محموداچکرئی کو اپوزیشن لیڈر قومی اسمبلی مزد کرنے کیلئے 74ارکان کی ردخواست
اشاعت کی تاریخ: 22nd, October 2025 GMT
اسلام آباد (نوائے وقت رپورٹ+ اپنے سٹاف رپورٹر سے) پشتونخواہ ملی عوامی پارٹی کے چیئرمین محمود خان اچکزئی کو قومی اسمبلی میں اپوزیشن لیڈر نامزد کر دیا گیا۔ اپوزیشن کی جانب سے درخواست باضابطہ طور پر سیکرٹری قومی اسمبلی مشتاق کے آفس میں جمع کروا دی گئی۔ چیف وہپ عامر ڈوگر‘ اسد قیصر اور دیگر رہنمائوں نے درخواست جمع کروائی۔ اپوزیشن کے 74 اراکین نے محمود خان اچکزئی کو بطور اپوزیشن لیڈر نامزید کیا۔ پی ٹی آئی کے تین اراکین ملک سے باہر ہونے کی وجہ سے درخواست پر دستخط نہ کر سکے۔ علی افضل ساہی‘ عمر فاروق اور صاحبزادہ محبوب سلطان ملک سے باہر ہونے کی وجہ سے درخواست پر دستخط نہ کر سکے۔ سپیشل سیکرٹری قومی اسمبلی مشتاق نے درخواست موصول کر لی جبکہ ایڈوائزر آفس نے درخواست کو ڈائری نمبر لگا دیا۔ دوسری جانب پاکستان تحریک انصاف کے رہنما سابق سپیکر قومی اسمبلی اسد قیصر، چیف وہپ ملک عامر ڈوگر اور شہرام تراکئی نے اسلام آباد میں پریس کانفرنس کرتے ہوئے کہا ہے کہ انہوں نے قومی اسمبلی میں اپوزیشن لیڈر کے عہدے کے لیے درخواست جمع کرا دی۔ اسد قیصر نے کہا کہ عمر ایوب خان کی نااہلی کے بعد اپوزیشن لیڈر کا عہدہ خالی تھا جس کے لیے تحریک انصاف نے محمود خان اچکزئی کے نام کی باضابطہ درخواست سپیکر قومی اسمبلی کو جمع کرا دی ہے اور امید ہے اب سپیکر ملک واپسی پر نوٹیفکیشن جاری کر دیں گے۔ انہوں نے کہا کہ محمود خان اچکزئی ایک سینئر اور باوقار سیاستدان ہیں، امید ہے کہ ان کے نام پر کسی غیر جمہوری حربے کا سہارا نہیں لیا جائے گا۔ اپوزیشن لیڈر کا عہدہ خالی نہیں رہنا چاہیے اور سپیکر کو چاہیے کہ جلد از جلد نوٹیفکیشن جاری کریں۔ اسد قیصر نے پاکستان اور افغانستان کے تعلقات پر گفتگو کرتے ہوئے کہا کہ دونوں ممالک کو باہمی تعلقات میں صبر و استقامت سے کام لینا چاہیے۔
.ذریعہ: Nawaiwaqt
کلیدی لفظ: محمود خان اچکزئی اپوزیشن لیڈر قومی اسمبلی
پڑھیں:
پارلیمنٹ لاجز منصوبے کی تکمیل 12 سال سے تاخیر کا شکار
اسپیکر قومی اسمبلی سردار ایاز صادق نے پارلیمنٹ لاجز کا اچانک دورہ کیا، جہاں انہوں نے کئی برسوں سے تعطل کا شکار 104 اضافی فیملی سوئٹس اور سرونٹ کوارٹرز کے تعمیراتی منصوبے کا جائزہ لیا۔
اس موقع پر اسپیکر قومی اسمبلی سردار ایاز صادق کو منصوبے کی موجودہ صورتحال پر تفصیلی بریفنگ میں بتایا گیا کہ یہ منصوبہ2011 میں شروع ہوا تھا اور 2013 میں مکمل ہونا تھا، تاہم سی ڈی اے اور کنٹریکٹر کی غفلت اور نااہلی کے باعث اس میں غیر معمولی تاخیر ہوئی۔
اسپیکر سردار ایاز صادق نے طویل عرصہ سے رکے ہوئے اس منصوبے کی بحالی میں خصوصی دلچسپی لی اور وزیر اعظم پاکستان میاں محمد شہباز شریف سے اس کی فوری تکمیل کے لیے فنڈز جاری کرنے کی درخواست کی۔
یہ بھی پڑھیں: شرمیلا فاروقی کو پارلیمنٹ لاجز کا ماحول جیل جیسا کیوں لگا؟
بعد ازاں وزیر اعظم میاں محمد شہباز شریف کی ہدایت پر وزارتِ خزانہ نے مطلوبہ فنڈز جاری کیے، جس کے بعد برسوں سے رکا ہوا تعمیراتی کام دوبارہ شروع ہوا۔
دورے کے دوران اسپیکر قومی اسمبلی نے سی ڈی اے حکام کو ہدایت کی کہ منصوبے کو نظر ثانی شدہ شیڈول کے مطابق مقررہ مدت میں مکمل کیا جائے اور تعمیراتی معیار کے اعلیٰ ترین تقاضوں کو یقینی بنایا جائے۔
انہوں نے واضح کیا کہ اس حوالے سے کسی قسم کا سمجھوتہ قابلِ قبول نہیں ہوگا۔
مزید پڑھیں:نو منتخب ارکان اسمبلی کے لیے پارلیمنٹ ہاؤس اور لاجز میں کیا تیاریاں کی جارہی ہیں؟
اسپیکر سردار ایاز صادق نے کہا کہ اضافی فیملی سوئٹس کی تعمیر میں غیر ضروری تاخیر کے باعث اراکین پارلیمنٹ کو رہائش کے حوالے سے شدید مشکلات کا سامنا کرنا پڑ رہا ہے، انہوں نے کہا کہ اس دیرینہ منصوبے کے نظر ثانی شیڈول کے مطابق بروقت تکمیل میں کوئی کوتاہی برداشت نہیں کی جائے گی۔
سی ڈی اے حکام نے اسپیکر قومی اسمبلی کو یقین دلایا کہ اضافی فیملی سوئٹس اور سرونٹ کوارٹرز کے تعمیراتی منصوبے کو نظر ثانی شدہ شیڈول کے مطابق جون 2026 تک مکمل کر لیا جائے گا۔
اسپیکر کی خصوصی نگرانی، مسلسل فالو اَپ اور براہِ راست دلچسپی کے باعث ایک دہائی سے زائد عرصہ سے زیرِ التوا یہ منصوبہ اب تکمیل کے آخری مراحل میں داخل ہو چکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیکر پارلیمنٹ لاجز تاخیر سردار ایاز صادق سرونٹ کوارٹرز فیملی سوئٹس قومی اسمبلی
افغان طالبان کے پاس ٹی ٹی پی کو تحفظ دینے کا کوئی جواز نہیں، لیاقت بلوچ