چین میں 20 ویں منزل سے گرنے والی 4 سالہ بچی کرشماتی طور پر بچ گئی
اشاعت کی تاریخ: 6th, October 2025 GMT
data-id="863a0a8" data-element_type="widget" data-widget_type="theme-post-content.default">
چین میں ایک حیران کن واقعہ اس وقت پیش آیا جب 4 سالہ بچی رہائشی عمارت کی 20 ویں منزل سے گرنے کے باوجود کرشماتی طور پر زندہ بچ گئی۔ بچی کو ایک حاضر دماغ خاتون نے چند منزل نیچے سے پکڑ کر بچا لیا۔
تفصیلات کے مطابق یہ واقعہ صوبہ ہونان میں پیش آیا، جہاں Wu Yumei نامی خاتون رات کا کھانا پکا رہی تھیں۔ وہ عمارت کی 14 ویں منزل پر مقیم ہیں۔ اچانک انہیں کھڑکی کے باہر سے ایک زوردار آواز سنائی دی۔
خاتون نے کھڑکی سے جھانک کر دیکھا تو ایک ننھی بچی 13 ویں منزل کے چھجے پر لٹکی ہوئی تھی۔ دراصل وہ بچی 20 ویں منزل کی ایک کھڑکی سے نیچے گر کر وہاں پھنس گئی تھی۔
خاتون نے فوری طور پر بچی کا ہاتھ تھام لیا اور اپنے 16 سالہ بیٹے کو پولیس اور فائر بریگیڈ کو اطلاع دینے کے لیے کہا۔
انہوں نے بچی کو حوصلہ دیتے ہوئے کہا، “گھبرانا مت، پولیس اور فائر فائٹرز جلد پہنچ جائیں گے۔”
اسی دوران عمارت کے رہائشیوں نے واقعے کی ویڈیو گروپ چیٹ میں شیئر کی تو 14 ویں منزل پر موجود دو افراد مدد کے لیے بھاگے آئے اور خاتون کے ساتھ مل کر بچی کو مضبوطی سے پکڑ لیا۔
کچھ دیر بعد فائر فائٹرز اور پولیس اہلکار موقع پر پہنچے، جنہوں نے 14 ویں منزل کے ہال وے کی کھڑکی توڑ کر حفاظتی رسیاں باندھیں اور بچی کو بحفاظت اندر کھینچ لیا۔
واقعے کے بعد معلوم ہوا کہ خاتون کے ہاتھ زخمی ہوگئے تھے جبکہ بچی کو فوراً اسپتال منتقل کیا گیا۔ خوش قسمتی سے طبی معائنے میں پتہ چلا کہ اسے کوئی نقصان نہیں پہنچا۔
خاتون Wu Yumei نے میڈیا سے گفتگو کرتے ہوئے بتایا:
“میں بہت خوفزدہ تھی، مدد کے لیے چیخ رہی تھی، مجھے ڈر تھا کہ بچی میرے ہاتھوں سے نہ پھسل جائے۔ جب اسے بچا لیا گیا تو میری ٹانگیں کانپنے لگیں اور میں فرش پر گر گئی، مگر میں بہت خوش تھی۔”
اگلے دن بچی کے والدین نے خاتون سے ملاقات کر کے ان کا شکریہ ادا کیا اور ان کی بہادری کو خراجِ تحسین پیش کیا۔
.
ذریعہ
ذریعہ: Jasarat News
پڑھیں:
کراچی میں گیس سلینڈر دھماکے سے تباہی، 1 جاں بحق
شہر قائد کے علاقے صفورا چورنگی سندھ گرین ہوٹل واٹر ہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکے کے نتیجے میں ایک شخص جاں بحق اور5 افراد زخمی ہو گئے۔
تفصیلات کے مطابق ملیر کینٹ تھانے کے علاقے صفورا چورنگی سندھ گرین ہوٹل واٹرہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکےمیں 6 افراد جھلس کر زخمی ہو گئے جنہیں فوری طور پرجناح اسپتال منتقل کیا گیا۔
اسپتال منتقلی کے بعد جھلس کر زخمی ہونے والا ایک شخص دوران علاج دم توڑ گیا، جس کی شناخت 35 سالہ وقاص کے نام سے ہوئی۔
حادثے میں زخمی ہونے والے دیگر افراد میں 10 سالہ سکندر، 40 سالہ اویس اور 30 سالہ عبدالحنان اورعابد شامل ہیں جبکہ ایک زخمی کی شناخت تاحال نہیں ہوسکی۔
ایس ایچ او ملیر کینٹ آغا عبدالرشید کے مطابق دھماکے میں جاں بحق ہونے والا وقاص پنکچرکی دکان کا مالک تھا۔ انہوں نے مزید بتایا کہ پنکچر کی دکان سے متصل گاڑیوں کے سینسر گیس ویلڈنگ کے ذریعے مرمت کاکام بھی ہوتا تھا جہاں ایک چھوٹا سلنڈر موجود تھا جوروز داردھماکے سے پھٹ گیا جس کے نتیجے میں ایک شخص جاں بحق اور 5 افراد زخمی ہوئے جنہیں فوری طورپراسپتال منتقل کردیا گیا۔
عینی شاہدین کے مطابق دھماکہ اتنا شدید تھا کہ دکان مکمل طور پرتباہ ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ