹیفا ایک ڈھیلا ڈھالا بائیں بازو کا نیٹ ورک ہے جو اکثر سیاہ لباس اور ماسک کے ساتھ احتجاج اور مظاہرے کرتا ہے۔ یہ گروہ 2020 کے جارج فلوئیڈ احتجاج کے دوران خاص طور پر نمایاں ہوا تھا اور مختلف مواقع پر پولیس، صحافیوں اور دائیں بازو کے مظاہرین کے ساتھ جھڑپوں میں ملوث رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا دہشتگرد قرار یورپی تنظیمیں.ذریعہ: WE News
کلیدی لفظ: امریکا دہشتگرد قرار یورپی تنظیمیں تنظیموں کو کو دہشتگرد
پڑھیں:
اسلام آباد جوڈیشل کمپلیکس حملے میں ملوث دہشتگرد گرفتار
اسلام آباد(ڈیلی پاکستان آن لائن)انٹیلی جنس بیورو اور سی ٹی ڈی نے مشترکہ کارروائی کرتے ہوئے اسلام آباد جوڈیشل کمپلیکس حملے میں ملوث دہشتگرد کو گرفتارکرلیا۔
نجی ٹی وی چینل جیو نیوز کے مطابق جوڈیشل کمپلیکس حملے میں فتنہ الخوارج کے 4دہشتگرد ملوث تھے،افغانستان میں موجود فتنہ الخوارج کی قیادت اس نیٹ ورک کو چلا رہی تھی۔
آپریشنل کمانڈر اپنے 3دہشتگردساتھیوں کے ساتھ گرفتار ہو چکا ہے،جن سے تحقیقات جاری ہیں۔
یاد رہے کہ گزشتہ روز اسلام آباد کچہری حملے کے سہولت کار اور ہینڈلر کو گرفتارکرلیاگیا ،اسلام آباد کچہری حملے کا سہولت کار ایک ماہ سے راولپنڈی میں رہائش پذیر تھا۔ذرائع کے مطابق سہولت کار کو راولپنڈی جبکہ ہینڈلر کو خیبرپختونخوا سے گرفتار کیاگیا،حملے سے قبل سہولت کار اور خودکش حملہ آور نے متعدد بار جوڈیشل کمپلیکس کا جائزہ لیا،ذرائع کامزید کہنا ہے کہ ہینڈلر اور سہولت کار دہشتگرد کا تعلق خیبرپختونخوا سے ہے،سکیورٹی اداروں نے دونوں ملزمان کو گرفتار کرکے نامعلوم مقام پر منتقل کردیا۔
شادی کی بھی ایکسپائری ڈیٹ ہونی چاہیے، کاجول ، ٹوئنکل کے جملوں نے نئی بحث چھیڑ دی
خیال رہے کہ جوڈیشل کمپلیکس دھماکے میں 12افراد شہید اور36زخمی ہوئے تھے۔
مزید :
شوگر اور مٹاپے کے شکار افراد کو امریکی ویزا نہ دینے کا اعلان