شافع حسین کی زیر صدارت پرائس کنٹرول کونسل کا اجلاس ،اشیا ضروریہ کی قیمتوں ،دستیابی کا جائزہ
اشاعت کی تاریخ: 2nd, March 2025 GMT
لاہور ( این این آئی)صوبائی وزیر صنعت و تجارت چوہدری شافع حسین کی زیر صدارت پرائس کنٹرول کونسل کا اجلاس ہوا ۔محکمہ صنعت و تجارت کے کمیٹی روم میں منعقدہ اجلاس میں یک نکاتی ایجنڈے پر غور کیا گیا ۔اجلاس میں چکن کی قیمتوں کے تعین کے میکانزم کی منظوری دی گئی ۔ اشیا ضروریہ کی قیمتوں ،دستیابی اور مانیٹرنگ کے عمل کا جائزہ لیا گیا ۔پرائس کنٹرول کونسل نے اشیا ضروریہ کی قیمتوں میں استحکام پر اطمینان کا اظہار کیا تاہم چکن کی قیمتوں میں کمی لانے کیلئے موثر اقدامات کی ضرورت پر زور دیا گیا ۔صوبائی وزیر صنعت و تجارت چوہدری شافع حسین نے اجلاس سے خطاب کرتے ہوئے کہا کہ پرائس کنٹرول کونسل مانیٹرنگ ، کوآرڈینیٹشن اور پالیسی سازی کا کردار جاری رکھے گی۔ صوبائی وزیر نے ہدایت کی کہ پرائس کنٹرول کمیٹیوں کے اجلاس کے باقاعدگی سے انعقاد کو یقینی بنایا جائے اور اشیا ضروریہ کی مارکیٹوں میں دستیابی پر نظر رکھی جائے ،ناجائز منافع خوروں اور ذخیرہ اندوزوں کے خلاف کاروائیاں تیز کی جائیں ۔صوبائی وزیر نے کہا کہ ماڈل بازاروں میں اشیا ضروریہ کی قیمتوں کے میکانزم کو بھی چیک کرنے کی ضرورت ہے ۔انہوں نے کہا کہ عوام کو معیاری اشیا ضروریہ کی مقررہ نرخوں پر فراہمی یقینی بنائی جائے اور عوام کو ریلیف کی فراہمی کے لئے متعلقہ ادارے محنت اور جانفشانی سے کام کریں ۔سیکرٹری صنعت و تجارت عمر مسعود ،سیکرٹری پرائس کنٹرول اینڈ کموڈہٹیز ڈیپارٹمنٹ اجمل بھٹی،سیکرٹری لائیو سٹاک ،ڈی جی انڈسٹریز اور متعلقہ محکموں کے افسران نے اجلاس میں شرکت کی ۔
.ذریعہ: Nawaiwaqt
کلیدی لفظ: اشیا ضروریہ کی قیمتوں پرائس کنٹرول کونسل
پڑھیں:
چیئرمین سی ڈی اے محمد علی رندھاوا اور ڈی جی پاک ای پی اے کی زیر صدارت سموگ کے تدارک و ماحولیاتی تحفظ کے حوالے سے مشترکہ اجلاس
چیئرمین سی ڈی اے محمد علی رندھاوا اور ڈی جی پاک ای پی اے کی زیر صدارت سموگ کے تدارک و ماحولیاتی تحفظ کے حوالے سے مشترکہ اجلاس WhatsAppFacebookTwitter 0 13 October, 2025 سب نیوز
اسلام آباد(سب نیوز)چیئرمین کیپیٹل ڈویلپمنٹ اتھارٹی (سی ڈی اے)و چیف کمشنر اسلام آباد محمد علی رندھاوا اور ڈائریکٹر جنرل پاکستان انوائرمنٹل پروٹیکشن ایجنسی (پاک ای پی اے)نازیہ زیب علی نے پیر کے روز سی ڈی اے ہیڈکوارٹرز میں اسلام آباد میں سموگ کے تدارک و ماحولیاتی تحفظ کے حوالے سے مشترکہ اجلاس کی صدارت کی۔ اجلاس میں ممبر پلاننگ ڈاکٹر خالد حفیظ، ممبر انجینئرنگ سید نفاست رضا، ممبر انوائرمنٹ اسفندیار بلوچ، ڈپٹی کمشنر اسلام آباد عرفان نواز میمن، ڈی جی ریسورس، پاک ای پی اے اور سی ڈی اے کے متعلقہ افسران نے شرکت کی۔
اجلاس میں اسلام آباد میں سموگ کے تدارک، فضائی آلودگی کے خاتمے اور ماحولیاتی تحفظ کے حوالے سے متعدد اقدامات کا فیصلہ کیا گیا۔چیئرمین سی ڈی اے محمد علی رندھاوا نے کہا کہ اس سلسلہ میں متعلقہ ادارے پاکستان انوائرمنٹل پروٹیکشن ایجنسی (پاک ای پی اے)کے ساتھ ملکر مشترکہ طور پر ایک جامع حکمت عملی پر عملدرآمد کو یقینی بنائیں۔ انہوں نے کہا کہ وزیراعظم شہباز شریف اور وفاقی وزیر داخلہ محسن نقوی کی ہدایت کے مطابق اسلام آباد میں سموگ اور فضائی آلودگی میں کمی سمیت ماحولیاتی تحفظ ہماری اولین ترجیح ہے۔ڈی سی اسلام آباد نے اجلاس کو بریفنگ دیتے ہوئے بتایا گیا کہ سموگ میں کمی کے حوالے سے ٹرانسپورٹ سیکٹر، اینٹوں کے بھٹوں سمیت شہر میں انڈسٹریز کے حوالے سے مختلف اقدامات کر رہے ہیں۔ ٹرانسپورٹ سیکٹر میں فضائی آلودگی کو کنٹرول کرنے کیلئے گاڑیوں کے کاربن اخراج کے ٹیسٹ کئے جارہے ہیں۔ بریفنگ دیتے ہوئے اجلاس کو بتایا گیا کہ ٹرانسپورٹ سیکٹر سے متعلق گاڑیوں کے کاربن ٹیسٹ کا ڈیٹا براہ راست ڈیش بورڈ پر شیئر کیا جارہا ہے۔ پاکستان انوائرمنٹل پروٹیکشن ایجنسی نے بتایا کہ گاڑیوں سے کاربن اخراج ٹیسٹ کیلئے دارالحکومت میں پانچ سرٹیفائیڈ لیبارٹریز کام کر رہی ہیں۔ چیئرمین سی ڈی اے نے ہدایت کی کہ گاڑیوں کے کاربن کے اخراج کے ٹیسٹ کیلئے اسلام آباد میں مزید چیک پوائنٹس قائم کئے جائیں۔اجلاس میں اینٹوں کے بھٹوں اور انڈسٹریز سے متعلق فضائی آلودگی کو قابو کرنے کے حوالے سے بھی تبادلہ خیال کیا گیا۔
اجلاس میں دارالحکومت اسلام آباد میں تمام بھٹوں اور انڈسٹریز کو جدید اور ماحول دوست ٹیکنالوجی پر منتقلی لازمی قرار دیا گیا۔ اجلاس میں اینٹوں کے بھٹوں کو جدید زگ زگ ٹیکنالوجی اپنانے کیلئے 20 اکتوبر کی ڈیڈ لائن مقرر کی گئی۔ اس سلسلہ میں فیصلہ کیا گیا کہ 20 اکتوبر کے بعد زگ زگ ٹیکنالوجی پر منتقل نہ ہونے والے اینٹوں کے بھٹوں کے خلاف قانون کے مطابق سخت کارروائی عمل میں لائے جائے گی۔اس ضمن میں چیئرمین سی ڈی اے نے ہدایت کی کہ جدید ٹیکنالوجی نہ اپنانے والے، مسلسل خلاف ورزی کا مرتکب اور فضائی آلودگی کا سبب بننے والے اینٹوں کے بھٹوں کے خلاف قانون کے مطابق کارروائی کرتے ہوئے مسمار کیا جائے۔ انہوں نے ہدایت کی کہ اس سلسلہ میں آئی سی ٹی انتظامیہ راولپنڈی انتظامیہ کے ساتھ ملکر بانڈری ایریاز میں واقع اینٹوں کے بھٹوں کے خلاف مشترکہ حکمت عملی اپنائیں۔پاکستان انوائرمنٹل پروٹیکشن ایجنسی نے اجلاس کو بتایا کہ ایئر کوالٹی انڈیکس کے حوالے سے سیکٹر H-8 میں ایک اسٹیشن کام کر رہا ہے جبکہ شہر بھر کیلئے مزید ایئر کوالٹی مانیٹرنگ اسٹیشنز کی تنصیب کا منصوبہ جاری ہے۔ اجلاس میں سموگ و فضائی آلودگی پھیلانے والے دیگر اہم عوامل میں کوڑے کرکٹ کو فضا میں جلانا اور ترقیاتی منصوبوں سے اٹھنے والی گردوغبار سے متعلق اقدامات کا بھی فیصلہ کیا گیا۔ چیئرمین سی ڈی اے محمد علی رندھاوا نے ہدایت کی کہ کوڑے کرکٹ کو کھلی فضا میں جلانے پر مکمل پابندی کو یقینی بنایا جائے اور اسمیں ملوث افراد کے خلاف فوری طور پر قانون کے مطابق مقدمہ درج کیا جائے۔ انہوں نے ہدایت کی کہ ترقیاتی منصوبوں سے اٹھنے والے گرد و غبار پر قابو پانے کیلئے تمام ترقیاتی منصوبوں کی سائٹس پر پانی کے چھڑکا کے انتظام کو یقینی بنایا جائے اور ان تمام منصوبوں کیلئے انوائرمنٹ ایپمکٹ اسسمنٹ میں درج تخفیفی اقدامات کیلئے ایس او پیز پر عملدرآمد کو یقینی بنایا جائے۔ چیئرمین سی ڈی اے نے کہا کہ سموگ کے تدارک و ماحولیاتی تحفظ کیلئے پاک ای پی اے، آئی سی ٹی اور سی ڈی اے موثر کوآرڈینیشن اور ہم آہنگی کو یقینی بنائیں تاکہ شہریوں کو صحت مند و صاف ستھرا ماحول کی فراہمی کو یقینی بنایا جاسکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرمذہب کے نام پر تشدد کا سبق پڑھانا، معاشرہ یرغمال بنانا بند ہونا چاہئے، خواجہ آصف مذہب کے نام پر تشدد کا سبق پڑھانا، معاشرہ یرغمال بنانا بند ہونا چاہئے، خواجہ آصف ترکیہ اور آذربائیجان کے اعلی سطح کے پارلیمانی وفود کا نیشنل ایمرجنسیز آپریشن سینٹر کا دورہ لاہور ٹیسٹ،دوسرے روز کا کھیل ختم، جنوبی افریقا نے 6وکٹ کے نقصان پر 216رنز بنالیے غزہ امن معاہدہ،20اسرائیلی یرغمالی رہا، 1700فلسطینی بھی غزہ پہنچ گئے پنجاب میں ٹی ایل پی کیخلاف آپریشن، مرکزی رہنما جے یو آئی کا سخت ردعمل عمران خان، بشری بی بی کیخلاف توشہ خانہ ٹو کیس کی سماعت 14اکتوبر تک ملتویCopyright © 2025, All Rights Reserved
رابطہ کریں ہماری ٹیم
تحریک انصاف نے پنجاب کی سٹینڈنگ کمیٹیوں سے استعفے دینے کا عندیہ دیدیا