پاکستان کی معیشت بتدریج استحکام کی راہ پر گامزن ہے، خرم شہزاد
اشاعت کی تاریخ: 20th, October 2025 GMT
اسلام آباد (اُردو پوائنٹ اخبارتازہ ترین - اے پی پی۔ 20 اکتوبر2025ء) وزیر خزانہ کے مشیر خرم شہزاد نے کہا ہے کہ پاکستان کی معیشت بتدریج استحکام کی راہ پر گامزن ہے، جس کا ثبوت ستمبر 2025ء میں ریکارڈ ہونے والا کرنٹ اکائونٹ سرپلس اور آئی ٹی برآمدات میں تاریخی اضافہ ہے۔پیر کو ایکس پر اپنے بیان میں انہوں نے کہاکہ سٹیٹ بینک آف پاکستان (ایس بی پی) کی تازہ رپورٹ کے مطابق ستمبر 2025ء میں پاکستان کا کرنٹ اکائونٹ 110 ملین ڈالر سرپلس میں رہا جبکہ گزشتہ سال اسی مہینے میں 325 ملین ڈالر کا خسارہ ریکارڈ کیا گیا تھا۔
مالی سال 2025-26 کے دوران یہ پہلا موقع ہے کہ کرنٹ اکائونٹ سرپلس میں آیا ہے۔ستمبر کے اس سرپلس کے نتیجے میں مالی سال کی پہلی سہ ماہی (جولائی تا ستمبر 2025) میں کرنٹ اکائونٹ خسارہ کم ہو کر 594 ملین ڈالر رہ گیا جو گزشتہ سال کی نسبت 18 فیصد کمی کو ظاہر کرتا ہے۔(جاری ہے)
خرم شہزاد نے کہا کہ آئی ٹی اور ٹیکنالوجی کے شعبے میں غیر معمولی پیش رفت پاکستان کے ڈیجیٹل اکنامی وژن کی کامیابی کا ثبوت ہے، ستمبر 2025ء میں آئی ٹی برآمدات 366 ملین ڈالر کی بلند ترین سطح پر پہنچ گئیں جس سے مالی سال 2025-26 کی پہلی سہ ماہی میں برآمدات 21 فیصد سالانہ بنیادوں پر بڑھیں۔
انہوں نے مزید کہا کہ یہ رجحان پاکستان کی برآمدی بنیاد کو وسعت دینے، زرمبادلہ کے ذخائر کو مستحکم کرنے اور اقتصادی استحکام کو فروغ دینے میں مددگار ثابت ہوگا۔کرنسی کے تبادلے کے حوالے سے پاکستان کا حقیقی موثر زر مبادلہ ریٹ ستمبر 2025ء میں معمولی بہتری کے ساتھ 101.7 پر پہنچ گیا جو بیرونی شعبے میں پائیدار استحکام کی عکاسی کرتا ہے۔خرم شہزاد نے کہا کہ یہ مثبت اشارے حکومت کی اصلاحاتی پالیسیوں، مالی نظم و ضبط اور برآمدی شعبے کی کارکردگی میں بہتری کے نتیجے میں سامنے آئے ہیں۔ اگر یہ تسلسل برقرار رہا تو رواں مالی سال معیشت مزید مضبوط بنیادوں پر استوار ہوگی۔
ذریعہ: UrduPoint
کلیدی لفظ: تلاش کیجئے کرنٹ اکائونٹ ملین ڈالر مالی سال نے کہا
پڑھیں:
پاکستان کی برطانیہ سے عادل راجہ اور شہزاد اکبر کی حوالگی کی درخواست
پاکستان نے برطانیہ سے عادل راجہ اور شہزاد اکبر کی حوالگی کی درخواست کردی۔
وفاقی وزیر داخلہ محسن نقوی کی برطانوی ہائی کمشنر جین میریٹ سے اہم ملاقات ہوئی جس میں دوطرفہ تعلقات، سکیورٹی تعاون اور باہمی دلچسپی کے مختلف امور پر تفصیلی تبادلہ خیال کیا گیا۔
ملاقات میں برطانیہ میں غیر قانونی طور پر مقیم پاکستانیوں کی وطن واپسی سے متعلق معاملات پر بھی گفتگو ہوئی،
حکومتِ پاکستان نے شہزاد اکبر اور عادل راجہ کی حوالگی کے لیے ایکسٹروڈیشن کے باضابطہ کاغذات برطانوی ہائی کمشنر کے حوالے کیے۔
اس موقع پر وزیر داخلہ محسن نقوی کے کہا ہے کہ دونوں افراد پاکستان میں مختلف مقدمات میں مطلوب ہیں لہٰذا انہیں جلد از جلد پاکستان کے حوالے کیا جانا ضروری ہے، انہوں نے بیرونِ ملک بیٹھ کر ریاست اور اداروں کے خلاف پروپیگنڈا کرنے والے پاکستانی شہریوں کے خلاف ٹھوس ثبوت بھی فراہم کیے۔
وزیر داخلہ کا کہنا تھا کہ آزادی اظہار کا احترام کیا جاتا ہے مگر فیک نیوز ہر ملک کے لیے ایک سنگین مسئلہ ہے اور کسی بھی ریاست میں بیرونِ ملک سے کیے جانے والے بے بنیاد الزامات اور ہرزہ سرائی کو برداشت نہیں کیا جاتا۔
انہوں نے کہا ہے کہ پاکستان مخالف پروپیگنڈا کرنے والوں کی واپسی کے لیے برطانوی تعاون قابلِ قدر ہوگا۔
محسن نقوی نے مزید کہا ہے کہ وزارتِ خارجہ کے ذریعے بھی ایکسٹروڈیشن کا باضابطہ عمل شروع کر دیا گیا ہے جبکہ اس ملاقات میں وفاقی سیکرٹری داخلہ محمد خرم آغا سمیت دیگر متعلقہ حکام بھی موجود تھے۔
کراچی: گلشن اقبال میں مکان پر مبینہ قبضے کی کوشش، فائرنگ کی ویڈیو وائرل