پناہ گزینوں اور تارکین وطن سے متعلق برازیل کی نئی قومی پالیسی کی ستائش
اشاعت کی تاریخ: 10th, October 2025 GMT
اسلام آباد (اُردو پوائنٹ ۔ UN اردو۔ 10 اکتوبر 2025ء) پناہ گزینوں کے لیے اقوام متحدہ کے ادارے (یو این ایچ سی آر) نے برازیل کی جانب سے نقل مکانی، پناہ گزینوں اور بے وطن افراد سے متعلق نئی قومی پالیسی کا خیرمقدم کرتے ہوئے اسے ملک میں نقل مکانی پر مجبور اور کمزور لوگوں کے حقوق، وقار اور شمولیت کے تحفظ کی جانب ایک تاریخی پیش رفت قرار دیا ہے۔
برازیل کی وزارتِ انصاف و عوامی تحفظ نے 8 اکتوبر کو اس نئی قومی پالیسی کا اعلان کیا ہے جو پناہ گزینوں اور مہاجرین کے تحفظ اور انضمام کے لیے ایک جامع فریم ورک مہیا کرتی ہے۔
یہ نیا فریم ورک حکومت کی تمام سطحوں پر ان لوگوں کے حقوق اور شمولیت سے متعلق اقدامات کو مضبوط بنائے گا۔ Tweet URLیہ پالیسی وفاقی، ریاستی اور مقامی حکام، سول سوسائٹی، بین الاقوامی اداروں، نجی شعبے کے نمائندوں اور متاثرہ آبادیوں کی آرا کو یکجا کرتی ہے تاکہ امدادی اقدامات کے لیے ایک منظم اور شمولیتی نقطہ نظر کو یقینی بنایا جا سکے۔
(جاری ہے)
انسانی حقوق کا اہم سنگ میلبرازیل کے آئین، پناہ گزینوں اور نقل مکانی سے متعلق قوانین اور بین الاقوامی ذمہ داریوں سے جڑی یہ پالیسی تحفظ، امداد اور ان لوگوں کے لیے مقامی معاشرے میں انضمام کے مقصد کو لے کر واضح رہنما اصول متعین کرتی اور انسانی حقوق اور انسانی تحفظ کے لیے برازیل کی دیرینہ وابستگی کو مزید تقویت دیتی ہے۔ یہ ایک ایسی میراث ہے جس نے ملک کو پناہ گزینوں دفاع میں علاقائی اور عالمی سطح پر ایک رہنما کے طور پر نمایاں کیا ہے۔
یہ پالیسی صحت کی دیکھ بھال، تعلیم، روزگار، رہائش اور سماجی امداد سمیت بنیادی خدمات تک رسائی کو بڑھانے کے لیے اقدامات کا خاکہ پیش کرتی ہے۔ علاوہ ازیں، اس کی بدولت انسانی بحرانوں پر قابو پانے کے لیے کام کرنے والے سرکاری اداروں کے مابین باعزت روزگار، مساوی مواقع اور منظم کارروائی سےمتعلق اقدامات کو بھی فروغ ملے گا۔
برازیل میں 'یو این ایچ سی آر' کے نمائندے ڈیوڈ ٹورزیلی نے اس اہم پیش رفت پر حکومت کو سراہا ہے۔
ان کا کہنا ہے کہ اس پالیسی کی تیاری اور اشاعت حکومت کے اس عزم کی عکاس ہے کہ وہ پناہ گزینوں، مہاجرین اور بے گھر افراد کے استقبال اور انضمام کے لیے موجودہ طریقہ کو وسعت دے گی اور اسے بہتر بنائے گی تاکہ یہ افراد قانون کے تحت اپنے حقوق سے مکمل طور پر استفادہ کر سکیں۔مہاجرین اور بے وطن افراد کی آوازبنیادی خدمات تک رسائی کے علاوہ یہ پالیسی سماجی ہم آہنگی اور باہمی احترام کی اہمیت کو بھی اجاگر کرتی ہے۔
اس میں اجنبیوں سے نفرت اور امتیازی سلوک کے خلاف آگاہی کے لیے مہمات چلانے کی ضرورت پر زور دیا گیا ہے۔ یہ پالیسی بین الثقافتی تعلیم کو فروغ دیتی اور پالیسی سازی اور فیصلہ سازی میں پناہ گزینوں، مہاجرین اور بے وطن افراد کی موثر شمولیت کی ضمانت فراہم کرتی ہے۔احتساب اور شواہد پر مبنی اقدامات کو یقینی بنانے کے لیے اس پالیسی میں ضروری معلومات جمع کرنے اور ان کا تجزیہ کرنے کو ترجیحی اقدام قرار دیا گیا ہے۔
اس میں وزارتوں کو واضح ذمہ داریاں تفویض کی گئی ہیں تاکہ وہ عوامی پالیسیوں کی نگرانی اور جائزہ لے سکیں اور مسلسل بہتری اور شفافیت کو ممکن بنایا جا سکے۔پناہ گزینوں کے لیے بامعنی تبدیلینئی پالیسی گزشتہ سال کی دوسری قومی کانفرنس برائے نقل مکانی، پناہ و مہاجرت (کومیگرار) کی بنیاد پر استوار ہے۔ اس کانفرنس سے قبل ہونے والے بیسیوں اجلاسوں میں 14 ہزار سے زیادہ شرکا نے حصہ لیا جس کے نتیجے میں 60 سفارشات سامنے آئیں۔
ان میں سے بیشتر کی تشکیل برازیل میں مقیم پناہ گزینوں، تارکین وطن اور بے وطن افراد کی براہ راست شراکت سے ہوئی۔اس قومی پالیسی کے ذریعے انسانی ہمدردی اور انسانی حقوق کے تحفظ میں برازیل کی قائدانہ حیثیت اجاگر ہوئی ہے۔ 'یو این ایچ سی آر' نے اس پالیسی کے نفاذ اور نگرانی میں برازیل کی حمایت کے عزم کا اعادہ کیا ہے تاکہ یہ ان تمام افراد کے لیے بامعنی تبدیلی کا ذریعہ بنے جو تحفظ کے خواہاں ہیں اور جو برازیل کی سرحدوں کے اندر نئی زندگی کا آغاز چاہتے ہیں۔
.
ذریعہ
ذریعہ: UrduPoint
کلیدی لفظ: تلاش کیجئے اور بے وطن افراد پناہ گزینوں اور قومی پالیسی نقل مکانی برازیل کی یہ پالیسی کرتی ہے کے لیے اور ان
پڑھیں:
صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ
صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ WhatsAppFacebookX 0 23 July, 2026 سب نیوز
نیویارک (آئی پی اس )امریکی وزیرخارجہ مارکوروبیو نے متنبہ کیا کہ صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کے ساتھ بھاری قیمت چکانا ہوگی۔امریکی وزیر خارجہ مارکو روبیو نے منیلا میں صحافیوں سے بات چیت کرتے ہوئے کہا کہ امریکا نے ایران کے ساتھ ڈیل کی پاسداری کی، ایران اس وقت امریکا کے ساتھ ڈیل کے لیے تیار نہیں، ممکن ہے کہ اگلے چند دنوں میں اپنا مقف تبدیل کر لے، انہوں نے ساتھ ہی خبردار کیا کہ صورتحال برقرار رہی تو ایران کو اس کی بھاری قیمت چکانا ہوگی۔
مارکو روبیو کا کہنا تھا جب بھی ایران امریکا ڈیل ہوتی ہے اسے ایران کو چلانے والے لوگ خراب کردیتے ہیں، انہوں نے دعوی کیا کہ ایران اب بھی ڈیل کے لیے براہِ راست اور بالواسطہ درخواستیں کر رہا ہے، ایران چاہے تو مشرق وسطی کا امیر ترین ملک بن سکتا ہے لیکن اسے چلانے والے انتہا پسند مذہبی رہنماں کو معاشی معاملات کا علم ہی نہیں، انہیں دلچسپی حزب اللہ، حماس، حوثیوں اور دیگر ملیشیاں کو رقومات دینے میں ہے جن کی سرپرستی میں دہشت گردی ہوتی ہے ۔
مارکو روبیو کا حوثیوں کے حوالے سیکہنا تھا کہ ایران نے حوثیوں کو اس تنازع میں شامل کردیا ہے، اب دیکھتے ہیں آگے کیا ہوتا ہے، امید ہیحوثی حملے روک دیں گے۔مارکو روبیو نے سعودی عرب کو امریکا کا اہم اسٹریٹجک شراکت دار قرار دیتے ہوئے کہا کہ سعودی عرب کے ساتھ جوہری معاہدہ کرنا قابل فہم ہے، مارکوروبیو کا کہنا تھا کہ سعودی عرب پر امن سول جوہری پروگرام چاہتا ہے، سعودی عرب یا دیگر ممالک کے ساتھ کسی بھی سول جوہری معاہدے میں حفاظتی اقدامات شامل ہوں گے، سول جوہری معاہدے کانگریس کی منظوری سے ہوں گے۔
مارکوروبیو کا صحافیوں سے گفتگو کرتے ہوئے کہنا تھا کہ عالمی فوجداری عدالت میں پاگل اورجنونی لوگ ہیں، امریکا اس کا حصہ نہیں بنے گا، اگر اگر لوگ اس احمق تنظیم کا حصہ بننا چاہتے ہیں تو وہ ایسا کر سکتے ہیں لیکن ہم اس کا حصہ نہیں بنیں گے اور وہ امریکی شہریوں پر اپنے دائرہ اختیار کا اطلاق نہیں کر سکیں گے۔ یوکرین روس جنگ سے متعلق امریکی وزیرخارجہ نے کہا کہ روس یوکرین جنگ میں بہت خونریزی ہوئی، یوکرین نے اس کی بہت بھاری قیمت اداکی ہے، امریکا یوکرین جنگ کے خاتمیکے لیے تعمیری کردارادا کرنیکے لیے تیار ہے۔ چین کے ساتھ تعلقات پر بات کرتے ہوئے مارکوروبیو کا کہنا تھا کہ چین کیساتھ اچھے تعلقات چاہتے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا اگلی خبرپاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید عاصم منیر پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
بھارت سے جنگ اور افغانستان میں کارروائی خارج ازامکان نہیں، وزیردفاع