گورنرخیبرپختونخوا نے علی امین گنڈا پور کا استعفیٰ موصول ہونے کی تردید کردی
اشاعت کی تاریخ: 9th, October 2025 GMT
اسلام آباد(اُردو پوائنٹ اخبارتازہ ترین - این این آئی۔ 09 اکتوبر2025ء) گورنر خیبر پختونخوا فیصل کریم کنڈی نے علی امین گنڈا پور کا استعفیٰ موصول ہونے کی تردید کر دی ہے۔گورنر خیبر پختونخوا فیصل کریم کنڈی نے میڈیا سے گفتگو کرتے ہوئے کہا ہے کہ میرے پاس آفیشلی وزیراعلیٰ کا استعفیٰ نہیں آیا، جب استعفیٰ آئیگا تو قانون کے مطابق کارروائی کروں گا۔
فیصل کریم کنڈی نے کہاکہ ملٹری سیکرٹری کو استعفیٰ موصول ہونا فیک نیوز ہے، جب ووٹنگ ہوگی تو ایک نہ ایک شخص نے وزیراعلیٰ بننا ہے، جس کی زیادہ ووٹنگ ہوگی وہی وزیراعلیٰ بنے گا، اپوزیشن جماعتوں کے وزیراعلیٰ کے امیدوار کا اپوزیشن لیڈر ہی بتا سکتے ہیں۔واضح رہے کہ پاکستان تحریک انصاف ( پی ٹی آئی) کے سیکریٹری جنرل سلمان اکرم راجا نے 8 اکتوبر کو وزیراعلیٰ خیبرپختونخوا کی تبدیلی کی تصدیق کرتے ہوئے کہا تھا کہ علی امین گنڈا پور کی جگہ سہیل آفریدی وزیراعلیٰ کے امیدوار ہوں گے۔(جاری ہے)
دریں اثنا، علی امین گنڈا پور نے بھی عہدے سے مستعفی ہونے کا اعلان کرتے ہوئے کہا تھا کہ عمران خان کے حکم پر وزارت اعلیٰ کے عہدے سے استعفیٰ دے رہا ہوں۔ان کا کہنا تھا کہ وزیراعلی کی پوزیشن بانی پی ٹی آئی کی امانت تھی، یہ امانت ان کو واپس کر کے اپنا استعفی دے رہا ہوں، تاہم سہیل آفریدی کو میری مکمل حمایت اور سپورٹ حاصل ہوگی اور ہم عمران خان کی رہائی اور پارٹی پالیسی کے لیے ایک ہوکر آگے بڑھیں گے۔.ذریعہ: UrduPoint
کلیدی لفظ: تلاش کیجئے علی امین گنڈا پور
پڑھیں:
گنڈا پور کے استعفے میں ابہام ہوا تو واپس کیا جا سکتا ہے، گورنر فیصل کریم کنڈی
گورنر خیبرپختونخوا فیصل کریم کنڈی نے کہا ہے کہ وزیراعلیٰ علی امین گنڈا پور کا استعفیٰ تاحال اُن کے دفتر کو موصول نہیں ہوا، اور اگر اس میں کوئی قانونی یا آئینی ابہام پایا گیا تو اسے واپس بھیجا جا سکتا ہے۔
انہوں نے جیونیوز کے پروگرام میں گفتگو کرتے ہوئے کہا کہ جیسے ہی استعفیٰ موصول ہوگا، وہ اس کا جائزہ لیں گے تاکہ گنڈا پور کے فیصلے کی وجوہات کو سمجھا جا سکے۔
’اگر کسی بھی قسم کا قانونی یا آئینی ابہام ہوا تو استعفیٰ واپس کیا جا سکتا ہے۔‘
فیصل کریم کنڈی نے کہا کہ تمام قانونی تقاضے آئین کے مطابق پورے کیے جائیں گے۔
گنڈا پور کا استعفیٰ اور پس منظرگورنر کا یہ بیان وزیراعلیٰ خیبرپختونخوا علی امین گنڈا پور کے اپنے عہدے سے استعفیٰ دینے کے ایک دن بعد سامنے آیا۔ گنڈا پور کے مطابق یہ فیصلہ تحریکِ انصاف کے بانی چیئرمین عمران خان کی ہدایت پر کیا گیا۔
یہ بھی پڑھیے خیبر پختونخوا: علی امین کے استعفیٰ کے بعد سیاسی درجہ حرارت میں اضافہ، پشاور میں کیا ہو رہا ہے؟
واضح رہے کہ وزیراعلیٰ گنڈا پور نے اپنے ایکس (سابق ٹوئٹر) اکاؤنٹ پر لکھا تھا ’اپنے قائد اور تحریکِ انصاف کے بانی چیئرمین عمران خان کے حکم کی تعمیل میں، میرے لیے یہ اعزاز ہے کہ میں وزیراعلیٰ خیبرپختونخوا کے عہدے سے اپنا استعفیٰ پیش کر رہا ہوں۔‘
انہوں نے کہا کہ جب انہوں نے وزارتِ اعلیٰ کا منصب سنبھالا تو صوبہ مالی بحران اور دہشت گردی کے چیلنجز سے دوچار تھا۔
تحریکِ انصاف کے سیکرٹری جنرل سلمان اکرم راجہ نے بھی تصدیق کی کہ یہ فیصلہ عمران خان کی ہدایت پر کیا گیا ہے۔
In respectful compliance of the orders of my leader, and Founding Chairman Pakistan Tehreek-e-Insaf, Imran Khan, it is my honour to tender my resignation from the Office of the Chief Minister, Khyber Pakhtunkhwa.
When I took over as Chief Minister, the province was faced with a… pic.twitter.com/b43onAVAby
— Ali Amin Khan Gandapur (@AliAminKhanPTI) October 8, 2025
آئینی عمل اور اگلے مراحلسابق ایڈووکیٹ جنرل عامر جاوید کے مطابق گورنر کے پاس استعفیٰ قبول کرنے کے لیے 14 دن کا وقت ہوتا ہے۔ اس دوران وزیراعلیٰ اپنے منصب پر برقرار رہتے ہیں۔ استعفیٰ قبول ہونے کے بعد اسمبلی نیا وزیراعلیٰ منتخب کرے گی۔ یادرہے کہ خیبر پختونخوا میں وزیراعلیٰ کے امیدوار کو کم از کم 73 ارکان کی حمایت درکار ہوگی۔
تحریکِ انصاف میں اختلافاتگنڈا پور کا استعفیٰ ایسے وقت میں آیا ہے جب تحریکِ انصاف کے اندرونی اختلافات کی خبریں زور پکڑ چکی ہیں۔
ذرائع کے مطابق علی امین گنڈا پور اور علیمہ خان (عمران خان کی بہن) کے درمیان شدید تناؤ پیدا ہوا، جس کے بعد عمران خان نے دونوں کو بیانات دینے سے روکا۔
گنڈا پور نے الزام لگایا تھا کہ کچھ ’وی لاگرز‘ پارٹی میں پھوٹ ڈالنے اور علیمہ خان کو اگلی چیئرپرسن اور وزیراعظم کے طور پر پیش کرنے کی کوشش کر رہے ہیں، جبکہ علیمہ ان وی لاگرز کو روکنے کے بجائے اُن کی پشت پناہی کر رہی ہیں۔
یہ بھی پڑھیے علی امین گنڈاپور نے وزارت اعلیٰ سے استعفیٰ دینے کی ٹوئٹ ڈیلیٹ کردی
سیاسی تجزیہ کار شاہ زیب خانزادہ نے اپنے تبصرے میں کہا، ایسا لگتا ہے کہ اس مرحلے پر علیمہ خان غالب آ گئی ہیں۔ گنڈا پور اور عمران خان کے درمیان اختلافات کوئی نئی بات نہیں۔
گنڈا پور کی پوزیشن کچھ عرصے سے خطرے میں تھی، خاص طور پر اس وقت جب ان کے اور بشریٰ بی بی کے تعلقات کشیدہ ہونے کی اطلاعات سامنے آئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
علی امین گنڈاپور گورنر خیبر پختونخوا فیصل کریم کنڈی
بالاج قتل کیس کے مرکزی ملزم طیفی بٹ کی ڈرامائی انداز میں گرفتاری کی اندرونی کہانی سامنے آگئی