بھارتی فوج کی درندگی، سرحد پار کرنے والی 8 بکریاں ہلاک، 54 کی ٹانگیں توڑ دیں
اشاعت کی تاریخ: 5th, October 2025 GMT
بھارتی فوج نے تھرپارکر کے سرحدی علاقے میں درندگی کی انتہا کرتے ہوئے سرحد عبور کرنے والی بے زبان بکریوں کو نشانہ بنا دیا، جس کے نتیجے میں 8 بکریاں ہلاک اور 50 سے زیادہ شدید زخمی ہو گئیں۔
یہ بھی پڑھیں: بھارت نے جاسوسی کے الزام میں گرفتار کبوتر 8 ماہ بعد رہا کر دیا
میڈیا رپورٹس کے مطابق یہ واقعہ پاکستان اور بھارت کی سرحد کے قریب اس وقت پیش آیا جب کچھ بکریاں غیر ارادی طور پر سرحد عبور کر گئیں۔
عام طور پر ایسی صورت میں مویشی واپس کر دیے جاتے ہیں، مگر اس بار بھارتی فوج نے غیر معمولی سفاکی کا مظاہرہ کرتے ہوئے جانوروں پر تشدد کیا۔
بھارتی فوج نے 54 بکریوں کی ٹانگیں توڑ دیں، جسے مبصرین پاکستان کے آپریشن بنیان مرصوص میں بھارتی ناکامی کا بدلہ قرار دے رہے ہیں۔ ان کا کہنا ہے کہ بھارتی فوج نے شکست کا غصہ بے زبان جانوروں پر نکالا۔
وزیر اعلیٰ سندھ نے اس واقعے پر شدید ردعمل دیتے ہوئے کہا کہ بھارتی فورسز کا یہ اقدام نہ صرف قابلِ مذمت ہے بلکہ انسانی اور بین الاقوامی اخلاقی اصولوں کے بھی خلاف ہے۔
اُن کا کہنا تھا کہ سرحدی امن اور روایتی برتاؤ کے برخلاف ایسے اقدامات سے خطے میں کشیدگی بڑھ سکتی ہے۔
یہ بھی پڑھیں: مقبوضہ کشمیر: پی آئی اے کے لوگو والے غبارے نے بھارتی حکام کی دوڑیں لگوا دیں
واضح رہے کہ اس سے قبل بھارت پاکستانی سرحد عبور کرنے والے کبوتروں کو بھی جاسوس قرار دے کر گرفتار کر چکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بکریاں ہلاک بھارتی فوج ٹانگیں توڑ دیں درندگی کی انتہا وی نیوز.ذریعہ: WE News
کلیدی لفظ: بکریاں ہلاک بھارتی فوج ٹانگیں توڑ دیں درندگی کی انتہا وی نیوز بھارتی فوج نے
پڑھیں:
نائجیریا میں اسکول پر مسلح افراد کا حملہ، 25 طالبات اغوا، وائس پرنسپل ہلاک
نائجیریا کی ریاست کیبّی میں سرکاری گرلز اسکول پر نامعلوم مسلح افراد نے حملہ کر کے وائس پرنسپل کو قتل اور 25 طالبات کو اغوا کر لیا۔
پولیس کے مطابق واقعہ صبح تقریبا 4 بجے پیش آیا جب حملہ آور بھاری اسلحے سے لیس ہو کر اسکول میں داخل ہوئے۔ حملہ آوروں نے پہلے سیکیورٹی اہلکاروں کے ساتھ فائرنگ کا تبادلہ کیا، پھر دیوار پھلانگ کر ہاسٹل میں داخل ہوئے اور طالبات کو زبردستی لے گئے۔
یہ بھی پڑھیے: امریکا نے صدر ٹرمپ کے ناقد نوبیل انعام یافتہ نائجیرین ادیب کا ویزا منسوخ کردیا
اس دوران وائس پرنسپل حسن یعقوب مکُکو مزاحمت کرتے ہوئے گولی لگنے سے جاں بحق ہوگئے جبکہ ایک اور ملازم زخمی ہوا۔ حکام کے مطابق اضافی پولیس یونٹس، فوج اور مقامی رضاکار فورسز کو اردگرد کے علاقوں اور جنگلات میں سرچ اینڈ ریسکیو آپریشن کے لیے تعینات کر دیا گیا ہے۔
نائجیریا کے شمال مغربی علاقوں میں بڑے پیمانے پر اغوا اور تاوان کے واقعات میں مسلسل اضافہ دیکھنے میں آ رہا ہے۔ اس سے قبل 2014 میں شمال مشرقی شہر چیبوک سے بوکو حرام نے 270 سے زائد طالبات کو اغوا کیا تھا، جن میں سے کئی آج تک واپس نہیں لوٹ سکیں۔
یہ بھی پڑھیے: خضدار میں سڑک تعمیر کرنے والے مزدوروں پر مسلح افراد کا حملہ، 13 مزدور اغوا
ماہرین کا کہنا ہے کہ حکومتی یقین دہانیوں کے باوجود سیکیورٹی صورتحال بدستور تشویشناک ہے اور اسکولز، گاؤں اور شاہراہیں مسلح گینگز کے نشانے پر ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسکول حملہ اغوا نائجیریا
پی سی بی نے سہ ملکی سیریز کا شیڈول اور وینیو تبدیل کر دیا