سی وی کلاک ٹاور کے عقب سے ملنے والی خاتون کی لاش کی شناخت کر لی گئی
اشاعت کی تاریخ: 19th, October 2025 GMT
کراچی:
سی ویو کلاک ٹاور کے عقب سے ملنے والی خاتون کی لاش کی شناخت سحرش حسن رضا شاہ کے نام سے کرلی گئی، خاتون کا تعلق مجاہد نگر شیخوپورہ سے ہے۔
تفصیلات کے مطابق بدھ کو درخشاں تھانے کے علاقے سی ویو کلاک ٹاور کے عقب سے نامعلوم خاتون کی ڈوبی ہوئی لاش ملی تھی، جسے پولیس نے تحویل میں لینے کے بعد قانونی کارروائی کے لیے جناح اسپتال منتقل کیا۔
فوری طور پر خاتون کی شناخت ممکن نہیں ہو سکی تھی جس پر پولیس نے خاتون کے فنگر پرنٹس نادرا حکام کو ارسال کیے تھے، گزشتہ روز خاتون کی شناخت 36 سالہ سحرش حسن رضا شاہ دختر حسن رضا شاہ کے نام سے کی گئی۔
درخشاں پولیس کے مطابق خاتون کا تعلق درج پتے کے مطابق مجاہد نگر شیخوپورہ سے ہے، ریکارڈ سے ملنے والے تمام فون نمبرز پر رابطہ کرنے کی کوشش کی گئی لیکن تمام موبائل فونز نمبر بند ہونے کے بعد نادرا حکام سے خاتون کی فیملی ٹری کی درخواست کی گئی ہے۔
پولیس حکام نے بتایا کہ خاتون سحرش کی لاش ملنے کے بعد سے کسی نے اب تک رابطہ نہیں کیا ہے، خاتون شہر میں کہاں رہتی تھی؟ معلومات اکٹھا کی جا رہی ہیں۔
درخشاں پولیس کا کہنا ہے کہ خاتون کو قتل کرنے کے شواہد نہیں ملے، خاتون کی موت ڈوبنے کی وجہ سے ہوئی تاہم پولیس واقعے کے حوالے سے مزید تفتیش کر رہی ہے۔
.ذریعہ: Express News
پڑھیں:
خیبر پختونخوا کی ٹورازم پولیس 6 ماہ سے تنخواہوں سے محروم کیوں؟
خیبر پختونخوا ٹورازم پولیس کے اہلکاروں کا کہنا ہے کہ ان کی تنخواہیں بند ہیں اور 6 ماہ سے ادائیگی نہ ہونے کے باعث ان کے گھروں میں فاقوں کی نوبت آگئی ہے۔
ٹورازم پولیس کے اہلکاروں کے مطابق رواں سال مئی کے بعد سے ان کی تنخواہیں بند ہیں اور حکومت کی جانب سے یقین دہانیوں کے باوجود اب تک کوئی پیش رفت نہیں ہوئی۔
ٹورازم پولیس کی تنخواہیں کیوں بند ہیں؟خیبر پختونخوا حکومت نے صوبے میں سیاحت کے فروغ اور سیاحوں کی سہولت کے لیے سیاحتی علاقوں میں ٹورازم پولیس متعارف کرائی تھی۔
ٹورازم پولیس نے ساڑھے 3 سال قبل باقاعدہ طور پر کام شروع کیا۔
https://Twitter.com/search?q=Tourism%20police%20KP&src=typed_query&f=top
ٹورازم پولیس کے ایک اہلکار نے بتایا کہ ابتدائی طور پر اہلکاروں کو 3 سال کے لیے بھرتی کرتے ہوئے ان بھرتیوں کو مستقل کرنے کا وعدہ کیا گیا تھا۔
ان کے مطابق 3 سالہ مدت ختم ہونے کے بعد اہلکاروں کو ڈیوٹی جاری رکھنے کی ہدایت کی گئی اور بتایا گیا کہ مدت میں توسیع کی منظوری دی جائے گی۔
لیکن اس پر تاحال عمل درآمد نہیں ہوا، جس کی وجہ سے ٹورازم پولیس گزشتہ 6 ماہ سے تنخواہوں سے محروم ہے۔
محکمہ سیاحت کے ایک افسر نے بتایا کہ ٹورازم پولیس کی تنخواہوں کا مسئلہ اب تک حل نہیں ہو سکا جس کی وجہ کنٹریکٹ میں توسیع ہے۔
یہ بھی پڑھیں: فوج اور عوام کے تعاون سے تمام چیلنجز سے بخوبی نمٹ رہے ہیں، خیبرپختونخوا پولیس
’جو صرف بورڈ آف ڈائریکٹرز کی میٹنگ میں ممکن ہے، ڈی جی ٹورازم اتھارٹی نے سیکریٹری کی منظوری سے ایک ماہ کی تنخواہ جاری کی تھی مگر اب مزید ادائیگی بی او ڈی کی منظوری کے بغیر ممکن نہیں۔‘
ٹورازم بورڈ آف ڈائریکٹرز کی میٹنگ کیوں نہیں ہورہی؟محکمہ سیاحت کے ایک اعلیٰ افسر نے بتایا کہ حکومت ٹورازم پولیس کے کنٹریکٹ میں توسیع کر رہی ہے اور فورس کی کارکردگی بھی تسلی بخش ہے، لیکن بی او ڈی میٹنگ نہ ہونے کی وجہ سے منظوری التوا کا شکار ہے۔
انہوں نے بتایا کہ رواں سال جولائی میں میٹنگ شیڈول تھی لیکن اس کا انعقاد نہ ہو سکا، اس کے بعد کابینہ میں تبدیلی ہوئی اور متعلقہ وزیر تبدیل ہوگئے پھرعلی امین گنڈاپور وزیراعلیٰ نہیں رہے اور کابینہ تحلیل ہو گئی۔
مزید پڑھیں: خیبرپختونخوا: قبائلی اضلاع میں 150 سال پرانا پولیس یونیفارم تبدیل، پہلی بار پینٹ شرٹ متعارف
نئی کابینہ بننے کے بعد وزیراعلیٰ سہیل آفریدی خود چیئرمین ہیں لیکن وہ سیاسی طور پر شدید مصروف ہیں۔
مذکورہ افسر کے مطابق بورڈ میٹنگ کے ایجنڈے میں کنٹریکٹ میں توسیع شامل ہے، تاہم میٹنگ کب ہوگی اس بارے میں کچھ کہنا ممکن نہیں۔
’ہمارے گھروں میں فاقے کی نوبت آگئی ہے‘تنخواہیں بند ہونے پر ٹورازم پولیس کے اہلکاروں میں شدید غم و غصہ پایا جاتا ہے۔ ان کے مطابق ٹورازم پولیس کی فائل وزیراعلیٰ ہاؤس میں پڑی ہے جبکہ وزیراعلیٰ حکومتی امور چھوڑ کر اڈیالہ جیل کے باہر سیاسی سرگرمیوں میں مصروف ہیں۔
ایک اہلکار نے بتایا کہ وہ پورا سیاحتی سیزن پہاڑی اور دشوار گزار علاقوں میں ڈیوٹی دیتے رہے، مگر حکومت نے ان کے بنیادی حق یعنی تنخواہ کو کئی ماہ سے روک رکھا ہے۔
مزید پڑھیں: پولیس کی ضروریات پوری کرنے کے لیے خیبرپختونخوا میں اہم فیصلے، پولیس افسران کی تنخواہیں بھی بڑھیں گی
ان کے مطابق اہلکاروں کے گھروں میں فاقوں کی نوبت آچکی ہے، بل ادا کرنا ممکن نہیں رہا اور بچوں کی ضروریات پوری کرنا بھی مشکل ہو چکا ہے۔
انہوں نے جلد از جلد تنخواہوں کی ادائیگی کا مطالبہ کیا۔ ’اب نوبت یہاں تک آچکی ہے کہ گھروں کے چولہے جلنے کے بجائے بجھتے جا رہے ہیں۔‘
اہلکار کے مطابق خیبر پختونخوا اسمبلی کے سامنے احتجاج کے دوران حکومتی وزرا نے جلد مسئلہ حل کرنے کی یقین دہانی بھی کرائی، مگر مسئلہ ابھی تک جوں کا توں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اڈیالہ جیل تنخواہ ٹورازم ٹورازم پولیس خیبرپختونخوا سہیل آفریدی سیاحت وزیراعلٰی ہاؤس
بانی کی صحت کے حوالے سے تحفظات ہیں، بیرسٹر گوہر