قطر کی پاک افغان کشیدگی پر گہری تشویش، دونوں ممالک کو تحمل اور مذاکرات کا مشورہ
اشاعت کی تاریخ: 12th, October 2025 GMT
DOHA:
قطر نے پاکستان اور افغانستان کے درمیان حالیہ سرحدی کشیدگی پر گہری تشویش کا اظہار کرتے ہوئے زور دیا ہے کہ دونوں ممالک تحمل، بات چیت اور سفارتکاری کے ذریعے مسائل کا حل تلاش کریں۔
قطری وزارت خارجہ کی جانب سے جاری باضابطہ بیان میں کہا گیا ہے کہ خطے میں امن و استحکام کے لیے کشیدگی میں کمی ناگزیر ہے۔
بیان میں مزید کہا گیا ہے کہ قطر پاکستان اور افغانستان کے درمیان بڑھتی ہوئی کشیدگی کو خطے کے امن و امان کے لیے خطرہ سمجھتا ہے، اور دونوں برادر ممالک پر زور دیتا ہے کہ وہ بات چیت کے ذریعے مسائل کا پرامن حل نکالیں۔
قطری وزارت خارجہ نے یہ بھی واضح کیا کہ قطر، پاکستان اور افغانستان کے عوام کی خوشحالی، ترقی اور امن کے لیے پُرعزم ہے اور خطے میں کسی بھی قسم کی کشیدگی کو کم کرنے کی ہر کوشش کی حمایت کرتا ہے۔
قطری حکومت نے اس موقع پر عالمی برادری پر بھی زور دیا ہے کہ وہ خطے میں استحکام برقرار رکھنے اور کشیدگی کے خاتمے کے لیے سفارتی کوششوں کو ترجیح دے۔
.ذریعہ: Express News
کلیدی لفظ: کے لیے
پڑھیں:
تحریک انصاف دہشتگردوں سے مذاکرات پر زور دیتی ہے، ان سے ایک ضلع ہی واپس لے کر دکھادے، خرم دستگیر خان
پاکستان مسلم لیگ (ن) کے رہنما اور وفاقی وزیر خرم دستگیر خان کہنا ہے کہ پاکستان تحریک انصاف اکثر یہ مطالبہ کرتی ہے کہ دہشتگردوں کے ساتھ مذاکرات کیے جائیں تو اگر اس کی پالیسی یہی ہے تو وہ خیبرپختونخوا کے 12 میں سے کم از کم ایک ضلع دہشتگردوں کے قبضے سے واپس لے کر دکھائے۔
یہ بھی پڑھیں: پاکستان تحریک انصاف اور جماعتِ اسلامی کی نئی لڑائی کیا ہے؟
نجی ٹی وی پر گفتگو کرتے ہوئے غلام دستگیر خان نے کہا کہ سنہ 2014 میں جب پاکستان میں دہشتگردی سے نمٹنے کے لیے قوانین پہلی مرتبہ متعارف ہوئے تو تحریک انصاف نے ان کی مخالفت کی اور وہ ان قانون سازی کا حصہ ہی بننا نہیں چاہتی تھی۔
انہوں نے مزید کہا کہ آج تک دہشتگردی کے خلاف ہونے والے ہر اہم فیصلے پر پی ٹی آئی نے راہ فرار اختیار کی۔
خرم دستگیر نے کہا کہ پی ٹی آئی دہشتگردوں کی ہمدرد ہے اور وہ ان سے لڑنا نہیں چاہتی۔ انہوں نے مزید کہا کہ یہ آج کی بات نہیں بلکہ ان کی پالیسی ہمیشہ سے ایسی ہی رہی ہے۔
’میرے قائد کو تو کبھی کسی نے طالبان خان نہیں کہا‘خرم دستگیر نے مزید کہا کہ ان کے قائد نواز شریف پر کبھی ایسا الزام نہیں لگا۔ انہوں نے مزید کہا کہ میرے لیڈر کو تو کبھی کسی نے ‘طالبان خان’ نہیں کہا۔
’عمران خان کے دور میں تمام دوست ممالک سے تعلقات خراب ہوئے‘پی ٹی آئی اور اس کی قیادت پر سخت تنقید کرتے ہوئے انہوں نے کہا کہ عمران خان کے دور حکومت میں پاکستان کے تمام دوست ممالک کے ساتھ تعلقات خراب ہوئے جبکہ وہ خود احتساب کے دعویدار ہونے کے باوجود خیبرپختونخوا میں احتساب کے ادارے کو تالے لگوا بیٹھے۔
’نواز شریف نے اپنا بیانیہ پیش کردیاخرم دستگیر نے کہا کہ نواز شریف نے اپنا واضح بیانیہ پیش کر دیا ہے جبکہ تحریک انصاف کی تاریخ تضادات سے بھری ہوئی ہے۔
مزید پڑھیے: نواز شریف اور مریم نواز کی تقریر پر پاکستان تحریک انصاف کا نکتہ بہ نکتہ جواب
انہوں نے مزید کہا کہ نواز شریف نے پنجاب کے ضمنی انتخابات میں ن لیگ کی کامیابی کی وجہ وزیراعظم شہباز شریف اور وزیراعلیٰ پنجاب مریم نواز کی محنت کو قرار دیا جو کہ غلط نہیں ہے اور دونوں نواز شریف کے وژن کے تحت ہی کام کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی خرم دستگیر خان خیبرپختونخوا دہشتگرد ن لیگ
پاکستان میں چاند نظر نہیں آیا، یکم جمادی الثانی اتوار 23 نومبر کو ہوگی