آصف زرداری کی منظوری سے آزاد کشمیر میں ان ہاؤس تبدیلی کا فیصلہ
اشاعت کی تاریخ: 25th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد :وفاقی دارالحکومت ایوانِ صدر میں ہونے والے ایک اہم اجلاس کے دوران صدرِ پاکستان اور پیپلز پارٹی کے شریک چیئرمین آصف علی زرداری نے آزاد کشمیر میں ان ہاؤس تبدیلی اور تحریکِ عدم اعتماد کی باضابطہ منظوری دے دی ہے۔
ذرائع کے مطابق پیپلز پارٹی نے خطے میں اپنی حکومت بنانے کا حتمی فیصلہ کرلیا ہے، ایوانِ صدر میں ہونے والے اجلاس میں چیئرمین بلاول بھٹو زرداری، چوہدری یاسین، لطیف اکبر، سردار یعقوب سمیت آزاد کشمیر پیپلز پارٹی کے دیگر پارلیمانی رہنما شریک ہوئے۔
اجلاس کے پہلے سیشن کی صدارت بلاول زرداری نے کی جبکہ دوسرا سیشن صدر آصف زرداری کی زیر صدارت ہوا، جس میں آزاد کشمیر کے وزیراعظم انوارالحق کو عہدے سے ہٹانے اور نئی حکومت کے قیام کی حکمتِ عملی پر تفصیلی مشاورت کی گئی۔
ذرائع کے مطابق صدرمملکت نے پارٹی قیادت کو مکمل اختیار دیتے ہوئے کہا کہ آزاد کشمیر میں تبدیلی کا وقت آ چکا ہے، پیپلز پارٹی عوامی نمائندگی کا حق ادا کرے گی، پارٹی کو حکومت سازی کے لیے تمام آئینی اور پارلیمانی راستے اختیار کرنے چاہئیں۔
اجلاس کے بعد میڈیا سے گفتگو میں پیپلز پارٹی آزاد کشمیر کے رہنما چوہدری یاسین نے تصدیق کی کہ “پارٹی نے حکومت بنانے کا فیصلہ کرلیا ہے، نئے وزیراعظم کا اعلان بلاول بھٹو زرداری پیر کے روز کریں گے۔
ذرائع کے مطابق وزارتِ عظمیٰ کے لیے تین نام چوہدری یاسین، لطیف اکبر اور سردار یعقوب پر غور کیا جا رہا ہے جبکہ پارٹی ارکان کے مطابق اگر موجودہ وزیراعظم انوارالحق مستعفی نہ ہوئے تو تحریکِ عدم اعتماد کے لیے مطلوبہ اکثریت پیپلز پارٹی کے پاس موجود ہے۔
پارٹی ذرائع کا کہنا ہے کہ آزاد کشمیر میں متوقع سیاسی تبدیلی خطے کی سیاست میں نئی صف بندی کی بنیاد بن سکتی ہے جبکہ پیپلز پارٹی کی قیادت نے ارکان کو ہدایت دی ہے کہ وہ آئندہ دنوں میں ہونے والی پارلیمانی کارروائی کے لیے مکمل یکجہتی اور اتحاد برقرار رکھیں۔
ذریعہ
ذریعہ: Jasarat News
کلیدی لفظ: پیپلز پارٹی کے مطابق کے لیے
پڑھیں:
طلبہ اور بے روزگار نوجوانوں کو 50ہزار ای بائیکس ،5 ہزار ای ٹیکسیاں بلاسود دینے کا فیصلہ
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے طلبہ اور بے روزگار نوجوانوں کے لیے ایک اہم اقدام کرتے ہوئے آئندہ مالی سال میں 50ہزار الیکٹرک بائیکس اور 5 ہزار الیکٹرک ٹیکسیاں بلاسود فراہم کرنے کا فیصلہ کیا ہے۔حکومتی ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔ اس اقدام کا مقصد نوجوانوں کو سستی اور ماحول دوست سفری سہولت فراہم کرنے کے ساتھ ساتھ روزگار کے نئے مواقع پیدا کرنا ہے۔وزیر ٹرانسپورٹ پنجاب بلال اکبر خان کے مطابق ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت فراہم کی جائے گی جبکہ رجسٹریشن سمیت مختلف مراعات بھی دی جائیں گی۔(جاری ہے)
انہوں نے کہا کہ حکومت نوجوانوں کو بااختیار بنانے اور انہیں معاشی سرگرمیوں میں شامل کرنے کے لیے عملی اقدامات کر رہی ہے۔
بلال اکبر خان کا کہنا تھا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ سے ماحولیاتی آلودگی میں کمی لانے میں بھی مدد ملے گی۔حکومت کی جانب سے اس اسکیم کی مزید تفصیلات اور اہلیت کے معیار آئندہ بجٹ اور پالیسی دستاویزات میں جاری کیے جانے کا امکان ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ