بلوچستان اسمبلی :کم عمری میں شادیوں کی ممانعت کا بل منظور
اشاعت کی تاریخ: 15th, November 2025 GMT
data-id="863a0a8" data-element_type="widget" data-widget_type="theme-post-content.default">
251115-08-3
کوئٹہ(نمائندہ جسارت) بلوچستان اسمبلی نے کم عمری میں شادیوں کی ممانعت کا بل منظورکرلیا۔بل کے مطابق 18 سال سے کم عمرکی شادی کا معاہدہ کرنے والے مرد کو سزا دی جائے گی، یہ سزا 3 سال تک ہوسکتی ہے جبکہ یہ سزا 2 سال سے کم نہیں ہوگی۔بل کے متن کے مطابق سزا کے ساتھ 2 لاکھ روپے تک جرمانہ ہوگا جو ایک لاکھ روپے سے کم نہیں ہوگا، جرمانہ ادا نہ کرنے والے کو مزید 3 ماہ کی سزا بھگتنی ہوگی۔بل کے مطابق کم عمری کی شادی کرانے والے، اس کی ترویج اور حوصلہ افزائی کرنے والے کوبھی سزا ملے گی۔بل کے مطابق نکاح خواں، نکاح رجسٹرار اور یونین کونسل کا سیکرٹری دونوں فریقین کے کمپیوٹرائز شناختی کارڈ رکھنے کے پابند ہوں گے، کوتاہی یا غفلت پر ایک سال سزا اور جرمانہ بھی عائد ہوگا۔
ذریعہ: Jasarat News
کلیدی لفظ: کے مطابق
پڑھیں:
ہانگ کانگ سے اسمگل کی جانے والی 79 کلو چاندی ضبط
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) پاکستان کسٹمز نے جناح انٹرنیشنل ائرپورٹ پر ایک اہم کارروائی کے دوران چاندی اسمگلنگ کی بڑی کوشش ناکام بنادی۔ کسٹمز انٹیلی جنس یونٹ نے ہانگ کانگ سے آنے والے تین مشتبہ پارسلز کی جانچ پڑتال کے دوران مجموعی طور پر 79.18 کلوگرام خالص چاندی برآمد کرلی جس کی بازاری مالیت تقریباً 6 کروڑ 69 لاکھ روپے بتائی جا رہی ہے۔ کارروائی ائر فریٹ یونٹ (AFU) میں اس وقت کی گئی جب ہانگ کانگ سے آنے والے تین پارسلز کو فیشن جیولری کے طور پر ظاہر کر کے راولپنڈی بھیجا جا رہا تھا۔ مشکوک قرار دیے جانے پر پارسلز کو اسکین کیا گیا جہاں غیر معمولی دھات کے آثار ملنے پر انہیں کھولا گیا تو اندر سے بھاری مقدار میں چاندی کی ڈلیاں برآمد ہوئیں۔ ابتدائی تفتیش کے مطابق مذکورہ پارسلز ایک بین الاقوامی کوریئر سروس کے ذریعے بھیجے گئے تھے اور دستاویزی طور پر انہیں زیورات کے سیمپل ظاہر کیا گیا تھا تاہم کسٹمز انٹیلی جنس کو شبہ تھا کہ ان پارسلز میں قیمتی دھات کی غیر قانونی ترسیل کی جا رہی ہے جس پر خصوصی نگرانی کی گئی۔ کسٹمز ذرائع کے مطابق برآمد کی گئی چاندی کو تحویل میں لے لیا گیا ہے جبکہ بھیجنے اور وصول کرنے والے فریقین کے ٹریڈ لائسنس اور بینک ریکارڈ کی جانچ کا عمل جاری ہے۔ ابتدائی معلومات کے مطابق راولپنڈی میں ایک مقامی تجارتی کمپنی کے نام پر پارسلز وصول کیے جانے تھے۔ تحقیقات کرنے والے افسر کے مطابق یہ امکان رد نہیں کیا جا سکتا کہ بین الاقوامی اسمگلنگ نیٹ ورک پاکستانی مارکیٹ میں قیمتی دھاتوں کی غیر قانونی ترسیل کے لیے ایکسپورٹ اینڈ امپورٹ کمپنیوں کو بطور کور استعمال کر رہا ہو۔
اسلام آباد ہائی کورٹ کی خاتون جج جسٹس ثمن رفعت کیخلاف توہین عدالت درخواست خارج