ریڈیو پاکستان ڈیرہ کی چوالیسویں سالگرہ کی تقریب،جسٹس(ر)محمد دائود خان کی شرکت
اشاعت کی تاریخ: 16th, January 2025 GMT
ریڈیو پاکستان ڈیرہ کی چوالیسویں سالگرہ کی تقریب،جسٹس(ر)محمد دائود خان کی شرکت WhatsAppFacebookTwitter 0 16 January, 2025 سب نیوز
ڈیرہ اسماعیل خان (محمد ریحان )ریڈیو پاکستان ڈیرہ کی چوالیسویں سالگرہ ریڈیو اسٹیشن کے سبزہ زار میں سادگی مگر پروقار طریقے سے منائی گئی جس میں جسٹس(ر)محمد دائود خان مہمان خصوصی تھے جب کہ ارباب دانش فورم کے سرپرست گلزار احمد ،صدر ابوالمعظم ترابی ،نائب صدر محمد بشیر سیماب،عطا الاکبر، قاضی مظفر،سید نجف علی شاہ ،علی جان، نجم سعید، اسد مختار، فرح نورین، محمد علی قیصر سمیت دیگر حاضر سروس و ریٹائرڈ ملازمین اور دور و نزدیک سے تشریف لانے والے سامعین بھی شریک ہوئے۔
مہمان خصوصی محمد دائود خان نے خطاب کرتے ہوئے کہا کہ ریڈیو ڈیرہ نے اہل ڈیرہ و ہمسایہ اضلاع کے عوام کو شعور بخشا اور زندگی بسر کرنے کے علوم سے نوازا، مختلف شعبہ ہائے حیات کے افراد کو آگاہی دی، دامان سمیت دیہی علاقوں کے لوگوں میں مقبولیت حاصل کی،ایس ڈی محمد نجم الحسن نے کہا کہ ہمارا عملہ وسائل و افرادی قوت کی کمی اور درپیش مشکلات کے باوجود بہتر طور پر خدمات سرانجام دے رہا ہے جو خراج تحسین کا مستحق ہے،انہوں نے کہا کہ سامعین بھی ہمارا اثاثہ اور ان کی محبتیں ہمارے حوصلے بڑھاتی ہیں،یہی وجہ ہے کہ ہر سال سالگرہ کے دن دوردراز علاقوں سے مبارک باد پیش کرنے کے لیے سامعین تشریف لاتے ہیں اور آج بھی آئے ہوئے ہیں،ہم تجدید عہد کرتے ہیں کہ مزید بہتری کے لیے اپنا کردار ادا کریں گے۔
پروگرام منیجر ہمایوں مندوخیل نے شرکا کو خوش آمدید کہتے ہوئے کہا کہ ہمیں مختلف چیلنجز کا سامنا ہے.
جو مقام مسرت ہے.شرکائے تقریب نے ریڈیو کے عملے کو مبارک باد دی. اس موقع پر کیک کاٹا گیا اور مہمانوں کی تواضع کی گئی،اسٹیشن ڈائریکٹر صاحب ذادہ محمد نجم الحسن اور پروگرام منیجر ہمایوں مندوخیل نے شرکا کا شکریہ ادا کیا.ارباب دانش فورم نے اپنی طرف سے سال گرہ کیک اور آنے والے سامعین نے بھی مٹھائی پیش کی.گلوکار شہزاد اقبال نے نغمے پیش کیے اور عبدالشکور نے مرحوم شاعر فاروق روکھڑی کا کلام مترنم آواز میں سنایا. نقابت کے فرائض اعجاز قریشی نے سرانجام دیے۔
ذریعہ: Daily Sub News
پڑھیں:
پاک فوج کے زیر اہتمام بنوں اسپورٹس کمپلیکس میں پینٹنگ اور آرٹس ایونٹ کا انعقاد
پاک فوج کے زیر اہتمام بنوں اسپورٹس کمپلیکس میں پینٹنگ اور آرٹس ایونٹ کا کامیاب انعقاد کیا گیا۔
تقریب میں مختلف اسکولز اور کالجز کے 150 سے زائد طلبہ و طالبات نے شرکت کی اور اپنی تخلیقی صلاحیتوں کا شاندار مظاہرہ کیا۔
رنگا رنگ تقریب میں پاک فوج کے مقامی افسران، ضلعی انتظامیہ کے نمائندوں اور شہریوں کی بڑی تعداد نے شرکت کی۔ طلبہ نے اپنی خوبصورت پینٹنگز، دلکش فن پاروں اور تخلیقی آئیڈیاز کے ذریعے حاضرین کے دل جیت لیے۔
مہمانِ خصوصی نے ایونٹ میں نمایاں کارکردگی دکھانے والے طلبہ میں انعامات تقسیم کیے اور ان کی صلاحیتوں کو سراہا۔ اس موقع پر کہا گیا کہ بنوں کے باصلاحیت نوجوان ملک کا قیمتی سرمایہ ہیں، ان کے فن پارے اس بات کا ثبوت ہیں کہ وہ قابلیت میں کسی سے کم نہیں۔
ایونٹ کے اختتام پر بنوں کے عوام نے تقریب کے کامیاب انعقاد پر پاک فوج کا شکریہ ادا کیا اور کہا کہ ایسے پروگرام نہ صرف نوجوانوں کے ٹیلنٹ کو اُجاگر کرتے ہیں بلکہ علاقے میں امن، ہم آہنگی اور مثبت سرگرمیوں کے فروغ کا ذریعہ بھی بنتے ہیں۔
محرابپور،صحافی امتیاز میر کے قتل ،کاشف کمبوہ پر جھوٹے مقدمے کیخلاف احتجاج