ہسپانوی شہر مالگا میں یورپین مسلم کونسل کا سالانہ اجلاس
اشاعت کی تاریخ: 18th, October 2025 GMT
data-id="863a0a8" data-element_type="widget" data-widget_type="theme-post-content.default">
251018-06-19
میڈرڈ (رپورٹ : طالب حسین ) اسپین کے شہر مالگا میں یورپین مسلم کونسل (ای ایم سی ) کی چودھویں سالانہ جنرل میٹنگ منعقد ہوئی،جس میں یورپ کے 14 حلقہ جات کے صدور، سیکرٹری اور یورپین یوتھ کے صدر خصوصی طور پر شریک ہوئے۔ 3روزہ اجلاس کا آغاز جمعہ کے روز ویلکم اور رجسٹریشن سیشن سے ہوا، جب کہ باقاعدہ پروگرام کا آغاز اٹلی کی اسلامک تحریک کے صدر برادر طاہر محمود کی تلاوتِ قرآنِ کریم سے ہوا ۔ اس کے بعد یورپین مسلم کونسل کے نائب صدر مولانا اقبال (برطانیہ) نے درسِ حدیث پیش کرتے ہوئے اسلامی تحریکوں میں نوجوانوں کے کردار پر مفصل گفتگو کی ۔ اجلاس کے میزبان حافظ ضیانے شرکا کا پرتپاک استقبال کیا ۔ صدر یورپین مسلم کونسل امتیاز سیویا نے افتتاحی خطاب میں یورپ بھر میں دعوتِ دین اور اقامت دین کے تسلسل پر روشنی ڈالی ۔ سابق صدر اخلاق احمد نے یورپ میں اسلامی تحریکوں کو درپیش چیلنجوں اور ان کے ممکنہ حل کے موضوع پر گفتگو کی۔ پروگرام کے دوران سیکرٹری مالیات وسیم احمد راجہ نے کونسل کی سالانہ مالیاتی رپورٹ اور آئندہ کا بجٹ پیش کیا ۔ اسی طرح سیکرٹری جنرل سجاد احمد نے سالانہ کارکردگی رپورٹ پیش کی اور شرکا کے سوالات کے جوابات دیے۔امریکا کی معروف اسلامی تنظیم اسلامک سرکل آف نارتھ امریکا کے سابق صدر ڈاکٹر محسن انصاری نے خصوصی طور پر اجلاس سے خطاب کیا،جس میں انہوں نے مغربی معاشرے میں اسلامی تحریکوں کو درپیش چیلنج اور ان کے حل پر گفتگو کی۔ اجلاس کے اگلے مرحلے میں شرکا نے متفقہ طور پر امتیاز احمد سیویا کو آئندہ سیشن کے لیے دوبارہ صدر منتخب کیا،جس کے بعد حلف برداری کا سیشن بھی ہوا۔ پروگرام کے ایک حصے کے تحت مختلف ممالک کے کامیاب منصوبوں کی رپورٹ پیشکش کی گئی۔ آئی سی سی ناروے کے صدر رضوان اور یو کے آئی ایم برطانیہ کے صدر ریاض ولی نے اپنے اپنے کامیاب پراجیکٹس اور تجربات شرکا کے سامنے پیش کیے۔ پروگرام کے اختتام پر ریاض بٹ نے تمام شرکا کو یادگاری شیلڈز پیش کیں۔ شرکا نے مالگا ٹیم کی خدمت، تنظیمی حسن اور مہمان نوازی کو خوب ستائش کی۔
اسپین : یورپین مسلم کونسل کے اجلاس میں شرکا غور سے گفتگو سن رہے ہیں
ذریعہ
ذریعہ: Jasarat News
کلیدی لفظ: یورپین مسلم کونسل کے صدر پیش کی
پڑھیں:
سلامتی کونسل میں پاکستان نے بھارت کو لاجواب کر دیا
قونصلر صائمہ سلیم— فائل فوٹواقوامِ متحدہ میں پاکستانی مشن کی قونصلر صائمہ سلیم نے سلامتی کونسل میں بھارت کو لاجواب کر دیا۔
اپنے بیان میں صائمہ سلیم نے کہا ہے کہ بھارت کا امن کا درس دینا مضحکہ خیز ہے، جو خود بین الاقوامی قانون اور سلامتی کونسل کی قراردادوں کی خلاف ورزی، ہمسایوں کے خلاف جارحیت اور خطے میں ریاستی سرپرستی میں دہشت گردی کا مرتکب ہے۔
انہوں نے کہا کہ آزاد جموں و کشمیر اور بھارت کے غیر قانونی زیرِ قبضہ جموں و کشمیر کے حالات میں واضح فرق ہے۔
صائمہ سلیم نے کہا کہ ایک طرف سیاسی آزادی ہے اور دوسری طرف جبر، گرفتاریوں اور انسانی حقوق کی پامالیوں کا سلسلہ جاری ہے، حقوق کا استعمال اور حقوق سے محرومی ایک جیسی چیزیں نہیں ہو سکتیں۔
اقوامِ متحدہ میں پاکستانی کونسلر صائمہ سلیم نے کہا کہ افغان سرزمین سے حملوں کی منصوبہ بندی اور سہولت کاری ہوئی۔
انہوں نے کہا کہ کشمیری عوام کے ناقابلِ تنسیخ حقِ خودارادیت سے انکار نہیں کیا جا سکتا، جموں و کشمیر نہ بھارت کا اٹوٹ انگ ہے اور نہ داخلی معاملہ، بھارت کا انکار اس تنازع کی بین الاقوامی حیثیت تبدیل نہیں کر سکتا۔
قونصلر صائمہ سلیم نے کہا کہ بھارت خود مسئلہ کشمیر سلامتی کونسل میں لایا اور آج قراردادوں سے انحراف کر رہا ہے، مقبوضہ کشمیر میں جبر اور انسانی حقوق کی پامالیاں جاری ہیں۔
انہوں نے مزید کہا کہ سندھ طاس معاہدے کی معطلی کا بھارتی فیصلہ بین الاقوامی قانون کی خلاف ورزی ہے، دریائے سندھ کا پانی زندگی کا ذریعہ ہے، جنگ کا ہتھیار نہیں۔
صائمہ سلیم نے یہ بھی کہا کہ بھارت سے منسلک دہشت گردی کے نیٹ ورک عالمی سطح تک پھیل چکے ہیں، بھارت میں ہندوتوا نظریات نے اسلاموفوبیا کو ریاستی پالیسی بنا دیا ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی