راولپنڈی اور پشاور میں ڈینگی بے قابو: بخار کے کیسز میں خطرناک اضافہ
اشاعت کی تاریخ: 23rd, October 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی، پشاور: ملک کے دو بڑے شہروں راولپنڈی اور پشاور میں ڈینگی وائرس کے حملے تیزی سے بڑھ رہے ہیں، جس نے شہری انتظامیہ اور صحت کے اداروں کی کارکردگی پر سوالات کھڑے کر دیے ہیں۔
مون سون کے بعد مچھروں کی افزائش کے لیے سازگار ماحول نے وائرس کے پھیلاؤ کو مزید بڑھا دیا ہے، جس سے شہریوں میں خوف و تشویش کی لہر دوڑ گئی ہے۔
تفصیلات کے مطابق راولپنڈی میں اب تک 15 ہزار 139 افراد کے ڈینگی ٹیسٹ کیے جا چکے ہیں، جن میں سے 1163 مریضوں میں وائرس کی تصدیق ہوئی ہے۔ ڈسٹرکٹ ہیلتھ اتھارٹی راولپنڈی کے مطابق صرف گزشتہ چوبیس گھنٹوں میں 21 نئے کیسز رپورٹ ہوئے، تاہم خوش قسمتی سے اب تک کسی ہلاکت کی اطلاع نہیں ملی۔
شہر کے مختلف اسپتالوں میں 42 مریض زیر علاج ہیں جب کہ انتظامیہ نے لاروا کی موجودگی کے انسداد کے لیے گھروں کی بڑے پیمانے پر جانچ کی ہے۔ رپورٹ کے مطابق 59 لاکھ 9 ہزار 755 گھروں کی چیکنگ مکمل کی جا چکی ہے جن میں سے 1 لاکھ 85 ہزار سے زائد گھروں میں ڈینگی لاروا پایا گیا۔
دوسری جانب پشاور میں صورتحال بھی تشویشناک بنتی جا رہی ہے۔ شہر میں ڈینگی کے ایکٹو کیسز کی تعداد 268 تک پہنچ چکی ہے، جب کہ گزشتہ 24 گھنٹوں میں 38 نئے مریض رپورٹ ہوئے ہیں۔
خیبر پختونخوا میں اب تک 3830 ڈینگی کیسز سامنے آ چکے ہیں اور صوبے میں اس مہلک وائرس سے دو ہلاکتیں بھی ہو چکی ہیں۔
محکمہ صحت کے مطابق پشاور کے اسپتالوں میں 54 مریض زیر علاج ہیں۔ ماہرین کا کہنا ہے کہ اس وقت پشاور میں درجہ حرارت 30 ڈگری سینٹی گریڈ کے قریب ہے، جو ڈینگی مچھر کی افزائش کے لیے انتہائی موزوں درجہ حرارت سمجھا جاتا ہے، تاہم پہاڑی اور سرد اضلاع میں جہاں موسم خشک اور ٹھنڈا ہو چکا ہے، وہاں کیسز میں نمایاں کمی دیکھی جا رہی ہے۔
حکومتی اداروں نے لاروا کش اسپرے، آگاہی مہمات اور گھروں میں احتیاطی اقدامات کو مزید تیز کرنے کی ہدایت جاری کی ہے۔ شہریوں سے اپیل کی گئی ہے کہ وہ پانی جمع ہونے والے مقامات کو ختم کریں، مچھروں سے بچاؤ کے اسپرے کا استعمال کریں اور مکمل آستین والے کپڑے پہنیں۔
ماہرین نے متنبہ کیا ہے کہ اگر فوری اقدامات نہ کیے گئے تو نومبر کے آغاز تک کیسز میں مزید اضافہ ہو سکتا ہے کیونکہ موجودہ درجہ حرارت ڈینگی کے لیے موزوں ماحول فراہم کر رہا ہے۔
.ذریعہ: Jasarat News
کلیدی لفظ: پشاور میں میں ڈینگی کے مطابق کے لیے
پڑھیں:
اسلام آباد: گزشتہ 24 گھنٹے کے دوران ڈینگی کے 24 نئے کیسز، زیر علاج مریضوں کی تعداد 64 ہوگئی
اسلام آباد میں گزشتہ 24 گھنٹے کے دوران ڈینگی کے مزید 24 نئے کیسز رپورٹ ہوئے ہیں۔ مختلف اسپتالوں میں زیر علاج مریضوں کی تعداد 64 ہوگئی ہے۔
ضلعی انتظامیہ کے مطابق دیہی علاقوں سے 20 جبکہ شہری علاقوں سے 4 مریضوں کی تصدیق ہوئی۔ ہائی رسک زونز میں 9 سو 34 رہائشی مقامات پر اسپرے جبکہ 2 ہزار 4 سو 18 پوائنٹس پر فوگنگ مکمل کی گئی۔
مزید پڑھیں: راولپنڈی اور مری میں ڈینگی کیسز بڑھنے لگے، مجموعی تعداد 188 ہوگئی
فیلڈ ٹیموں کی جانب سے گزشتہ ایک روز میں 44 ہزار آٹھ سو 43 مقامات کی چیکنگ مکمل کی گئی۔ انسپکشن کے دوران 515 جگہوں پر لاروا بازیٹو جبکہ 3 جگہوں پر نیگیٹو رپورٹ ہوا۔
انتظامیہ کا کہنا ہے کہ انسدادِ ڈینگی ایس او پیز کی خلاف ورزی پر فوری قانونی کارروائی عمل میں لائی جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد ڈینگی لاروا مچھر
بانیٔ پی ٹی آئی نے علی امین گنڈاپور کو خراجِ تحسین پیش کیا ہے: بیرسٹر گوہر