ریڈیو پاکستان حملہ، وزیراعلیٰ خیبر پی کے کا انکوائری کمشن بنانے کا اعلان
اشاعت کی تاریخ: 15th, November 2025 GMT
پشاور (نوائے وقت رپورٹ) وزیر اعلی کے پی کے سہیل آفریدی نے 9 مئی کو ریڈیو پاکستان پر حملے کی تحقیقات کے لیے کمشن قائم کرنے کا اعلان کردیا۔ اس بات کا اعلان انہوں نے صوبائی کابینہ کے اجلاس میں کیا۔ وزیراعلیٰ نے کہا کہ کمشن تمام شواہد، بشمول سی سی ٹی وی فوٹیج، جمع کر کے اپنی رپورٹ کابینہ کو پیش کرے۔ اجلاس میں وزیر اعلیٰ نے اپنی حکومت کی پالیسی گائیڈ لائنز وضع کیں۔ انہوں نے امن جرگے میں شریک تمام سیاسی جماعتوں کا شکریہ ادا کیا اور کہا کہ سیاسی اختلافات اپنی جگہ لیکن امن ہم سب کا مشترکہ ہدف ہے۔ انہوں نے کہا کہ صوبائی اسمبلی کی تمام قراردادوں پر مکمل عمل کیا جائے گا۔ سب سے اہم قرارداد ’ایکشن اِن ایڈ آف سول پاورز‘ کے خاتمے سے متعلق ہے جو بنیادی انسانی حقوق کے منافی ہے۔ سود سے پاک خیبر پی کے موجودہ حکومت کی اولین ترجیحات میں شامل ہے۔ انہوں نے کہا کہ حکومت کے تمام تر اقدامات اور اصلاحات منتخب نمائندوں کی مشاورت سے کی جائیں گی۔ کابینہ اراکین تمام فیصلے میرٹ اور مکمل شفافیت کو مدنظر رکھ کر کریں۔ تمام قوانین عوامی مفاد میں ہونے چاہئیں، کوئی بھی قانون عوامی مفاد کے منافی ہو تو اسے ختم کیا جائے۔ تمام قوانین کا ازسر نو جائزہ لیا جائے، خامیوں کی نشاندہی کر کے ضروری ترامیم تجویز کی جائیں۔
.ذریعہ: Nawaiwaqt
پڑھیں:
خیبرپختونخوا کے وزیراعلیٰ نے پہلے ہی کابینہ اجلاس میں اعلان جنگ کر دیا
ویب ڈیسک :خیبرپختونخوا کے وزیراعلیٰ سہیل آفریدی نے ریڈیو پاکستان پشاور پر 9 مئی کے حملے کی تحقیقات کے لیے انکوائری کمیشن بنانے اور صوبہ خیبر پختونخوا سے سود کے خاتمے کا اعلان کر دیا۔
یہ اعلان انہوں نے صوبائی کابینہ کے اجلاس کی صدارت کے دوران کیا، جہاں کئی اہم فیصلے بھی کیے گئے، وزیراعلیٰ نے بتایا کہ یہ کمیشن سی سی ٹی وی سمیت تمام دستیاب شواہد اکٹھے کرے گا اور اپنی رپورٹ کابینہ کے سامنے پیش کرے گا۔
ویلڈن گرین شرٹس۔تھینک یو سری لنکا;چئیرمین پی سی بی محسن نقوی
سہیل آفریدی نے پہلے کابینہ اجلاس میں صوبہ خیبر پختونخوا سے سود کے خلاف اعلان جنگ کر دیا۔
وزیر اعلیٰ سہیل آفریدی نے کہا کہ صوبائی مشیر مزمل اسلم سود کے خاتمے کیلئے پالیسی تیار کر رہے ہیں،سود اللہ اور اس کے رسول ﷺ کے خلاف جنگ کے مترادف ہے، ہم سودی نظام کے مقابلے میں اسلامی سرمایہ کاری لارہے ہیں اور ان شاء اللہ صوبے کو سود کے ناسور سے پاک کریں گے۔
وزیراعلیٰ نے یہ بھی بتایا کہ اسمبلی نے متفقہ طور پر قرارداد منظور کی ہے جس میں بانی پی ٹی آئی اور بشریٰ بی بی کے ساتھ جیل میں نامناسب رویے کی نشاندہی کی گئی ہے۔
پاکستان نے سری لنکا کو ہرا دیا
ان کا کہنا تھا کہ 4.5 کروڑ عوام کے منتخب وزیراعلیٰ ہونے کے باوجود انہیں اپنے قائد سے ملاقات کی اجازت نہیں مل رہی، حالانکہ وہ ملاقات کرکے پالیسی سے متعلق رہنمائی لینا چاہتے ہیں، بانی پی ٹی آئی اور ان کی اہلیہ کو اپنے ذاتی معالج سے ملاقات کی اجازت بھی نہیں دی جارہی۔
سہیل آفریدی نے واضح کیا کہ حکومت کے تمام فیصلے اور اصلاحات منتخب نمائندوں کی مشاورت سے ہوں گے، اختلافات اپنی جگہ، مگر امن کا قیام سب کا مشترکہ مقصد ہے۔
بھارتی کرکٹر کا خاتون کے خلاف ہراسمنٹ کا مقدمہ
انہوں نے کہا کہ صوبائی حکومت کرپشن کے خلاف مکمل زیرو ٹالرنس پالیسی پر عمل کرے گی اور سرکاری فنڈز کو ذاتی تشہیر کے لیے استعمال کرنے کی اجازت نہیں دی جائے گی۔
وزیراعلیٰ نے کابینہ کو ہدایت کی کہ تمام فیصلے میرٹ اور مکمل شفافیت کو سامنے رکھ کر کیے جائیں۔
قوانین عوامی مفادات کے مطابق ہونے چاہئیں، اس لیے ایسے تمام قوانین جو عوامی فائدے کے خلاف ہوں ختم کیے جائیں، تمام قوانین کا ازسرنو جائزہ لیا جائے، کمزوریاں شناخت کی جائیں اور ضروری ترامیم پیش کی جائیں۔
شوکت خانم ہسپتال کا فراڈ سی ای او گرفتار
ستائیسویں ترمیم سےمتعلق سینیٹ، قومی اسمبلی کی مشترکہ کمیٹیوں کا اجلاس، آئینی عدالت کےقیام پرمشاورت مکمل