اے پی ایس میں بیٹا گنوانے والی باہمت بیوہ جو اسلام آباد میں پکوڑے بیچ کر گزر بسر کرتی ہیں
اشاعت کی تاریخ: 7th, October 2025 GMT
اسلام آباد کے آبپارہ مارکیٹ کے اتوار بازار میں 55 سالہ خاتون شام کے وقت ایک چھوٹی سی اسٹال پر پکوڑے تلتی نظر آتی ہیں۔ ان کے ہاتھوں کی مہارت اور چہرے کی تھکن دونوں ان کی زندگی کی کہانی سناتے ہیں۔
یہ بھی پڑھیں: راولپنڈی میں باہمت ماں، بیٹیوں کا پراٹھا اسٹال
ان خاتون کے شوہر ایک حادثے میں انتقال کر گئے تھے جبکہ ان کا بیٹا آرمی پبلک اسکول کے سانحے میں جان سے ہاتھ دھو بیٹھا۔ ان صدمات کے بعد وہ اسلام آباد آگئیں تاکہ کسی طرح زندگی کا پہیہ چلا سکیں۔
وہ ہفتے میں 3 دن کام کرتی ہیں کیونکہ باقی دنوں میں ان کی طبیعت اجازت نہیں دیتی۔ ذیابطیس کی مریض ہونے کے باوجود وہ ہمت نہیں ہارتیں۔ ان کے مطابق کچھ عرصہ قبل انہیں کینسر بھی لاحق ہوا تھا اور اس وقت ان کا علاج اسلام آباد کے ایک نجی اسپتال میں جاری ہے۔
مزید پڑھیے: رحیم یار خان کی باہمت خاتون روایتی پابندیوں سے آزاد ہوکر گھر کی خود کفیل بن گئی
ان کا کہنا ہے کہ زندگی مشکل ضرور ہے مگر ہاتھ پھیلانے کے بجائے خود محنت کرنا بہتر ہے۔ انہوں نے کہا کہ میں چاہتی ہوں کہ میری محنت سے میرا گھر چلے، کسی پر بوجھ نہ بنوں۔
بازار میں آنے والے اکثر لوگ ان کے پکوڑے کھائے بغیر نہیں جاتے۔
ایک گاہک نے بتایا کہ ان کے ہاتھ کے پکوڑے بہت مزیدار ہوتے ہیں اور ان کی ہمت دیکھ کر دل سے احترام پیدا ہوتا ہے۔
مزید پڑھیں: شہید شوہر کے نقش قدم پر چلنے والی پرعزم اور باہمت خاتون ثمرین کوثر کون ہیں؟
یہ خاتون امید رکھتی ہیں کہ اگر حکومت یا کسی فلاحی ادارے کی مدد مل جائے تو وہ اپنا یہ چھوٹا کاروبار بہتر طریقے سے چلا سکیں گی۔
انہوں نے کہا کیہ ’میں چاہتی ہوں کہ میرے جیسے لوگ ہمت نہ ہاریں کیونکہ زندگی تب ہی آگے بڑھتی ہے جب ہم کوشش جاری رکھتے ہیں‘۔
یہ بھی پڑھیے: کوئٹہ کی باہمت خاتون کی کہانی
یوں آبپارہ مارکیٹ کے اتوار بازار کا یہ چھوٹی سا اسٹال صرف پکوڑوں کی مہک سے نہیں بلکہ حوصلے، صبر اور قربانی کی خوشبو سے بھی بھرا ہوا ہے۔ دیکھیے یہ ویڈیو رپورٹ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آبپارہ مارکیٹ آبپارہ اتوار بازار اسلام اباد اے پی ایس پکوڑے والی خاتون.
ذریعہ
ذریعہ: WE News
کلیدی لفظ: آبپارہ مارکیٹ ا بپارہ اتوار بازار اسلام اباد اے پی ایس
پڑھیں:
پنکی کے بعد کراچی سے ایک اور منشیات فروش خاتون گرفتار
کراچی کے علاقے گلستان جوہر سے مطلوب منشیات فروش خاتون شیریں شرینہ کو بیٹوں سمیت گرفتار کرلیا گیا۔پولیس کے مطابق شیریں شرینہ ملزمہ کو دونوں بیٹوں کے ساتھ کامران چورنگی سے گرفتار کیا گیا، ملزمہ ہیروئن، چرس اور دیگر منشیات فروخت کرتی تھی۔پولیس حکام کا کہنا ہے کہ ملزمہ چند سال قبل گرفتار ہوکر جیل گئی تھی اور دو سال پہلے واپس آئی تھی، ملزمہ شیریں عرف شیرینہ کے خلاف 35 کے قریب مقدمات درج ہیں، ایک کیس میں ملزمہ کے قبضے سےدستی بم بھی برآمد ہوا تھا۔پولیس حکام کا بتانا ہے کہ ملزمہ اپنے فلیٹ کی کھڑکی سے ڈائریکٹ ہیروئن سپلائی کرتی تھی، گرفتار ملزمہ اور ملزمان سے مذید تفتیش کی جارہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ