ڈینگی پازیٹو، کرونا کا بھی شکار، ایس پی عدیل اکبر کی خود کشی بارے انکوائری جاری
اشاعت کی تاریخ: 24th, October 2025 GMT
ذرائع کے مطابق ایس پی عدیل ڈینگی پازیٹو ہونے کے بعد وقوعہ سے 2 روز قبل کرونا وائرس کا بھی شکار ہوئے، ان کے ساتھ وائرلیس آپریٹر اور ڈرائیور سے الگ الگ پوچھ گچھ جاری ہے۔ ایس پی کے زیر استعمال آئی فون ابھی تک ان لاک بھی نہیں ہو سکا۔ اسلام ٹائمز۔ ایس پی عدیل اکبر کی خود کشی کا معاملہ، معاملے کی تحقیقات کے لیے 3 رکنی کمیٹی کی انکوائری جاری ہے۔ ذرائع کے مطابق ایس پی عدیل ڈینگی پازیٹو ہونے کے بعد وقوعہ سے 2 روز قبل کرونا وائرس کا بھی شکار ہوئے، ان کے ساتھ وائرلیس آپریٹر اور ڈرائیور سے الگ الگ پوچھ گچھ جاری ہے۔ ایس پی کے زیر استعمال آئی فون ابھی تک ان لاک بھی نہیں ہو سکا، ایس پی عدیل اکبر نے گزشتہ دنوں میں 2 مرتبہ ماہر نفسیات سے بھی رجوع کیا۔ 3 رکنی کمیٹی کی سربراہی ڈی آئی جی ہیڈ کوارٹر کر رہے ہیں، ڈی آئی جی آپریشن جواد طارق اور ڈی آئی جی لاء اینڈ آرڈر عتیق طاہر بھی کمیٹی میں شامل ہیں۔ ذرائع نے یہ بھی بتایا ہے کہ ایس پی عدیل اکبر کی چھٹی کی درخواست بھی منظور نہ ہو سکی تھی۔
.ذریعہ: Islam Times
کلیدی لفظ: ایس پی عدیل اکبر
پڑھیں:
اسلام آباد پولیس کے سینیئر افسر نے خودکشی کیوں کی؟
اسلام آباد پولیس کے سینیئر افسر ایس پی انڈسٹریل ایریا عدیل اکبر نے آج شام سرینا چوک کے قریب اپنی ہی پستول سے خود کو گولی مار لی۔
فائر لگنے کے فوراً بعد انہیں تشویشناک حالت میں پمز اسپتال منتقل کیا گیا، جہاں وہ زخموں کی تاب نہ لاتے ہوئے دم توڑ گئے۔
یہ بھی پڑھیں: اسلام آباد پولیس کے سینیئر افسر نے خود کو گولی مار کر اپنی جان لے لی
اسلام آباد پولیس کے ترجمان کے مطابق، ایس پی آئی 9 انڈسٹریل ایریا عدیل اکبر کانسٹی ٹیوشن ایونیو سے اپنے دفتر کی جانب جارہے تھے کہ راستے میں گاڑی کے اندر ہی فائر لگنے سے جاں بحق ہوگئے۔
It’s really hard to explain depression to someone who hasn’t felt it .In Islamabad, SP Adeel Akbar reportedly took his own life. He was serving as SP Industrial in Islamabad and had also worked as an SP in Quetta before. pic.twitter.com/QHRfkNHTjr
— Waseem Khan (@Waseem_Khan1998) October 23, 2025
ترجمان کے مطابق واقعے کی مزید تفتیش جاری ہے۔
ذرائع کے مطابق، وی نیوز نے ایس پی عدیل اکبر کی خودکشی کی وجوہات جاننے کی کوشش کی تو معلوم ہوا کہ وہ گزشتہ چند دنوں سے شدید بیمار تھے اور چھٹی کی درخواست بھی دے رکھی تھی۔
مگر یہ درخواست منظور نہیں کی گئی، علاوہ ازیں، اسلام آباد پولیس کے بعض اعلیٰ افسران کے رویے سے بھی وہ ناخوش تھے۔
مزید پڑھیں: وزیرداخلہ کا پمز اسپتال کا دورہ، زخمی اہلکاروں کی عیادت
ایس پی عدیل اکبر کے قریبی ذرائع نے وی نیوز کو بتایا کہ وہ ڈینگی بخار میں مبتلا تھے اور3 دن سے طبیعت کی خرابی کے باعث چھٹی لینا چاہتے تھے، تاہم اجازت نہ ملنے پر وہ شدید بخار کے باوجود ڈیوٹی انجام دے رہے تھے۔
ذرائع کے مطابق، وہ اعلیٰ حکام کے رویے اور رات گئے تک جاری رہنے والی میٹنگز سے بھی نالاں تھے، جو کبھی رات 12 بجے اور کبھی 2 بجے تک جری رہتی تھی۔
عدیل اکبر نے سی ایس ایس 43 ویں کامن میں امتحان پاس کر کے آفس مینجمنٹ گروپ کا انتخاب کیا، لیکن پولیس سروس کا شوق انہیں دوبارہ امتحان دینے پر لے آیا، انہوں نے 46 ویں کامن میں نمایاں کارکردگی دکھاتے ہوئے پولیس سروس میں شمولیت اختیار کی۔
مزید پڑھیں: پی ٹی آئی احتجاج: مظاہرین کے پتھراؤ سے اسلام آباد پولیس کے آفیسر سمیت 3 اہلکار زخمی
اپنے کیریئر کے دوران وہ ایس پی کوئٹہ، ایس پی زیارت اور ایس پی ژوب کے عہدوں پر خدمات انجام دے چکے تھے۔ رواں سال اگست سے وہ اسلام آباد میں بطور ایس پی انڈسٹریل ایریا تعینات تھے۔
ان کی پروموشن 2 سال قبل ہونا تھی، مگر ان کے خلاف ایک محکمانہ انکوائری 2 سال تک زیرِ التوا رہی، بعد ازاں انکوائری میں وہ بے قصور قرار پائے۔
عدیل اکبر نے امریکا میں ماسٹرز کے لیے اسکالرشپ کے لیے درخواست دے رکھی تھی اور آج ہی ان کی اسکالرشپ کی منظوری کا خط بھی موصول ہوا تھا۔ عدیل اکبر کا تعلق گوجرانوالہ سے تھا، وہ شادی شدہ تھے اور ان کی 2 سالہ بیٹی بھی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آفس مینجمنٹ گروپ آئی 9 اسلام آباد پولیس امریکا انڈسٹریل ایریا ایس پی عدیل اکبر کانسٹی ٹیوشن ایونیو
ویرات کوہلی کا آٹوگراف ملنے کے بعد کم عمر مداح خوشی سے نہال