تاوان کے لیے اغوا کیا گیا تو لگا مار دیا جاؤں گا، اداکارحسن احمد
اشاعت کی تاریخ: 21st, November 2025 GMT
کراچی (نیوزڈیسک)سینئر اداکار حسن احمد نے انکشاف کیا ہے کہ کچھ سال قبل جب انہیں تاوان کے لیے اغوا کیا گیا تو انہیں ڈاکوؤں کے قید میں رہتے ہوئے محسوس ہوا کہ انہیں مار دیا جائے گا۔
حسن احمد نے حال ہی میں ’مذاق رات‘ میں شرکت کی، جہاں انہوں نے مختلف معاملات پر کھل کر گفتگو کی۔
پروگرام کے دوران انہوں نے اپنے اغوا کا قصہ بھی سنایا اور بتایا کہ وہ پورے 35 دن تک اغوا کاروں کے پاس قید تھے۔
ان کا کہنا تھا کہ انہیں سندھ کے دارالحکومت کراچی میں اے ٹی ایم مشین کے اندر گھس کر اغوا کیا گیا۔
حسن احمد کے مطابق دو افراد اے ٹی ایم مشین میں آئے اور انہیں خاموشی سے اپنی ہی گاڑی میں چل کر بیٹھنے کی ہدایات دیں، جہاں باہر ان کے مزید ساتھی موجود تھے۔
اداکار کا کہنا تھا کہ انہوں نے ہدایات پر عمل کیا، انہیں اپنی گاڑی میں پیچھے بٹھایا گیا، بعد ازاں پوش علاقے ڈیفینس میں گاڑی تبدیل کرکے ڈاکوؤں نے انہیں اپنی گاڑی میں بٹھایا۔
انہوں نے بتایا کہ ڈاکوؤں نے انہیں گاڑی کی سیٹوں کے نیچے لیٹا دیا اور ان کے اوپر کپڑے ڈال کر ان کے اوپر ہی اپنے پاؤں رکھے، ان کی آنکھیں بند کردی گئی تھیں، ان کے ہاتھ بندھے ہوئے تھے۔
اداکار نے کہا کہ پورے 35 دن تک انہیں ایک کمرے میں بند رکھا گیا، جس کی کوئی بھی کھڑکی نہیں تھی، کھانے کے وقت ان کی آنکھیں کھولی جاتیں، واش روم جانے کے وقت ان کے ہاتھ کھولے جاتے لیکن بڑی زنجیر ان کے پیروں میں بندھیں رہتی اور دوسرا شخص باہر ان کے انتظار میں بیٹھا رہتا۔
حسن احمد نے بتایا کہ وہ مذکورہ دنوں کی تکلیف کو الفاظ میں بیان نہیں کر سکتے، انہوں نے آج تک کسی کو اپنے اغوا کا قصہ نہیں سنایا، ان کی ذہنی صحت بھی سخت متاثر ہوئی، انہیں ہر طرح کے خیالات آتے تھے۔
اداکار کا کہنا تھا کہ انہیں کئی بار لگا کہ ان کا کھیل ختم کردیا جائے گا لیکن پھر ان کی رہائی کے لیے تاوان کے معاملات طے پائے۔
انہوں نے بتایا کہ انہیں یہ بھی ڈر لگا کہ جس دن انہیں تاوان کے بدلے رہا کیا جائے گا، اسی دن کوئی نہ کوئی غلط کام ہوگا اور ٹھیک ایسے ہی ہوا، اسی دن انہیں اغوا کرنے والوں پر سی پی ایل سی کا چھاپہ پڑا، ایک اغوا کر زخمی حالت میں گرفتار ہوا، مرکزی ملزم بھاگ گیا جب کہ دوسرے اغوا کو بھی گرفتار کرلیا گیا۔
حسن احمد نے کہا کہ 35 دن بعد انہیں ایک شخص نقاب کے بغیر لینے آیا اور انہوں نے انہیں کہا کہ وہ اغوا کار نہیں، صرف ان کی گاڑی استعمال ہوئی تھی، وہ انہیں گھر چھوڑنے کے لیے آئے ہیں اور پھر مذکورہ شخص نے انہیں باہر چھورا۔
اداکار نے بتایا کہ اپنی رہائی کے بعد انہوں نے کبھی اغوا کاروں سے متعلق کوئی معلومات لینے کی کوشش کی، نہ کبھی انہیں کوئی تفصیلات دی گئیں، رہائی کے بعد انہوں نے سب سے آکر معافی مانگی کہ شاید انہوں نے کسی کے ساتھ غلط کیا تھا، جس وجہ سے ان کے ساتھ ایسا واقعہ پیش آیا۔
.
ذریعہ
ذریعہ: Daily Mumtaz
کلیدی لفظ: نے بتایا کہ کہ انہیں انہوں نے نے انہیں تاوان کے اغوا کا کے لیے
پڑھیں:
وسیم اکرم، مصباح اور فخر عالم نے اپنی حج کی پوسٹس پر ہونے والی تنقید کا جواب دے دیا
پاکستانی کرکٹ کے لیجنڈ وسیم اکرم، سابق کپتان مصباح الحق، میزبان و اداکار فخر عالم، سابق کرکٹر سعید انور اور دیگر معروف شخصیات نے اس سال مشترکہ طور پر فریضۂ حج ادا کیا۔ تاہم دورانِ حج سوشل میڈیا پر ان کی بعض ویڈیوز اور تصاویر وائرل ہونے کے بعد انہیں تنقید کا سامنا بھی کرنا پڑا۔
وسیم اکرم کی رمی الجمرات کے دوران شیئر کی گئی ایک ویڈیو، جس میں انہوں نے اپنے مخصوص سوئنگ اسٹائل میں شیطان کو کنکریاں مارنے کا انداز اپنایا، خاصی وائرل ہوئی۔ بعد ازاں ایک اور ویڈیو میں وہ مصباح الحق کے لیے کیلے اٹھائے ہوئے دکھائی دیے، جس پر بھی صارفین نے مختلف تبصرے کیے۔
دوسری جانب فخرِ عالم نے اپنے حج سفر کی متعدد جھلکیاں سوشل میڈیا پر شیئر کیں جن میں اداکار بلال عباس خان اور کامیڈین تابش ہاشمی سمیت دیگر شخصیات بھی نظر آئیں۔ ان سرگرمیوں کے باعث بعض سوشل میڈیا صارفین نے اس سفر کو ’’حج کے بجائے پکنک‘‘ قرار دیا۔
@timesofkarachiWhy didn’t Wasim Akram, Fakhar-e-Alam, and Misbah-ul-Haq shave their heads as part of the Hajj ritual? #TOKReports #Hajj #WasimAkram #FakhareAlam #MisbahulHaq
♬ original sound - Times of Karachiحالیہ گفتگو میں وسیم اکرم، فخرِ عالم اور مصباح الحق نے ان تنقیدی تبصروں کا جواب دیتے ہوئے کہا کہ بہت سے لوگوں نے سوال اٹھایا کہ انہوں نے حج کے بعد سر منڈوانے کے بجائے صرف بال کیوں کٹوائے۔ ان کے مطابق حج پر روانگی سے قبل انہوں نے علماء کرام سے رہنمائی حاصل کی تھی جنہوں نے دو شرعی آپشنز بتائے تھے، یا تو مکمل سر منڈوایا جائے یا پھر قصر کروائی جائے، جس میں بالوں کا ایک حصہ کٹوایا جاتا ہے۔ انہوں نے دوسرا طریقہ اختیار کیا جو شرعی طور پر جائز ہے۔
انہوں نے ’’حج یا پکنک‘‘ سے متعلق تنقید پر بھی ردعمل دیتے ہوئے کہا کہ حج ایک عظیم عبادت ہے، لیکن اس دوران انسان چوبیس گھنٹے صرف ایک ہی عمل میں مصروف نہیں رہتا۔ عبادت کے ساتھ دوستوں سے ملاقات، گفتگو، دعائیں، مسکراہٹیں اور خوشی کے لمحات بھی اس سفر کا حصہ ہوتے ہیں۔ ان کا کہنا تھا کہ تنقید کرنے سے پہلے لوگوں کو ان معاملات کی مکمل معلومات حاصل کرنی چاہئیں۔
وسیم اکرم اور ان کے ساتھیوں نے بتایا کہ انہوں نے نوجوان نسل کے لیے بھی مختلف ویڈیوز بنائیں تاکہ حج کی ادائیگی سے متعلق رہنمائی فراہم کی جا سکے اور نوجوانوں میں اس مقدس سفر کا شوق پیدا ہو۔ ان کے مطابق ان ویڈیوز کا مقصد صرف معلومات دینا اور لوگوں کو حج کے لیے آمادہ کرنا تھا۔
مدینہ منورہ سے گفتگو کرتے ہوئے فخر عالم نے کہا کہ حج مکمل کرنے کے بعد سب سے زیادہ یہی سوال پوچھا جا رہا ہے کہ آخر انہیں حج پر جانے کی ترغیب کیسے ملی۔ اس سوال کے جواب میں وسیم اکرم نے کہا کہ انہوں نے پہلے سے کوئی خاص منصوبہ بندی نہیں کی تھی، بلکہ وہ ہمیشہ یہی سوچتے تھے کہ جب دل سے تیاری محسوس ہوگی تو حج کریں گے۔ ان کے بقول جب انہیں معلوم ہوا کہ فخر عالم اور مصباح الحق بھی حج پر جا رہے ہیں تو انہوں نے بھی اس قافلے میں شامل ہونے کا فیصلہ کر لیا۔
View this post on Instagramوسیم اکرم نے مزید کہا کہ وہ جلد 60 برس کے ہونے والے ہیں اور انہیں محسوس ہوا کہ اب اس مقدس فریضے کی ادائیگی کا بہترین وقت آ گیا ہے۔ انہوں نے حج کے سفر کو جسمانی طور پر مشکل لیکن یادگار اور قابلِ برداشت قرار دیا۔
مصباح الحق نے بھی اپنے جذبات کا اظہار کرتے ہوئے کہا کہ حج کا یہ سفر ان کی زندگی کے خاص ترین تجربات میں سے ایک ہے۔ ان کے مطابق دوستوں کے ساتھ اس روحانی سفر کو طے کرنے سے اس کی خوبصورتی اور یادیں مزید بڑھ گئیں، اور یہ تجربہ ہمیشہ ان کے دل میں محفوظ رہے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ