کوئٹہ میں دلخراش واقعہ، ہاتھ پاوٴں باندھ کر چوکیدار اور اس کے دوست کو ذبح کر دیا گیا
اشاعت کی تاریخ: 25th, October 2025 GMT
کوئٹہ میں سریاب لنک شاہوانی روڈ پر دلخراش واقعہ پیش آیا جہاں مسلح ملزمان نے چوکیدار اور اس کے دوست کے ہاتھ پاوٴں باندھ کر ذبح کر دیا۔
کوئٹہ پولیس نے بتایا کہ 22 سالہ ضیاء الرحمن اور اس کے دوست شاہد گل کی لاشیں قانونی کارروائی کے سول اسپتال منتقل کردی گئیں، مقتول ضیاء الرحمن لورالائی اور دوست شاہد گل لکی مروت کے رہائشی تھے۔
پولیس حکام کے مطابق مقتول ضیاء الرحمن پلاسٹک کے گودام میں چوکیدار تھا۔
.ذریعہ: Express News
پڑھیں:
مصافحے کے بعد مداح کا ’پاکستان زندہ باد‘ کا نعرہ، شبمن گل ہکا بکا رہ گئے
آسٹریلیا میں بھارتی کرکٹ ٹیم کے کپتان شبمن گل سے ایک مداح نے مصافحہ کرنے کے فوراً بعد بلند آواز میں ’پاکستان زندہ باد‘ کا نعرہ لگا دیا۔
یہ واقعہ سوشل میڈیا پر تیزی سے وائرل ہو گیا اور شائقین کے درمیان دلچسپ بحث کا باعث بن گیا۔
بھارتی میڈیا کے مطابق یہ واقعہ اُس وقت پیش آیا جب بھارتی ٹیم آسٹریلیا کے خلاف تین ایک روزہ میچوں کی سیریز کھیلنے کے لیے موجود ہے، پرتھ میں پہلا میچ ہارنے کے بعد ٹیم دوسرے ون ڈے کی تیاریوں میں مصروف ہے، شبمن گل اس سیریز میں ٹیم کی قیادت کر رہے ہیں، وہ ایڈیلیڈ میں سیر کر رہے تھے کہ ایک مداح نے ان کے قریب آ کر مصافحہ کی خواہش ظاہر کی۔
شبمن گل نے ہاتھ بڑھایا، لیکن جیسے ہی دونوں نے ہاتھ ملائے مداح نے اچانک پاکستان زندہ باد کا نعرہ لگا دیا، یہ غیر متوقع عمل دیکھ کر بھارتی کپتان لمحہ بھر کے لیے چونک گئے اور فوراً اپنا ہاتھ پیچھے کھینچ لیا اور کوئی ردِعمل دیے بغیر وہاں سے گزر گئے۔
واقعے کی ویڈیو چند ہی گھنٹوں میں سوشل میڈیا پر وائرل ہو گئی، جہاں صارفین اسے ایشیا کپ میں بھارت کی جانب سے پاکستان کے کھلاڑیوں سے ہینڈ شیک سے انکار کے جواب یا ریوینج موومنٹ کے طور پر دیکھ رہے ہیں۔
کئی صارفین نے اسے مزاحیہ انداز میں پاکستانی فین کی چالاک جوابی کارروائی قرار دیا، جب کہ بعض بھارتی مداحوں نے اسے غیر اخلاقی حرکت کہا۔
واضح رہے کہ ایشیا کپ کے دوران بھارت اور پاکستان کے درمیان میچ کے بعد بھارتی کھلاڑیوں کی جانب سے پاکستانی پلیئرز سے ہاتھ نہ ملانے پر تنقید ہوئی تھی۔
ٹرمپ کی سخت گیر پالیسیوں کے خلاف امریکا کے 2700 سے زائد مقامات پر احتجاجی مظاہرے