ایم ڈبلیو ایم کراچی کا شوریٰ اجلاس، رکنیت سازی مہم شروع کرنے کا اعلان
اشاعت کی تاریخ: 14th, December 2025 GMT
اجلاس میں فیصلہ کیا گیا کہ یونٹ اور سیکٹر سطح پر رابطہ مہم کو تیز کیا جائے گا تاکہ کارکنان اور عوام کے ساتھ روابط مزید مستحکم ہوں، اجلاس میں تمام ذمہ داران کو ہدایت کی گئی کہ وہ اپنی ذمہ داریوں کو احسن طریقے سے انجام دیں اور باہمی تعاون کے ذریعے تنظیمی سرگرمیوں کو مزید فعال بنائیں۔ اسلام ٹائمز۔ مجلسِ وحدتِ مسلمین پاکستان صوبہ سندھ کراچی ڈویژن کا ڈویژنل شوریٰ اجلاس ایم ڈبلیو ایم کے صوبائی سیکرٹریٹ سندھ میں منعقد ہوا۔ اجلاس کی صدارت مرکزی وائس چیئرمین علامہ احمد اقبال رضوی نے کی، اجلاس میں مرکزی سیکرٹری سیاسیات اسد نقوی، مرکزی جنرل سیکرٹری وحدت یوتھ حسن رضا، کراچی ڈویژنل کابینہ کے اراکین، ضلعی صدور اور نو منتخب ٹاؤن آرگنائزرز نے شرکت کی۔ اجلاس میں تنظیمی امور اور موجودہ سیاسی و سماجی صورتحال پر تفصیلی تبادلہ خیال کیا گیا۔ شرکاء سے خطاب کرتے ہوئے قیادت نے تنظیمی ڈھانچے کو مزید مؤثر اور مضبوط بنانے پر زور دیا۔
اجلاس میں فیصلہ کیا گیا کہ یونٹ اور سیکٹر سطح پر رابطہ مہم کو تیز کیا جائے گا تاکہ کارکنان اور عوام کے ساتھ روابط مزید مستحکم ہوں، اجلاس میں تمام ذمہ داران کو ہدایت کی گئی کہ وہ اپنی ذمہ داریوں کو احسن طریقے سے انجام دیں اور باہمی تعاون کے ذریعے تنظیمی سرگرمیوں کو مزید فعال بنائیں۔ اس موقع پر یہ بھی طے پایا کہ آئندہ بیس دنوں کے اندر رکنیت سازی مہم مکمل کی جائے گی اور اس کی رپورٹ متعلقہ تنظیمی سطح پر جمع کروائی جائے گی۔ آخر میں عوامی مسائل کے مؤثر حل کے لیے عملی اقدامات، تنظیمی نظم و ضبط اور باہمی اتحاد کو برقرار رکھنے پر خصوصی زور دیا گیا۔
ذریعہ
ذریعہ: Islam Times
کلیدی لفظ: اجلاس میں
پڑھیں:
کراچی میں شہریوں کی رہنمائی کیلیے روڈ سیفٹی آفیسر یونٹ قائم کرنے کرنا کا فیصلہ
ٹریفک پولیس کی جانب سے شہریوں کے لیے ’’روڈ سیفٹی آفیسر یونٹ‘‘ کے قیام کا فیصلہ کیا گیا ہے۔
تفصیلات کے مطابق ٹریفک پولیس نے شہریوں کو بہتر سہولیات کی فراہمی، روڈ سیفٹی کے فروغ اور عوام دوست پولیسنگ کے وژن کو مزید مؤثر بنانے کے لیے "روڈ سیفٹی آفیسر یونٹ" قائم کرنے کا فیصلہ کیا ہے۔
روڈ سیفٹی آفیسرز شہر کی اہم اور مصروف شاہراہوں بشمول شاہراہ فیصل ، ماڑی پور روڈ ، کورنگی روڈ اور شاہراہ لیاقت پر تعینات کیے جائیں گے جہاں وہ ٹریفک کی روانی کو بہتر بنانے، شہریوں کو متبادل راستوں اور سفری سہولیات سے متعلق معلومات فراہم کرنے اور بروقت مدد کے فرائض انجام دیں گے۔
ترجمان کے مطابق یونٹ کے قیام سے شہریوں کو محفوظ سفری ماحول میں رہنمائی ملے گی ، یہ یونٹ شہریوں اور ٹریفک پولیس کے درمیان رابطے کو مضبوط بنانے کے ساتھ ساتھ دوران سفر پیش آنے والی مشکلات کے فوری حل اور مؤثر رہنمائی میں اہم کردار ادا کریگا۔
یونٹ کا مقصد ٹریفک قوانین ، روڈ سیفٹی اقدامات اور ذمہ دارانہ طرز ڈرائیونگ کے حوالے سے عوامی شعور اجاگر اور اس میں مزید اضافہ کرنا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ