فتنہ الخوارج سے لڑتے ہوئے حیدرآباد کا فوجی جوان شہید
اشاعت کی تاریخ: 23rd, October 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر )حیدرآباد کا ایک اور فوجی جوان جنوبی وزیرستان میں فتنہ الخوراج الہندوستان سے لڑائی میں شہید ہوگیا جس کی جسد خاکی حیدرآباد پہنچی، شہید فراز بھٹی کاتعلق لطیف آباد سے تھا، اور ماں باپ کا اکلوتا بیٹا تھا، نماز جنازہ وتدفین میں جی او سی سمیت اعلیٰ افسران کی شرکت۔حیدرآباد کے علاقے لطیف آباد کا رہائشی ماں باپ کا اکلوتا بیٹا فراز بھٹی جنوبی وزیرستان میں فتنہ الخوراج سے لڑتے ہوئے شہید ہوگیا ، فراز بھٹی کا جسد خاکی ڈی این اے رپورٹ میں تاخیر کے سبب دو ہفتے بعد حیدرآباد پہنچی تو شہید کی جسد خاکی پر پھولوں کی پتیاں نچھاور کی گئی اور پاکستان زندہ باد کے نعرے لگائے گئے۔ شہید فراز بھٹی کو فوجی اعزاز کے ساتھ کینٹ قبرستان میں سپرد خا ک کیا گیا جہاں پاک فوج کے چاک وچوبند دستے نے سلامی پیش کی، نماز جنازہ میں جی او سی حیدرآباد، کمشنر، ڈپٹی کمشنر، ایس ایس پی سمیت اراکین اسمبلی نے شرکت کی، اس موقع پر شہید کے والدین کا کہنا تھا کہ پاک فوج کیخلاف زبانیں دراز کرنے والے دیکھ لیں پورا شہر شہید کے جنازے میں موجود ہے۔
ذریعہ
ذریعہ: Jasarat News
کلیدی لفظ: فراز بھٹی
پڑھیں:
کوہاٹ ٹول پلازہ کے قریب دہشت گردوں کا کسٹمز حکام پر حملہ، 2 اہلکار شہید، ایک زخمی
کوہاٹ ٹول پلازہ کے قریب دہشت گردوں نے کسٹمز انفورسمنٹ اسکواڈ پر حملہ کر دیا، جس کے نتیجے میں سپاہی جاوید احمد اور اے ایس آئی ساجد الاسلام جامِ شہادت نوش کر گئے، جبکہ پاکستان کسٹمز کا ایک سپاہی زخمی ہوا، جسے علاج کے لیے اسپتال منتقل کر دیا گیا ہے۔ پاکستان کسٹمز کے مطابق قانون نافذ کرنے والے اداروں کی کارروائیاں جاری ہیں۔
پاکستان کسٹمز کے مطابق دہشت گرد حملے کے بعد سرکاری انفورسمنٹ گاڑی کو آگ لگا دی گئی، جبکہ ملزمان کی تلاش کے لیے سرچ آپریشن شروع کر دیا گیا ہے۔
پاکستان کسٹمز نے شہید سپاہی جاوید احمد اور شہید اے ایس آئی ساجد الاسلام کی عظیم قربانی کو خراجِ عقیدت پیش کرتے ہوئے کہا کہ شہداء نے اسمگلنگ کے خلاف جنگ اور وطن کی معاشی سرحدوں کے تحفظ میں اپنی جانوں کا نذرانہ پیش کیا۔
پاکستان کسٹمز نے شہداء کے اہلِ خانہ سے دلی تعزیت، زخمی اہلکار کی جلد صحت یابی کے لیے دعا اور اسمگلنگ، دہشت گردی و جرائم کے خلاف کارروائیاں مزید مؤثر بنانے کے عزم کا اعادہ کرتے ہوئے کہا کہ ہمارے شہداء کی لازوال قربانیاں قوم کا سرمایہ ہیں، ان کا خون ہرگز رائیگاں نہیں جائے گا، جبکہ پاکستان کسٹمز ملک کی معاشی سرحدوں کے تحفظ اور اسمگلنگ کے مکمل خاتمے کے لیے پرعزم ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی