’رولز وولز پتا ہیں‘، کون بنے گا کروڑ پتی میں 5ویں جماعت کے طالب علم کو اوور کانفیڈنس دکھانا مہنگا پڑگیا
اشاعت کی تاریخ: 13th, October 2025 GMT
مشہور کوئز شو کون بنے گا کروڑ پتی (KBC) سیزن 17 میں حالیہ دنوں بچوں کے خصوصی ایڈیشن کا آغاز کیا گیا ہے، جہاں کمسن اور ذہین بچے اپنی معلومات اور حاضر جوابی سے ناظرین کو متاثر کر رہے ہیں۔ تاہم، ایک تازہ قسط میں نشر ہونے والا واقعہ سوشل میڈیا پر وائرل ہو گیا ہے، جس میں ایک کم عمر امیدوار نے نہ صرف میزبان امیتابھ بچن سے بدتمیزی کا مظاہرہ کیا بلکہ اپنی غیر ضروری خود اعتمادی (اوور کانفیڈنس) کے باعث کوئی انعام جیتے بغیر مقابلے سے باہر ہو گیا۔
حالیہ قسط میں شامل ہونے والا بچہ اشیت بھٹ، جو کہ گاندھی نگر (گجرات) سے تعلق رکھتا ہے اور پانچویں جماعت کا طالب علم ہے، ابتدا سے ہی شو میں غیر معمولی خود اعتمادی کا مظاہرہ کرتا نظر آیا۔ جیسے ہی امیتابھ بچن نے شو کے قواعد وضوابط بیان کرنا شروع کیے، اشیت نے میزبان کو ٹوکتے ہوئے کہا کہ ’مجھے رولز معلوم ہیں، اس لیے آپ مجھے رولز مت سمجھائیں‘۔
Very satisfying ending!
Not saying this about the kid, but the parents.
pic.twitter.com/LB8VRbqxIC
— THE SKIN DOCTOR (@theskindoctor13) October 12, 2025
اس کے بعد بھی، دورانِ مقابلہ بچہ بارہا امیتابھ بچن کی بات کاٹتا رہا اور سوالات کے مکمل ہونے سے پہلے ہی جوابات لاک کروانے پر زور دیتا رہا۔ تاہم، جب رامائن سے متعلق ایک سوال آیا تو اشیت نے خود ہی آپشنز مانگے اور بعد میں اعتماد بھرے انداز میں کہا ’سر، ایک کیا، اُس پر چار لاک لگا دو، لیکن لاک کرو‘۔
یہ بھی پڑھیں: ’کون بنے گا کروڑ پتی‘: امیتابھ بچن ایک قسط کا کتنا معاوضہ لے رہے ہیں؟
بدقسمتی سے، اس سوال کا جواب غلط ثابت ہوا اور یوں اشیت بغیر کوئی انعام حاصل کیے شو سے باہر ہو گیا۔ اس موقع پر امیتابھ بچن نے نرمی سے تبصرہ کرتے ہوئے کہا کہ ’کبھی کبھی بچے اوور کانفیڈنس میں غلطی کر دیتے ہیں‘۔
یہ ویڈیو سوشل میڈیا پر تیزی سے وائرل ہو گئی ہے اور صارفین کی جانب سے مختلف آرا سامنے آ رہی ہیں۔ جہاں کچھ افراد نے بچے کے رویے کو ’بدتمیزی‘ اور ’بے ادبی‘ قرار دیا، وہیں بعض صارفین نے کہا کہ یہ محض ایک بچہ ہے، جو ممکنہ طور پر کیمروں اور اسٹیج کے ماحول سے مرعوب ہو کر جذباتی ہو گیا۔
یہ بھی پڑھیں: امیتابھ بچن کے بعد ’کون بنے گا کروڑ پتی‘ کا نیا میزبان کون ہوگا؟
کئی ناظرین نے اس واقعے کو ’سبق آموز‘ قرار دیتے ہوئے کہا کہ ذہانت کے ساتھ ساتھ ادب، انکساری اور بڑوں کا احترام بھی کامیابی کے لیے نہایت ضروری عناصر ہیں۔
واضح رہے کہ ’کون بنے گا کروڑ پتی 17‘ کو ٹیلی ویژن ریٹنگ پوائنٹس (TRP) کے حوالے سے بھی حالیہ دنوں میں کمی کا سامنا ہے، اور اس واقعے کے بعد شو ایک بار پھر سوشل میڈیا پر بحث کا مرکز بن گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امیتابھ بچن بالی ووڈ ریئلٹی شو کون بنے گا کروڑ پتی
ذریعہ
ذریعہ: WE News
کلیدی لفظ: امیتابھ بچن بالی ووڈ ریئلٹی شو کون بنے گا کروڑ پتی کون بنے گا کروڑ پتی امیتابھ بچن کہا کہ ہو گیا
پڑھیں:
پی ایس ڈی پی میں ارکان پارلیمنٹ اور ترقیاتی منصوبوں کیلئے اربوں روپے مختص کرنے کی تجویز
اسلام آباد: پی ایس ڈی پی 2026-27 کے تحت وفاقی حکومت نے ارکان پارلیمنٹ کے ترقیاتی منصوبوں سمیت مختلف شعبوں کے لیے اربوں روپے مختص کرنے کی تجویز پیش کر دی ہے۔ بجٹ دستاویزات کے مطابق آئندہ مالی سال میں ترقیاتی منصوبوں کے ذریعے گورننس، ٹیکنالوجی، توانائی اور خواتین کی فلاح و بہبود کو خصوصی ترجیح دی جائے گی۔
دستاویزات کے مطابق پائیدار ترقیاتی اہداف (SDGs) اچیومنٹ پروگرام کے تحت ارکان پارلیمنٹ کے ترقیاتی منصوبوں کے لیے 70 ارب روپے مختص کرنے کی سفارش کی گئی ہے۔ اس کے علاوہ کابینہ ڈویژن کے مختلف ترقیاتی منصوبوں کے لیے 2 ارب روپے جبکہ اسٹیبلشمنٹ ڈویژن کے منصوبوں کے لیے ایک ارب 70 کروڑ روپے رکھنے کی تجویز دی گئی ہے۔
پی ایس ڈی پی 2026-27 میں پارلیمنٹ لاجز کی اپ گریڈیشن کے لیے 5 کروڑ 60 لاکھ روپے مختص کرنے کی سفارش کی گئی ہے۔ اسی طرح نیشنل آرکائیوز آف پاکستان کی بحالی اور جدید خطوط پر استوار کرنے کے منصوبے کے لیے 5 ارب 50 کروڑ روپے تجویز کیے گئے ہیں۔
توانائی کے شعبے میں سرکاری عمارتوں میں شمسی توانائی کے نظام کی بہتری اور توانائی بچت اقدامات کے لیے 19 کروڑ 40 لاکھ روپے رکھنے کی سفارش کی گئی ہے۔
وفاقی دارالحکومت میں جدید ٹیکنالوجی حب کے قیام کے لیے اسلام آباد ٹیکنوپولس منصوبے پر ایک ارب 58 کروڑ روپے سے زائد خرچ کیے جانے کا امکان ہے، جبکہ فیڈرل پبلک سروس کمیشن (FPSC) کے امتحانی نظام کو ڈیجیٹل بنانے کے لیے 70 کروڑ روپے سے زائد فنڈز مختص کرنے کی تجویز دی گئی ہے۔
خواتین کی فلاح و بہبود کے منصوبوں کے تحت اسلام آباد میں ورکنگ ویمن ہاسٹل کے قیام کے لیے 16 کروڑ 70 لاکھ روپے جبکہ خواتین افسران کے لیے رہائشی سہولیات کی فراہمی کے منصوبے پر 82 کروڑ روپے سے زائد خرچ کیے جانے کا تخمینہ لگایا گیا ہے۔
بجٹ دستاویزات کے مطابق آئندہ مالی سال میں ڈیجیٹل گورننس، سرکاری اداروں کی استعداد کار بڑھانے، توانائی بچت اور جدید ٹیکنالوجی کے فروغ پر خصوصی توجہ دی جائے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ