پی سی بی نے ارادہ بدل دیا، قومی کرکٹرز کو بگ بیش لیگ کھیلنے کی اجازت
اشاعت کی تاریخ: 25th, October 2025 GMT
جن کرکٹرز کو این او سی جاری ہو چکے ہیں انہیں بی بی ایل کھیلنے کی اجازت ہوگی
بابر اعظم ، شاہین آفریدی اور حارث رئوف کے بی بی ایل میں معاہدے ہیں
پاکستان کرکٹ بورڈ (پی سی بی) نے قومی کرکٹرز کو آسٹریلیا کی بگ بیش لیگ کھیلنے اجازت دے دی۔ ذرائع کا کہنا ہے کہ قومی کرکٹرز اور کرکٹ آسٹریلیا کو اس حوالے سے مطلع کر دیا گیا ہے کہ جن کرکٹرز کو این او سی جاری ہو چکے ہیں انہیں بی بی ایل کھیلنے کی اجازت ہو گی۔ پی سی بی نے چند ہفتے قبل لیگز کے لیے کھلاڑیوں کے این او سی ہولڈ کرنے کا اعلان کیا تھا، 7 قومی کھلاڑیوں کے بگ بیش لیگ کے لیے معاہدے ہیں۔ذرائع کے مطابق کھلاڑیوں کو پہلے سے معاہدوں اور جاری این او سی کی وجہ سے یہ فیصلہ کیا گیا ہے۔ بابر اعظم ، شاہین آفریدی اور حارث روف کے بی بی ایل میں معاہدے ہیں اور ان کے علاوہ شاداب خان ، محمد رضوان ، حسن علی اور حسان خان کے بھی معاہدے ہیں۔واضح رہے کہ بگ بیش لیگ کی ٹیمیں پاکستانی کرکٹرز کے لیے منتظر ہیں اور لیگ کی ٹیموں نے ہوم گراو?نڈز پر پاکستان کے کرکٹرز کے ناموں پر فین زونز بھی بنائے ہیں۔علم میں رہے کہ پاکستان کرکٹ بورڈ (پی سی بی) نے قومی کرکٹرز کو جاری کیے گئے غیر ملکی لیگز کے این او سی فوری طور پر معطل کرتے ہوئے آئندہ کارکردگی کی بنیاد پر این او سی جاری کرنے کا فیصلہ کیا تھا۔ اس حوالے سے ذرائع کا بتانا تھا کہ پی سی بی نے اصولی فیصلہ کیا تھا کہ مستقبل میں این او سی صرف انہی کرکٹرز کو دیے جائیں گے جو بین الاقوامی اور ڈومیسٹک کرکٹ میں کارکردگی کے معیار پر پورا اتریں گے۔
.ذریعہ: Juraat
کلیدی لفظ: قومی کرکٹرز معاہدے ہیں بگ بیش لیگ کرکٹرز کو بی بی ایل پی سی بی
پڑھیں:
قومی اسمبلی کے 19ویں اجلاس کی حاضری رپورٹ جاری، 25 فیصد ارکان نے کسی نشست میں شرکت نہیں کی: فافن
فری اینڈ فیئر الیکشن نیٹ ورک (فافن) کی رپورٹ کے مطابق، قومی اسمبلی کے 25 فیصد ارکان نے 19ویں اجلاس کی کسی بھی نشست میں شرکت نہیں کی۔
رپورٹ میں کہا گیا ہے کہ 111 ارکان نے تمام نشستوں میں شرکت کی، جبکہ 216 ارکان نے کم از کم ایک نشست سے غیر حاضری اختیار کی۔ ان میں سے صرف 50 ارکان نے رخصت کی درخواست دی، جب کہ 166 بغیر اجازت غیر حاضر رہے۔
رپورٹ کے مطابق وزیرِ اعظم نے کسی نشست میں شرکت نہیں کی اور اپوزیشن لیڈر کا عہدہ اجلاس کے دوران خالی رہا۔
مزید پڑھیں:پی پی 52 سیالکوٹ میں ضمنی انتخاب کیسا رہا؟فافن نے رپورٹ جاری کردی
فافن کا کہنا ہے کہ چار وفاقی وزراء اور ایک وزیرِ مملکت نے مکمل حاضری دی، جبکہ 10 وفاقی وزراء اور 5 وزرائے مملکت کسی نشست میں شریک نہیں ہوئے۔ سیلاب کی صورتحال پر بحث کے دوران ارکان کی حاضری افسوسناک حد تک کم رہی۔
خواتین ارکان کی حاضری مرد ارکان سے بہتر رہی، 35 خواتین نے تمام نشستوں میں شرکت کی، جبکہ 12 خواتین اور 70 مرد ارکان کسی نشست میں شریک نہیں ہوئے۔
اسلام آباد کے تمام ارکان نے نصف سے زیادہ نشستوں میں شرکت کی۔ خیبر پختونخوا کے 30، پنجاب کے 56، بلوچستان کے 9 اور سندھ کے 14 ارکان نے مکمل حاضری دی۔
مزید پڑھیں: الیکشن 2024: فافن کی تہلکہ خیز رپورٹ منظر عام پر آگئی
سیاسی لحاظ سے، سنی اتحاد کونسل، مسلم لیگ (ن) اور جمعیت علمائے اسلام کے اکثر ارکان نے ایک سے زائد نشستوں میں شرکت کی، جبکہ مجلس وحدت المسلمین اور نیشنل پارٹی کے واحد ارکان نے مکمل حاضری دی۔
پی کے میپ کا واحد رکن کسی نشست میں شریک نہیں ہوا۔ فافن کے مطابق، وزراء کی غیر حاضری قومی ذمہ داریوں سے عدم دلچسپی کو ظاہر کرتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
19ویں اجلاس فافن فری اینڈ فیئر الیکشن نیٹ ورک قومی اسمبلی
پیپلز پارٹی کی وفاقی حکومت کو تحفظات دورکرنے کےلئے ایک ماہ کی مہلت