بالی وڈ کی ان دو حسیناؤں نے کسی سپر اسٹار سے شادی نہ کرنے کی کیا وجہ بتائی؟
اشاعت کی تاریخ: 11th, April 2025 GMT
ممبئی(شوبز ڈیسک)بالی وڈ کی سینئر اداکارہ جوہی چاؤلہ اور مادھوری ڈکشٹ برسوں قبل بھارتی میڈیا کے شو ’کافی ود کرن ‘ میں فلم انڈسٹری سے باہر شادی کرنے سے متعلق انکشاف کرچکی ہیں۔
اداکارہ مادھوری نے 1999 میں ڈاکٹر شری رام نینے سے شادی کی تو دوسری طرف جوہی چاولہ نے 1995 میں صنعتکار جے مہتا سے شادی کی تھی۔
دوران شو میزبان کرن جوہر نے دونوں اداکاراؤں سے سوال کیا تھا کہ آپ دونوں نے کئی ٹاپ اسٹارز کے ساتھ کام کیا لیکن شادی انڈسٹری سے باہر کی اس کی وجہ کیا ہے؟
کرن جوہر کے سوال پر مادھوری نے بتایا تھا کہ ’شاہ رخ اور سلمان کے ساتھ میں نے بہت کام کیا، عامر کے ساتھ میں نے صرف2 فلمز کیں لیکن شادی جیسے فیصلے کیلئے میں نے ان میں سے کسی کو بھی پسند نہیں کیا، میرے شوہر ہی میرے ہیرو ہیں۔
دوسری جانب اداکارہ جوہی چاولہ نے بتایا تھا مجھے جے مہتا کے دیے گئے پھول، کارڈزاور تحائف نے خاصا متاثر کیا تھا، ایک خیال یہ بھی تھا کہ اگر میرے شوہر بطور اداکار میری طرح ہی شیشے کے آگے بناؤ سنگھار میں مصروف رہتے تو شاید میں انہیں ہینڈل نہ کرپاتی۔
اداکارہ نے مزید کہا تھا کہ بطور اداکار آپ اس کام میں مکمل مگن ہوتے ہیں لہٰذا میں سوچ بھی نہیں سکتی تھی کہ میں کسی ایسے ہی شخص سے شادی کروں لہٰذا میں اس حوالے سے بالکل واضح تھی۔
مزیدپڑھیں:پی ایس ایل 10: فاسٹ بولر احسان اللہ کس بڑی ٹیم کا حصہ بن گئے؟
ذریعہ: Daily Ausaf
کلیدی لفظ: تھا کہ
پڑھیں:
عباس آفریدی گیس لیکج دھماکے میں جاں بحق نہیں ہوا، بیٹے کو قتل کیا گیا، سابق سینٹیر شمیم آفریدی
سابق سینٹیر شمیم آفریدی نے دعویٰ کیا ہے کہ میرا بیٹا عباس آفریدی گیس لیکج دھماکے میں جاں بحق نہیں ہوا بلکہ اسے سازش کے تحت بم دھماکے میں قتل کیا گیا۔
سابق سینٹر شمیم آفریدی نے کوہاٹ پریس کلب میں پریس کانفرس سے خطاب کرتے ہوئے کہا کہ کوہاٹ پولیس نے ابھی تک اس حوالے سے میرے ساتھ رابطہ نہیں کیا اور نہ ایف آئی آر درج کی۔
ان کا کہنا تھا کہ میں سیاسی آدمی ہوں اس سے پہلے مجھ پر اور میرے بیٹوں پر کئی قاتلانہ حملے ہوئے، لیکن ان حملوں میں آج تک کوئی گرفتار نہیں ہوا نہ ان کی شناخت ہوئی۔
شمیم آفریدی نے کہا کہ واقعے والے دن 4 بجے میرے حجرے سے سیکیورٹی ہٹائی گئی جبکہ دو گھنٹے بعد حجرے میں یہ واقعہ پیش آیا۔
ان کا کہنا تھا کہ میرے بیٹے عباس آفریدی کے واقعے کی آزادانہ انکوائری کی جائے، میرے بچے تعلیم یافتہ پڑھے لکھے ہیں، انہیں مختلف واقعات میں پھنسا کر مجرم بنایا جا رہا ہے۔
شمیم آفریدی نے کہا کہ میرے بیٹے امجد آفریدی کی عدالت پیشی کے موقع پر پولیس اہلکار سے فائرنگ ہوئی جو کہ تشویش ناک ہے۔
انسانیت کے دشمن دہشتگردوں کے مذموم عزائم خاک میں ملا دیں گے، وزیراعظم