بھارت میں فضائی سفر مفلوج، انڈیگو کی ہزاروں پروازوں کی منسوخی سے افراتفری
اشاعت کی تاریخ: 6th, December 2025 GMT
بھارت میں انڈیگو ایئرلائن کا بحران مزید گہرا ہو گیا ہے، جس کے باعث سینکڑوں پروازوں کی منسوخی نے ملک بھر میں فضائی سفر کو شدید متاثر کیا ہے۔
ہفتے کے روز حکومت نے ایئر ٹکٹوں کے کرایوں پر پابندی عائد کر دی، جب کہ بنگلورو اور ممبئی کے ایئرپورٹس کے باہر بڑی تعداد میں مسافر جمع رہے جو اپنی منسوخ شدہ پروازوں کے سبب پریشانی کا شکار تھے۔
انڈیگو کی جانب سے صرف ہفتے کو ہی 385 پروازیں منسوخ کی گئیں، جبکہ مجموعی طور پر 5 روز سے جاری افراتفری نے ایئر ٹریول کو تقریباً مفلوج کر دیا ہے۔
Govt finally caps fares after airlines treated cancelled flights like a flash sale on misery.
Reactive much?
All citizens ask for are — reliable schedules, honest comms, time-bound refunds & no “5x surge pricing” for oxygen aka tickets. #AviationChaos #IndiGo pic.twitter.com/o6bKko4S5u
— Jameel Aahmed Milansaar (@wwwjameel) December 6, 2025
ایئرلائن نے اس ہفتے ہزاروں پروازیں منسوخ کی ہیں۔ بحران کی بنیادی وجہ پائلٹس کی شدید کمی ہے، جو کمپنی کی ناقص منصوبہ بندی کے باعث پیدا ہوئی۔
یکم نومبر سے نافذ ہونے والے نئے قواعد کے تحت پائلٹس کی ڈیوٹی اوقات، رات کی پروازوں کی حد اور ہفتہ وار آرام کے اوقات میں تبدیلیاں کی گئی تھیں۔
مزید پڑھیں: افغان ایئرلائن کی غلط لینڈنگ، دہلی ایئرپورٹ بڑی تباہی سے بچ گیا
لیکن انڈیگو ان تبدیلیوں کے مطابق اپنی روٹس اور شیڈول کو بروقت منظم کرنے میں ناکام رہی۔ اس کمی نے چند ہی دنوں میں پورے فضائی نظام کو متاثر کر دیا۔
حکومت نے جمعے کے روز انڈیگو کے لیے خصوصی ریلیف کا اعلان کیا، اس میں نئے قواعد پر وقتی نرمی دینے کے ساتھ ساتھ مسافروں کی سہولت کے لیے اضافی ٹرینیں چلانے کا فیصلہ بھی شامل تھا، تاکہ مختلف شہروں میں پھنسے مسافروں کا دباؤ کچھ کم کیا جا سکے۔
تاہم، بحران کی شدت کا اندازہ اس بات سے لگایا جا سکتا ہے کہ دہلی ایئرپورٹ کے مطابق اگرچہ کچھ پروازیں بحال ہو رہی ہیں، لیکن دیگر بڑے شہروں میں اب بھی بڑی تعداد میں منسوخیاں جاری ہیں۔
اس غیر معمولی صورتِ حال کا ایک بڑا اثر دیگر ایئرلائنز کے کرایوں پر بھی پڑا، انڈیگو کی پروازوں کی منسوخی کے بعد دیگر کمپنیاں مقبول روٹس پر زائد کرایے وصول کرنے لگیں، جس پر حکومت کو مداخلت کرنا پڑی اور فضائی کرایوں پر حد مقرر کرنے کا اعلان کرنا پڑا۔
مزید پڑھیں: دبئی ایئر شو : نااہل بھارتی فضائیہ نے دنیا کے سب سے بڑے فضائی ایونٹ کو بدنما داغ دے دیا
وزارتِ شہری ہوابازی کے مطابق وہ مسلسل ریئل ٹائم ڈیٹا کے ذریعے کرایوں کی نگرانی کرے گی، تاکہ کسی قسم کی بے قاعدگی نہ ہونے پائے۔
یہ بحران انڈیگو کی 20 سالہ تاریخ کا سب سے بڑا جھٹکا ثابت ہو رہا ہے۔ تقریباً 60 فیصد سے زائد مارکیٹ شیئر رکھنے والی یہ ایئرلائن کم کرایوں اور وقت کی پابندی کے باعث بھارت میں سب سے مقبول تھی۔
جمعے کے روز کمپنی نے 1,000 سے زیادہ پروازیں منسوخ کیں، جبکہ حکومت کی جانب سے وقتی رعایت ملنے کے بعد امید ظاہر کی جا رہی ہے کہ 10 سے 15 دسمبر کے دوران معمول کے فلائٹ آپریشن بحال کیے جا سکیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیگو ایئرلائن بھارت پرواز ٹرینیں دہلی ایئرپورٹ روٹس ریئل ٹائم ڈیٹا کرایے وزارتِ شہری ہوابازیذریعہ: WE News
کلیدی لفظ: انڈیگو ایئرلائن بھارت پرواز دہلی ایئرپورٹ روٹس ریئل ٹائم ڈیٹا کرایے وزارت شہری ہوابازی پروازوں کی انڈیگو کی
پڑھیں:
ذہنی مفلوج اقتدار میں آنے کیلئے طالبان اور بھارت کی سپورٹ حاصل کر رہا ہے: عظمیٰ بخاری
عظمیٰ بخاری---فائل فوٹووزیرِ اطلات و ثقافت پنجاب عظمٰی بخاری نے کہا ہے کہ ذہنی مفلوج اقتدار میں آنے کے لیے طالبان اور بھارت کی سپورٹ حاصل کر رہا ہے۔
عظمٰی بخاری نے اپنے بیان میں کہا ہے کہ ترجمان پاک فوج نے ذہنی مریض بانی پی ٹی آئی کا ملک دشمن ایجنڈا بے نقاب کر دیا ہے، پاکستان مخالف بیانیے کی چال چلنے والے ذہنی مریض کو قوم نے پہچان لیا ہے۔
عظمیٰ بخاری کا کہنا ہے کہ بنیان مرصوص کے سپہ سلار پر فضول گوئی دراصل بانیٔ پی ٹی آئی کے ذہنی مفلوج ہونے کا ثبوت ہے۔
وفاقی وزیر اطلاعات و نشریات عطا تارڑ نے بانی پی ٹی آئی کو پاکستانی سالمیت کے لیے خطرہ قرار دیا ہے۔
انہوں نے مزید کہا کہ پاکستان کے خلاف کام کرنے والے چند چہرے ریاستی استحکام کے لیے خطرہ ہیں، دشمن ایجنڈے پر چلنے والوں کو جان لینا چاہیے کہ ریاست ان کی ہر سازش ناکام بنائے گی۔
عظمٰی بخاری نے یہ بھی کہا کہ ریاستی اداروں پر حملہ، شہداء کی توہین اور افواج کے خلاف بیانیہ سب دشمن کا ایجنڈا ہے۔
اسلام آباد پولیس کا منشیات فروشوں کے خلاف کریک ڈاؤن، 72 ملزمان گرفتار