سندھ و پنجاب حکومتوں میں تنازع، صدر مملکت متحرک، وزیر داخلہ کراچی طلب
اشاعت کی تاریخ: 7th, October 2025 GMT
پی پی اور ن لیگ کی کشیدگی میں نیا موڑ آگیا ، معاملہ صدر مملکت اور وزیراعظم شہباز تک پہنچ گیا،نواز شریف کی پیپلز پارٹی اور پنجاب حکومت کے درمیان جاری تنازعے میں مریم نواز کی حمایت
شہباز شریف صدرزرداری اور بلاول بھٹوسے ملاقات کرینگے، وزیراعظم کی نوازشریف سے بھی کردار ادا کرنے کی درخواست، سینیٹ اور قومی اسمبلی سے واک آؤٹ حکومت کیلئے پیغام ،ذرائع
صدر مملکت آصف علی زرداری نے سندھ اور پنجاب کے درمیان کشیدگی پر وفاقی وزیر داخلہ محسن نقوی سے ٹیلی فونک رابطہ کیا۔تفصیلات کے مطابق سندھ اور پنجاب حکومتوں کے درمیان گشیدگی کے معاملے پر صدر مملکت آصف علی زرداری نے وفاقی وزیر داخلہ محسن نقوی سے ٹیلی فونک رابطہ کیا جس میں سندھ اور پنجاب حکومتوں کے درمیان کشیدگی پر بات چیت کی گئی۔صدر آصف علی زرداری نے وزیر داخلہ محسن نقوی کو ٹیلی فون کرکے فوری طور پر کراچی طلب کرلیا تاکہ اس معاملے پر مشاورت کی جائے۔اس سے قبل 6 اکتوبر کی صبح صدر مسلم لیگ (ن) نواز شریف نے پیپلز پارٹی اور پنجاب حکومت کے درمیان جاری تنازع میں مریم نواز کی حمایت کی۔دوسری جانب پی پی اور ن لیگ کی کشیدگی میں نیا موڑ آگیا ہے، سنگینی کے پیش نظر معاملہ صدر مملکت اور وزیراعظم شہباز تک پہنچ گیا ہے۔ذرائع نے بتایا کہ مریم نواز کے بیان کے بعد پیپلزپارٹی اور پاکستان مسلم لیگ ن کے درمیان کشیدگی کا معاملہ اب صدر زرداری اور وزیراعظم تک پہنچ چکا ہے، شہباز شریف اس سلسلے میں صدر آصف علی زرداری اور بلاول بھٹو زرداری سے ملاقات کرینگے۔ ن لیگ کے ذرائع نے بتایا کہ وزیراعظم نے نوازشریف سے بھی کردار ادا کرنے کی درخواست کی ہے، دونوں پارٹیوں کے قائدین میں آئندہ دو روز میں بڑی ملاقات کا امکان ہے۔ذرائع نے مزید بتایا کہ پاکستان مسلم لیگ ن کے رہنماؤں کی پیپلزپارٹی کے وفد سے ملاقات میں پیشرفت نہ ہوسکی تھی۔پی پی ذرائع کا کشیدگی کے حوالے سے کہنا ہے کہ سینیٹ اور قومی اسمبلی سے پیپلزپارٹی کا واک آؤٹ حکومت کیلئے پیغام ہے۔
.ذریعہ: Juraat
کلیدی لفظ: اور پنجاب حکومت ا صف علی زرداری صدر مملکت ا وزیر داخلہ کے درمیان
پڑھیں:
سہیل آفریدی کا بانی سے ملاقات نہ ہونے پر وزیراعلیٰ پنجاب مریم نواز کو خط
پشاور(ڈیلی پاکستان آن لائن) وزیر اعلیٰ خیبر پختونخوا سہیل آفریدی نے بانی پی ٹی آئی سے اڈیالہ جیل میں ملاقات نہ کروانے پر وزیراعلیٰ پنجاب مریم نواز شریف کو باضابطہ خط لکھ دیا۔
نجی ٹی وی چینل دنیا نیوز کے مطابق سہیل آفریدی نے خط میں عدالتی احکامات کے باوجود ملاقات کی اجازت نہ دینے اور بانی پی ٹی آئی کی بہنوں کے ساتھ ناروا سلوک پر شدید تحفظات کا اظہار کیا ہے۔
خط کے متن کے مطابق بانی پی ٹی آئی کی بہنوں اور ان کے اہل خانہ کو عدالتی حکم کے باوجود ملاقات کی اجازت نہیں دی گئی جبکہ بزرگ خواتین کو ایک کلومیٹر دور سڑک پر بٹھایا گیا جسے وزیر اعلیٰ خیبر پختونخوا نے "غیر انسانی، غیر اخلاقی اور عدالتی احکامات کی کھلی خلاف ورزی" قرار دیا۔
جرگے میں شرکت کرنیوالے افراد کو تحفظ فراہم کرنا وزیراعلیٰ کی ذمہ داری ہے: پشاور ہائیکورٹ
وزیر اعلیٰ سہیل آفریدی نے پنجاب حکومت کو خط میں چار اہم مطالبات پیش کیے ہیں جن میں کہا گیا ہے کہ عدالتی احکامات پر فوری عمل درآمد کیا جائے، بانی پی ٹی آئی کی بہنوں کے ساتھ بدسلوکی کرنے والوں کے خلاف کارروائی کی جائے۔
سہیل آفریدی نے مطالبہ کیا ہے کہ جیل و پولیس حکام کو ملاقات کی واضح ہدایات جاری کی جائیں، اڈیالہ جیل میں بانی پی ٹی آئی کے ساتھ ملاقاتوں کے لیے باوقار اور قانونی نظام قائم کیا جائے۔
وزیراعلیٰ خیبرپختونخوا کا کہنا ہے کہ بانی پی ٹی آئی سابق وزیراعظم اور اپنی جماعت کے قائد ہیں جبکہ پی ٹی آئی کے مینڈیٹ کے تحت خیبر پختونخوا میں حکومت قائم ہے اس لیے ان کے بنیادی حقوق کی خلاف ورزی کسی صورت قابل قبول نہیں۔
آئینی عدالت کا قیام سنگِ میل، بنیادی حقوق کا تحفظ ترجیح ہے: چیف جسٹس امین الدین
مزید :
پاک فوج کے زیرِ انتظام وزیرستان میں قبائلی عمائدین کا اہم جرگہ