کراچی میں غیر قانونی مقیم افغان باشندوں کیخلاف سرچ آپریشن، 15غیر قانونی افغان گرفتار
اشاعت کی تاریخ: 17th, October 2025 GMT
پولیس نے سہراب گوٹھ کے مختلف علاقوں میں کومبنگ اورسرچ آپریشن کرکے 15غیر قانونی طور پر مقیم افغانی باشندوں کو حراست میں لے لیا۔ترجمان ایسٹ پولیس کے مطابق سہراب گوٹھ کے مختلف علاقوں میں آپریشن کیا گیا، جس کا مقصد جرائم پیشہ عناصر، منشیات فروشوں اور غیر قانونی طور پر مقیم افراد کے خلاف کارروائی کرتے ہوئے علاقے میں امن و امان کو یقینی بنانا تھا۔کارروائی کے دوران علاقے کے داخلی و خارجی راستوں کو سیل کر کے گھروں، دکانوں اور ہوٹلوں کی باریک بینی سے تلاشی لی گئی۔بائیو میٹرک تلاش ڈیوائسز کے ذریعے متعدد مشتبہ افراد کی شناخت و تصدیق بھی عمل میں لائی گئی۔آپریشن کے دوران 31گھروں، ہوٹلوں اور دکانوں کی تلاشی لی گئی جب کہ 15غیر قانونی طور پر مقیم افغانی باشندوں کو حراست میں لیا گیا۔ آپریشن میں ایس ایچ اوز، افسران و جوان، انٹیلیجنس اسٹاف، تلاش ڈیوائس آپریٹرز اور لیڈیز پولیس نے حصہ لیا ۔
.ذریعہ: Nawaiwaqt
پڑھیں:
کراچی پولیس کی کارروائیاں، بھاری مقدار میں منشیات برآمد، 14 ملزمان گرفتار
کراچی پولیس نے شہر میں بڑے پیمانے پر کارروائی کرتے ہوئے بھاری مقدار میں منشیات برآمد جبکہ 14 ملزمان گرفتار کر لیے ہیں۔
کراچی پولیس آفس میں صوبائی وزیر داخلہ، قانون و پارلیمانی امور ضیاالحسن لنجار، صوبائی وزیر ایکسائز ٹیکسیشن و نارکوٹیکس مکیش کمار چاولہ اور ایڈیشنل آئی جی کراچی نے مشترکہ پریس کانفرنس کرتے ہوئے بتایا کہ اسپیشل انویسٹی گیشن پولیس نے بڑی کارروائیاں کرتے ہوئے مجموعی طور پر 508 کلو منشیات برآمد کی ہیں، جن میں 468 کلو چرس اور 40 کلو آئس شامل ہیں۔
یہ بھی پڑھیے: اسلام آباد پولیس کا منشیات فروشوں کے خلاف کریک ڈاؤن، 72 ملزمان گرفتار
حکام کے مطابق کارروائیاں گلستانِ جوہر اور پاک کالونی میں کی گئیں، جن کے دوران 14 ملزمان کو گرفتار کیا گیا۔ گرفتار ملزمان کا تعلق بلوچستان سے ہے اور یہ ملزمان اس سے قبل بھی منشیات فروشی کے مقدمات میں گرفتار ہو چکے ہیں۔
صوبائی وزیر داخلہ ضیاالحسن لنجار نے بتایا کہ صوبے میں منشیات فروشوں کے خلاف بھرپور کارروائی کے لیے نارکوٹکس فورس بھی قائم کی گئی ہے، جس کی کابینہ نے منظوری دے دی ہے۔ نئی فورس منشیات کے نیٹ ورکس کے خاتمے میں اہم کردار ادا کرے گی۔
یہ بھی پڑھیے: بحیرۂ عرب میں پاک بحریہ کی بڑی کارروائی، 130 ملین ڈالر مالیت کی منشیات ضبط
پریس کانفرنس میں مزید بتایا گیا کہ سیف الرحمان کے گھر سے بھی 50 کلو منشیات برآمد ہوئی ہے، جبکہ گرفتار ملزم جاوید رشید، جو اے ای ٹی او ہے، کے خلاف پہلے ہی انکوائری چل رہی تھی۔
حکام نے کہا کہ شہر کو منشیات سے پاک کرنے کے لیے کارروائیاں مزید تیز کی جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کراچی پولیس منشیات منشیات فروش
جرمانے کا نیا قانون؛ موٹر سائیکل اور گاڑی مالکان کیلئے بڑی خبر